បញ្ចូលពាក្យគន្លឹះ​​​​របស់អ្នកនៅទីនេះ

ព័ត៌មានថ្មីៗទាំងអស់

ការធ្វើបទបង្ហាញ បេឡាជាតិរបបសន្តិសុខសង្គម

ការធ្វើបទបង្ហាញ បេឡាជាតិរបបសន្តិសុខសង្គម

កាលពីថ្ងៃទី១៥ ខែសីហា ឆ្នាំ២០១៧ កន្លងទៅនេះ វិទ្យាស្ថាន និងសាលារៀន អន្តរទ្វីប អាមេរិកាំង បានសហការជាមួយបេឡាជាតិរបបសន្តិសុខសង្គម(ប . ស . ស)។ ការធ្វើបទបង្ហាញនេះដោយលោក សារ៉ាយ ដែលតំណាងឱ្យបេឡាជាតិរបបសន្តិសុខសង្គម ជូនទៅដល់លោកគ្រូអ្នកគ្រូ និងបុគ្គលិកគ្រប់ផ្នែក នៅសាលប្រជុំ សូវ ហុងគុយ អគារ លីម គីមណយ សាលារៀន អន្តរទ្វីប អាមេរិកាំង សាខាម៉ៅសេទុង ឱ្យបានយល់អំពីអត្ថប្រយោជន៍ទទួលបានពី ប.ស.ស ទៅលើចំនុចមួយចំនួនដូចជា ផ្នែកគ្រោះថ្នាក់ការងារ និងផ្នែកថែទាំសុខភាព។​ បន្ទាប់ពីធ្វើបង្ហាញយ៉ាងក្បោះក្បាយរួចហើយលោកគ្រូអ្នកគ្រូមានសំណួរសួរយ៉ាងច្រើន ហើយលោកគ្រូ សារ៉ាយបានបកស្រាយគ្រប់សំណួរធ្វើឱ្យលោកគ្រូអ្នកគ្រូអស់ចម្ងល់ ហើយជាចុងក្រោមយើងទាំងអស់គ្នាថតរូបជុំគ្នា។

បទបង្ហាញស្តីពីដំណើរការចុះឈ្មោះចូលរៀនឆ្នាំសិក្សាថ្មី២០១៧-២០១៨ នៃសាលារៀន អន្តរទ្វីប អាមេរិកាំង

បទបង្ហាញស្តីពីដំណើរការចុះឈ្មោះចូលរៀនឆ្នាំសិក្សាថ្មី២០១៧-២០១៨ នៃសាលារៀន អន្តរទ្វីប អាមេរិកាំង

កាលពីថ្ងៃទី១០​ ខែសីហា ឆ្នាំ២០១៧ កន្លងទៅនេះ គណៈ​គ្រប់គ្រង​សាលារៀន ​អន្តរទ្វីប អាមេរិកាំង បានបើកវគ្គខ្លីបណ្ដុះបណ្ដាលបន្ថែមស្ដីពី ​ការចុះ​ឈ្មោះ​ចូល​រៀន​ឆ្នាំ​សិក្សា​ថ្មី២០១៧-២០១៨ ដល់​បុគ្គលិកពាក់ព័ន្ធផ្នែកលេខាធិការ រដ្ឋបាល ហិរញ្ញវត្ថុ និងគនណេយ្យ ប្រមាណជាង៥០នាក់​ នៅ​សាលា​រៀន អន្តរទ្វីប អាមេរិកាំង សាខាកណ្ដាល។ ប្រធានផ្នែកលេខាធិការកម្មវិធីសិក្សា នៃសាលារៀន អន្តរទ្វីប អាមេរិកាំង លោក ស៊ូ វិចិត្រ ជាវាគ្មិន មានគោលបំណងដើម្បី​តម្រង់​ទិស ​និង​អភិវឌ្ឍ​បន្ថែម​រាល់​កិច្ចការ​ពាក់ព័ន្ធមួយចំនួន និង​បុគ្គលិក​គ្រប់ផ្នែក​ពាក់ព័ន្ធ​ទាំង​នោះ​បាន​ឈ្វេង​យល់​កាន់​តែ​ច្បាស់​ពី​បច្ចេកទេស ទម្រង់បែបបទ និងឯកសារជាដើម នៃដំណើរការចុះឈ្មោះចូលរៀន។ ព្រោះវានឹង​អាច​ជួយ​សម្រួល​ដល់​ការទទួល​ចុះឈ្មោះ​សិស្ស​ឱ្យ​បាន​ឆាប់​រហ័ស ទាន់ពេលវេលា និងមានទំនុកចិត្តខ្ពស់ពីសិស្ស អាណាព្យាបាល​សិស្ស ​ឬអតិថិជន​ជាដើម។ សាលារៀន អន្តរទ្វីប អាមេរិកាំង គ្រប់សាខា ចាប់ផ្ដើមទទួលចុះឈ្មោះសិស្សានុសិស្សគ្រប់កម្រិតសិក្សាចាប់ពីថ្ងៃ​នេះតទៅ ​ហើយ​បវេសនកាល​ថ្មី​នឹង​ចាប់​ផ្ដើម​នៅថ្ងៃ​ទី១៧ ខែតុលា ឆ្នាំ២០១៧ ខាងមុខនេះ៕ អត្ថបទដកស្រង់សារព័ត៌មាន ឌិ អ៊ីនធ័រខន​ រ៉ូស្ទ័រ