បញ្ចូលពាក្យគន្លឹះ​​​​របស់អ្នកនៅទីនេះ

Author: វាសនា

ចូលរួមពិព័រណ៍អាហារូបករណ៍ និងការសិក្សានៅប្រទេសអូស្រ្តាលី

កាលពីថ្ងៃទី១២ ខែកក្កដា ឆ្នាំ២០១៨ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង បានដឹកនាំសិស្សានុសិស្សថ្នាក់ទី១២ ទៅចូលរួមពិព័រណ៍អាហារូបករណ៍ និងការសិក្សានៅប្រទេសអូស្រ្តាលី នៅសណ្ឋាគារសូហ្វីតែលភ្នំពេញ។កម្មវិធីពិព័រណ៍ការសិក្សានៅអូស្រ្តាលីដែលរៀបចំឡើងដោយស្ថាប័ន IDP Education ដើម្បីឱ្យសិស្សានុសិស្សយល់ដឹងទាក់ទងទៅនឹងបទបញ្ជារបស់សាលា និងព័ត៌មានសំខាន់ៗជាច្រើនទៀតទាក់ទង ទៅនឹងការសិក្សានៅបរទេស ការប្រឹក្សា នឹងការបំពេញទម្រង់បែបបទសិក្សា ត្រូវបានផ្តល់ជូនដោយស្ថាប័ន IDP ដោយឥតគិតថ្លៃ។ ប្រទេសអូស្ត្រាលីគឺជាទិសដៅដ៏ពេញនិយមមួយ សម្រាប់សិស្សនិស្សិតកម្ពុជាក្នុងការបន្តសិក្សាដែលប្រទេសនេះត្រូវបានគេទទួលស្គាល់ជាសាធារណៈអំពីប្រព័ន្ធអប់រំលំដាប់ពិភពលោក កម្រិតជីវភាពរស់នៅប្រកបដោយគុណភាពខ្ពស់ មានសុវត្ថិភាព និងគុណសម្បត្តិជាច្រើនដទៃទៀត។ ពិព័ណ៍ការសិក្សានេះ ត្រូវបានធ្វើឡើងដើម្បីផ្តល់ជាវេទិកាដ៏ល្អបំផុត សម្រាប់ សិស្ស និស្សិត និង អាណាព្យាបាល ធ្វើការជួបផ្ទាល់ជាមួយ សាលា សាកលវិទ្យាល័យ និង ស្ថាប័នអប់រំល្បីៗមកពីទូទាំងអូស្រ្តាលី ដែលអាចផ្តល់ការណែនាំអំពីជម្រើសសិក្សា តម្លៃសិក្សា តម្លៃការរស់នៅ និងការដាក់ពាក្យសុំទិដ្ឋាការ។ បញ្ជាក់ IDP Education គឺជាស្ថាប័នធំជាងគេបង្អស់លើពិភពលោកដែលបានដើរតួនាទីក្នុងការបញ្ជូនសិស្ស និស្សិត ទៅសិក្សានៅប្រទេសអូស្ត្រាលី ដែលមានការិយាល័យចំនួនជាង ១០០កន្លែង ក្នុង៣០ប្រទេសជុំវិញពិភពលោក ដែលបានជួយសិស្សនិស្សិតកម្ពុជាទៅសិក្សានៅប្រទេសអូស្រា្តលី តំាងពីឆ្នាំ ១៩៩៤។ IDP […]

ការបង្ហាញសាកល្បងគម្រោងស្រាវជ្រាវចូលរួមក្នុងកម្មវិធី ទិវាប្រវត្តិសាស្រ្តធម្មជាតិសកលលោកឆ្នាំ២០១៨

កាលពីថ្ងៃទី១០ ខែកក្កដា ឆ្នាំ២០១៨ កន្លងទៅនេះ គណៈកម្មការនៃសាលា​រៀន អន្តរ​ទ្វីប អាមេរិកាំង បាននាំ​បេក្ខជន​ជា​សិស្ស​ឆ្នើមរបស់​សាលា​រៀន អន្តរ​ទ្វីប អាមេរិកាំង ចំនួន​៣​ក្រុម​ទៅចូលរួមការបង្ហាញសាកល្បងគម្រោងស្រាវជ្រាវចូលរួមក្នុងកម្មវិធី ទិវាប្រវត្តិសាស្រ្តធម្មជាតិសកលលោកឆ្នាំ២០១៨ នៅសាលពហុបំណងនៃមជ្ឈមណ្ឌលសហប្រតិបត្តិការកម្ពុជា-កូរ៉េ។ទិវា​ប្រវត្តិសាស្ត្រធម្ម​ជាតិ​សាកល​លោក​ឆ្នាំ​២០១៨ សិស្សានុសិស្សរបស់កម្ពុជានឹងទៅប្រកួត​ប្រជែង​ចំណេះដឹងនៅ​ប្រទេស​ចិន នៅថ្ងៃ​ទី១៩ រហូត​ដល់​ថ្ងៃ​ទី២៧ ខែ​កក្កដា ឆ្នាំ​២០១៨។ សិស្សរបស់សាលា​រៀន អន្តរ​ទ្វីប អាមេរិកាំង រួមមានយុវតី ស៊ុនលី សិក្ខា សិស្ស​ថ្នាក់​ទី១១ យុវតី ចៅ លីហ័រ ថ្នាក់​ទី១១ យុវតី ហួ សុជានាដ សិស្ស​ថ្នាក់​ទី៨ យុវតី ហេង ចន្ទកណិកា ថ្នាក់​ទី៨ យុវ​សិស្ស ភ លីហេង ថ្នាក់​ទី១០ យុវតី គ្រុយ ប៊ុនភាព និង​យុវតី អ៊ិន រតនៈស័ក្ដវីនណា ថ្នាក់​ទី១១។ទិវា​ប្រវត្តិសាស្ត្រធម្ម​ជាតិ​សាកល​លោក នៅ​សាធារណរដ្ឋ​ប្រជា​មានិត​ចិន​នេះ រៀបចំ​ឡើង ដើម្បី​ពង្រឹង​សមត្ថភាព​សិស្សានុ​សិស្ស ផ្នែក​វិទ្យា​សាស្រ្តធម្ម​ជាតិ និង​អភិវឌ្ឍ​ជំនាញ​ស្រាវជ្រាវ ច្នៃ​ប្រឌិត ភាពជា​អ្នក​ដឹក​នាំ […]

សិស្សថ្នាក់ទី៩ប្រឡងឆមាសទី២

ការប្រឡងឆមាសទី២ បានចាប់ផ្តើមនៅថ្ងៃទី០៩ដល់ថ្ងៃ១១ ខែកក្កដា ឆ្នាំ២០១៨ សាលារៀន អន្តរទ្វីប អាមេរិកាំង​ តាមសាខារៀងៗខ្លួន​ បានចាប់ផ្តើមដំណើរការប្រឡងឆមាសលើកទី២ សម្រាប់ សិស្សានុសិស្សថ្នាក់០៩។  ការប្រឡងឆមាសទី២ នេះធ្វើតាមការណែនាំរបស់ក្រសួងអប់រំ យុវជន និងកីឡា ហើយការប្រឡងឆមាសនេះប្រព្រឹត្តិទៅដោយរលូន និងនៅក្នុងបន្ទប់នីមួយៗអនុរក្សមានការតឹងតែង ម៉ត់ចត់ចំពោះបេក្ខជន មិនអនុញ្ញាតឱ្យបេក្ខជនចម្លង ឬបើកឯកសារមើល និងប្រើគ្រឿងអេឡិចត្រូនិច។ ពិសេសបេក្ខជននីមួយៗគោរពវិន័យ និងបទបញ្ជាសាលាបានយ៉ាងល្អ ហើយខាងលើនេះជាកម្រងរូបភាពកំឡុងពេលប្រឡងឆមាសទី២។

លទ្ធផលការប្រកួតបាល់ទាត់វគ្គផ្តាច់ព្រ័ត្រ

កាលពីនៅថ្ងៃទី៨ ខែកក្កដា ឆ្នាំ២០១៨ កន្លងទៅនេះ គណៈកម្មការបាល់ទាត់នៃសាលារៀន អន្តរទ្វីប អាមេរិកាំងបានរៀបចំការប្រកួតបាល់ទាត់វគ្គផ្តាច់ព្រ័ត្រសម្រាប់ក្របខណ្ឌសិស្សដើម្បី​​ជ្រើសរើស​ជើង​ឯក​ពានរង្វាន់ ម៉េងលី ជេ. គួច លើក​ទី១១នៅ​លើស​មរ​ភូមិ​ដោនថោន។ ការប្រកួតយកពានរង្វាន់នេះគឺបានទៅលើក្រុម Dark VeNom យក​ឈ្នះ EOP ក្នុង​លទ្ធផល ៤ ទល់​នឹង ២ ខណៈ​ដែល The Beast FT កាច់បំបាក់​ក្រុម Black Mamba FT ក្នុងលទ្ធផល ៣ ទល់​នឹង ០។