បញ្ចូលពាក្យគន្លឹះ​​​​របស់អ្នកនៅទីនេះ

កម្មវិធីសប្បុរសធម៌

ជួយគ្នាក្នុងគ្រាបន្ទាន់!

សាលា​រៀន អន្តរទ្វីប អាមេរិកាំង​ នៅថ្ងៃទី០៨ធ្នូនេះ​ បានប្រគល់​​​​​​សម្ភារកីឡា​មួយចំនួន​ ដល់​សហគមន៍កីឡា ​ស្រុកស្វាយអន្ទរ​ ​​​​ខេត្តព្រៃ​វែង ខណៈសហគមន៍នេះ ​កំពុងត្រូវការ​សម្ភារកីឡា​ជា​ចាំបាច់​ ដើម្បី​ចូលរួមប្រកួត​​កីឡា​បាល់​បោះ​ជម្រើស​ជើងឯក​ថ្នាក់ជាតិ​ឆ្នាំ​២០១៨ នៅថ្ងៃទី១១ ដល់ថ្ងៃទី១៦ ខែធ្នូ ឆ្នាំ២០១៨​ នាពេលឆាប់ៗនេះ។លោក សែម ពេជ្រ ​នាយក​កីឡា​នៃ​សាលារៀន​ ​អន្តរទ្វីប​ ​អាមេរិកាំងបានឱ្យដឹងថា​ សម្ភារៈដែលបានឧបត្ថម្ភ​​នៅថ្ងៃនេះ រួម​មាន​​អាវ​បាល់​​បោះបី​ឈុត ស្បែក​ជើង៣០គូ​ ​និងបាល់ចំនួន​១២​។ សម្ភារកីឡាទាំងនេះ​ ​ គឺជារង្វាន់​ជ័យលាភី​ ដែល​សិស្សានុសិស្ស​ របស់សាលារៀន អន្តរទ្វីបអាមេរិកាំង ទទួលបាន​ពីការប្រកួតថ្នាក់ជាតិកន្លងមក ដែលពួកគេពេញចិត្តក្នុងបរិច្ចាគទៅអ្នកខ្វះខាត។ លោក​ សោម ​​សារិទ្ធ ស្ថាបនិក​សហគមន៍កីឡា​ស្រុកស្វាយអន្ទរ បានលើកឡើងថា ​សហគមន៍កីឡាស្រុកស្វាយអន្ទរ ​​​បាន​ជួបបញ្ហា​ប្រឈម​ជាច្រើន ជាពិសេស​​គឺ​ខ្វះគ្រូ ​និង​សម្ភារ​កីឡាសម្រាប់​សិស្ស​។ លោក​បានលើកឡើងបន្ថែមទាំងទឹកមុខរីករាយថា សម្ភារដែលទទួលបាន​នៅថ្ងៃនេះ​ ពិតជាសារៈសំខាន់​ខ្លាំងណាស់ ខណៈ​ដែល​បច្ចុប្បន្ន ​សិស្ស​​សហគមន៍​កីឡា ស្រុកស្វាយអន្ទរ ​​​​​​កំពុង​ត្រៀម​ខ្លួន​ចូលរួម​ប្រកួត​កីឡា​បាល់​បោះ​ជម្រើស​ជើងឯក​ថ្នាក់ជាតិ​ឆ្នាំ​២០១៨ នៅថ្ងៃទី១១ ដល់ថ្ងៃទី១៦ ខែធ្នូ ឆ្នាំ២០១៨នេះ ស្របពេល​ដែលចុងឆ្នាំនេះ សហគមន៍​គ្មាន​សម្ភារ​នៅក្នុងដៃ​ទាំងអស់។​លោក​ […]

ការបរិច្ចាគកង់លើកទី៦ និងធនាគារអាហារលើកទី១៨៦

ការបរិច្ចាគកង់លើកទី៦នៃគម្រោងកង់ដើម្បីការអប់រំកុមារ និងគម្រោងធនាគារអាហារម៉េងលីជេ.គួច លើកទី១៨៦​ ជូនសិស្សានុសិស្សនៃសាលាបឋមសិក្សាថ្មកង្កែប គួច ប៉េងសាំង ងិនហួយ ស្ថិតនៅឃុំច្រណូក ស្រុកកំពង់លែង ខេត្តកំពង់ឆ្នាំង។

បណ្ណាល័យចល័ត និងមូលនិធីម៉េងលី ជេ. គួច

មូលនិធីម៉េងលី ជេ. គួច ដែល​មាន​លោក​ឧកញ៉ា វេជ្ជបណ្ឌិត គួច ម៉េងលី ជាប្រធាន កាល​ពី​ថ្ងៃ​ទី​២០ កុម្ភៈ ឆ្នាំ​២០១៨ បាន​នាំ​យក​សៀវភៅ និង​នំ​ចំណី​ចែក​ជូន​កុមារ​តូចៗ​នៅ​សហគមន៍​មួយ​នៅ​ជាយ​រាជ​ធានី​ភ្នំពេញ។ សហគមន៍​នេះ មាន​ឈ្មោះថា សហគមន៍​សាមគ្គី៤ សិ្ថត​នៅសង្កាត់​តាំង​ក្រសាំង ខណ្ឌ​ពោធិ៍​សែនជ័យ រាជ​ធានី​ភ្នំពេញ មាន​ប្រជា​ពលរដ្ឋ​រស់នៅ​ប្រមាណ​២០០​គ្រួសារ​ និង​មាន​កុមារ​ប្រមាណ​ជាង​១០០នាក់។ក្រឡេក​មើល​ទៅ​កុមារ​តូច​ជាង៣០​នាក់​ឯណេះ​វិញ កំពុង​អង្គុយ​លេង​ក្នុង​ទីស្នាក់​ការ​សហគមន៍​របស់អង្គការ​ទស្សនៈ​ពិភព​លោក ម្នាក់ៗ​ហាក់​សប្បាយ​ចិត្ត​ជា​ខ្លាំង នៅពេល​ដែល​ក្រុម​ការងារ​មូល​និធិ ម៉េងលី ជេ. គួច បាន​ជួប​ជាមួយ​ពួក​គេ។ ទន្ទឹម​នឹង​នេះ​ដែរ ពួកគេ​រីករាយ​ជាមួយ​សៀវភៅ​រឿងនិទាន​ដែល​ក្រុម​ការងារ​បាន​នាំ​យក​ទៅស​ម្រាប់​ឱ្យ​ពួកគេ​អាន។ បើ​ទោះ​បី​ជា​កុមារ​ភាគ​ច្រើន​មិន​អាច​អាន​បាន តែ​ពួកគេ​នៅ​តែ​រីករាយ ដោយ​អង្គុយ​មើល​រូប​ក្នុង​សៀវភៅ ទាំង​ទឹក​មុខ​ញញឹម។ ក្នុងទឹកមុខ​រំភើប​រីករាយ បន្ទាប់​ពី​ក្រុមការងារ​មូលនិធិ ម៉េងលី ជេ. គួច បាន​យក​សៀវភៅ និង នំ​ចំណី​ទៅចែក​ជូន​កុមារ​តូចៗ​ទាំងនោះ អ្នកស្រី​បាន​ថ្លែង​អំណរ​គុណយ៉ាងខ្លាំង ព្រោះ​ធ្វើ​សកម្ម​បែបនេះ ធ្វើ​ឱ្យ​កុមារ​រីករាយ ហើយ​ជាការរួម​ចំណែក​ឱ្យ​ពួកគេ​ស្រលាញ់​ការ​អាន​ផងដែរ។បណ្ណាល័យចល័ត​ម៉េងលី ជេ. គួច ដោយ​បាន​ធ្វើ​សកម្មភាព​ជាមួយ​កុមារ​នៅ​តំបន់​នានា​នៅ​ទូទាំង​ប្រទេស ដើម្បី​លើក​តម្កើង​អំណាន​សាធារណៈ​នៅតាមសហគមន៍ តាមរយៈ​រថយន្ត​បណ្ណាល័យ​ចល័ត​ដោយ​ដឹក​ជញ្ជូន​សៀវភៅ និងល្បែង​សិក្សា​ទៅកាន់​កុមារ​នៅតាម​តំបន់​ជនបទ ជាយក្រុង និង​តាម​មណ្ឌល​កុមារ​កំព្រា​នានា ដែល​ភាគ​ច្រើន​កម្មវិធី​បណ្ដុះ​ទម្លាប់​ការ​អាននេះ​ […]

សាលារៀន អន្តរទ្វីប អាមេរិកាំងចូលរួមបើកបវេសនកាលឆ្នាំ២០១៧ -២០១៨ ជាមួយសាលាបឋមសិក្សាភូមិ៧

សាលារៀន អន្តរទ្វីប អាមេរិកាំងចូលរួមបើកបវេសនកាលឆ្នាំ២០១៧ -២០១៨ ជាមួយសាលាបឋមសិក្សាភូមិ៧

កាលពីថ្ងៃទី១ខែវិច្ឆិកា​ ឆ្នាំ២០១៧ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង និង មូលនិធិ ម៉េងលី ជេ. គួច បានចូលរួម និងនាំយកសម្ភារសិក្សា​ចំនួន២៥០កញ្ចប់សម្រាប់ធ្វើការបរិច្ចាកទៅ​សិស្សានុសិស្ស​នៃ​សាលាបឋមសិក្សា​ភូមិ៧ ធ្វើឡើង​នៅ​ក្នុង​បរវេណ​សាលាបឋមសិក្សា​ភូមិ៧ ស្ថិត​ក្នុង​ភូមិ២ សង្កាត់​ទំនប់ទឹក ខណ្ឌ​ចំការមន រាជធានី​ភ្នំពេញ គឺនៅពេលរៀប​ចំពិធីបើក​បវេសនកាល​ឆ្នាំ​សិក្សា​២០១៧-២០១៨ និង​ប្រារព្ធ​ទិវា​គ្រូបង្រៀន​ផងដែរ។ លោក ទួន គីមស៊ីវុត នាយក​សាលាបឋមសិក្សា​ភូមិ៧ បានលើក​ឡើង​ថា តាងនាម​លោក​ជា​គណៈគ្រប់គ្រង​សាលា​បឋមសិក្សា​ភូមិ៧ លោក​ពិតជាមាន​សេចក្ដីសោមនស្សរីករាយ​យ៉ាងក្រៃលែង និង​កោតសរសើរ​យ៉ាងខ្លាំងចំពោះ​មូលនិធិ ម៉េងលី ជេ. គួច ពិសេស​លោក​ឧកញ៉ា វេជ្ជបណ្ឌិត គួច ម៉េងលី នាយកប្រតិបត្តិ​នៃ​មូលនិធិ និង​ជា​ស្ថាបនិក​នៃ​វិទ្យាស្ថាន និង​សាលារៀន អន្តរទ្វីប អាមេរិកាំង ដែល​តែងតែ​យកចិត្ត​ទុកដាក់ ក៏ដូចជា​ចូលរួម​ឧបត្ថម្ភ​សម្ភារសិក្សា​ដល់សិស្សសាលា​របស់លោក​ជា​រៀងរាល់ឆ្នាំ​សិក្សា​ ពិសេស​គឺ​រៀងរាល់​សាលាបឋមសិក្សា​ភូមិ៧ រៀបចំពិធីបើក​បវេសនកាល​ឆ្នាំសិក្សា​ថ្មី។ “សមាន​ចិត្តដ៏គួរឱ្យស្ញប់ស្ញែង​មួយនេះ គឺ​នឹង​ស្ថិត​ក្នុងចិត្ត​របស់​ខ្ញុំ​និង​សិស្សានុសិស្ស​របស់ខ្ញុំ​ជា​និច្ច។ ដើម្បីជាការតបស្នង​គុណ យើង​ខ្ញុំមានតែ​ប្ដេជ្ញា​ចិត្ត និង​ពួតដៃគ្នា​ខិតខំ​បង្ហាត់​បង្រៀន​សិស្សានុសិស្ស​ឱ្យ​អស់​ពីកម្លាំងកាយ​ចិត្ត ដើម្បី​ឱ្យពួកគេ​ទទួលបាន​ចំណេះដឹង​ពិតប្រាកដ ហើយ​អាចយកទៅ​ប្រើប្រាស់​ក្នុង​សង្គម​បាន​ប្រកបដោយ​ប្រសិទ្ធភាព​តែប៉ុណ្ណោះ។ ចុងក្រោយ​ខ្ញុំសូមជូនពរ​លោកឧកញ៉ា វេជ្ជបណ្ឌិត គួច ម៉េងលី […]

មូលនិធិ ម៉េងលី ជេ. គួច បរិច្ចាគកង់៧៥គ្រឿង និងសម្ភារៈសិក្សា ដល់សិស្សសាលាបឋម…

កាលពីថ្ងៃទី៣០ ខែសីហា ឆ្នាំ២០១៧ កន្លងទៅនេះ ​ មូ​លនិធិ ម៉េងលី ជេ. គួច ក្រោមការ​ដឹកនាំ​ដោយ​ផ្ទាល់​របស់​លោក​ឧកញ៉ា វេជ្ជបណ្ឌិត គួច ម៉េងលី និង​លោក​ជំទាវ​ បាន​បើក​យុទ្ធនា​ការ “កង់១ជីវិត១ ដើម្បីចូលរួមលើកស្ទួយការ​អប់រំ​កុមារ” លើកទី៤ និងកម្មវិធី​ធនាគារអាហារ​សប្បុរសធម៌ លើកទី១៧១ ​ដោយ​បាន​នាំ​យក​កង់​ចំនួន៧៥​គ្រឿង សម្ភារៈសិក្សា​មួយ​ចំនួន ថវិកា ព្រមទាំងអាហារសប្បុរសធម៌ ចុះចែកដល់សិស្សានុសិស្ស​ លោក​គ្រូ​អ្នកគ្រូ ​និង​អាណាព្យាបាល​សិស្ស នៅសាលា​បឋម​សិក្សា ​អរិយកស្សប ​ដែល​ស្ថិត​នៅ​ក្នុង​ភូមិ​ពោធ៍រ៉ាល់​ ឃុំភ្នំបាត​ ស្រុកពញាឮ ខេត្ត​កណ្ដាល។ទន្ទឹមនឹងការបរិច្ចាគកង់ចំនួន៧៥គ្រឿង ដល់សិស្សានុសិស្ស មូលនិធិក៏បានឧបត្ថម្ភបន្ថែម​នូវសម្ភារៈ​សិក្សា​មួយ​ចំនួន​រួមមាន ​កាតាប​ម្នាក់​មួយ សៀវភៅ​សរសេរ​៤ក្បាល ប៊ិក២ដើម ខ្មៅដៃ២ដើម ជ័រលុប១ ប្រដាប់ខួងខ្មៅដៃ១ បន្ទាត់១ ទឹកដោះគោឆៅ២កញ្ចប់ អាហារ​សម្រន់ និង​ទឹកបរិសុទ្ធ​ផងដែរ។ ក្រៅពី​នោះ មូល​និធិ​ក៏បាន​ឧបត្ថម្ភ​ដល់​សិស្ស​ពូកែចំនួន​៧០នាក់ ​និង​សិស្សពិការ​អវយវៈផង​ដែរ ​ដោយ​ម្នាក់ៗ​ទទួល​បាន សៀវភៅ​សរសេរ​៦ក្បាល ប៊ិក២ដើម ខ្មៅដៃ១ដើម ជ័រលុប១ ប្រដាប់ខួងខ្មៅដៃ១ បន្ទាត់១ […]