បញ្ចូលពាក្យគន្លឹះ​​​​របស់អ្នកនៅទីនេះ

ការប្រកួតប្រជែងចំណេះដឹង

កម្មវិធីប្រគល់រង្វាន់ ដល់សិស្សានុសិស្សដែលទទួលបានជ័យលាភី

កាលពីថ្ងៃទី០៩ ខែធ្នូ ឆ្នាំ២០១៧ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង បានដឹកនាំសិស្សានុសិស្សទៅទទួលបានជ័យលាភី ក្នុងកម្មវិធីប្រឡងគណិតវិទ្យាអូឡាំព្យាដ របស់ប្រទេសសឹង្ហបុរី និងសាលាក្នុងតំបន់អាស៊ាន ប្រចាំឆ្នាំ២០១៧ នៅកម្ពុជា។

សិស្ស AIS ២រូប ទទួលវិញ្ញាបនបត្រពីកម្មវិធី SUKEN TEST

កាលពីថ្ងៃទី១៥ ខែវិច្ឆិកា ឆ្នាំ២០១៧  គណកម្មការសាលារៀន​ អន្តរទ្វីប​ អាមេរិកាំង​ បានដឹកនាំសិស្ស កុមារា​ ថាវរៈ​ ប៊ុណ្ណវឌ្ឍនៈ​ សិស្ស​ថ្នាក់ទី៦​ “ឃ” និង​យុវសិស្ស​ ថៃ​ ឈីច​ សិស្ស​ថ្នាក់ទី​១០ “ខ” នៃ​សាលារៀន​ អន្តរទ្វីប​ អាមេរិកាំង​ សាខា​ម៉ៅសេទុង​ បានទទួល​វិញ្ញាបនបត្រ​បញ្ជាក់​ពីការប្រឡង​ជាប់ជ័យលាភី​ក្នុងកម្មវិធី​ប្រឡង​ ស៊ូកេន​ តេស្ដ​ (SUKEN​ – TEST​) ក្រោម​អធិបតីភាព​លោក អ៊ឹម​ កុច​ រដ្ឋលេខាធិការ​ក្រសួងអប់រំ​ យុវជន​ និងកីឡា។ ការទទួល​វិញ្ញាបនបត្រ​នេះ ធ្វើឡើង​នៅ​ឯ​សាល​នៃ​ក្រសួងអប់រំ​ យុវជន​ និងកីឡា​ ដោយមាន​សិស្សានុសិស្ស​ និង​អាណាព្យាបាល​សិស្សចូលរួម​យ៉ាងច្រើន​កុះករ។នាឱកាស​ប្រគល់​វិញ្ញាបនបត្រ​នោះ លោក អឹម កុច​ រដ្ឋលេខាធិការ​ក្រសួងអប់រំ​ យុវជន​ និងកីឡា​ បានមាន​ប្រសាសន៍​ថា​ លោកពិត​ជា​មាន​មោទនភាព​ និង​សេចក្ដី​ស្ញើចសរសើរ​យ៉ាងក្រៃលែង​ចំពោះសិស្សានុសិស្ស​ទាំងអស់​ ដែល​បាន​ចូលរួម​ប្រឡង​ប្រជែង​ក្នុងកម្មវិធី​ប្រឡង​ ស៊ូកេន​ តេស្ដ​ ដែលរៀបចំឡើង​ដោយ STEAM។ លោកមាន​ប្រសាសន៍​បន្តថា សិស្សានុសិស្ស​ដែល​ជាម្ចាស់​ជ័យលាភី​ក្នុង​កម្មវិធីនេះ​ទាំង​៧៦នាក់ […]

សិស្ស AIS ៣រូប ជាប់ជ័យលាភីពីការតែងកាព្យក្រោមប្រធានបទទាក់ទងនឹងខ្មែរក្រហម

ក្នុង​វគ្គ​ប្រកួត​តែង​កំណាព្យ​ជំនាន់​ទី​២​ ​ដែល​រៀប​ចំ​ដោយ​សារ​មន្ទីរ​ឧក្រិដ្ឋកម្ម​ប្រល័យ​ពូជសាសន៍​ទួលស្លែង​ ​ក្រោម​ប្រធានបទ​ “ការ​បំពាន​សិទ្ធិ​កុមារ​នៅ​មន្ទីរ​សន្តិ​សុខ​២១​ ​នាសម័យ​កម្ពុជា​ប្រជាធិបតេយ្យ”​ ​បាន​ប្រកាស​លទ្ធផលហើយ​កាល​ពីថ្ងៃ​ទី៣​​កញ្ញា​ ម្សិលមិញ​នោះ​ ដោយ​សិស្ស​មក​ពី​សាលារៀន​ ​អន្តរទ្វីប​ ​អាមេរិកាំង​ ទទួល​បាន​ជ័យលាភី​រហូត​ដល់​ទៅ​៣​រូប​ ​ដែល​ក្នុង​នោះ​ ​យុវតី​ ​សរ​ ​ស៊ូ​ឈី ​ជាប់​ជ័យលាភី​លេខ១​,​ ​យុវតី​ សាមន្ថា​ លក្ស្មី​ ​ជាប់​ជ័យលាភី​លេខ២​ ​និង​យុវជន​ ​នូវ​ ​ប៊ុណ្ណារក្ស​ សត្យា​ ​ជាប់​ជ័យលាភី​លេខ៤។គួរ​ជម្រាប​ជូន​ថា​ ​ក្រៅ​តែ​ពី​ទទួល​បាន​វិញ្ញាបនបត្រ​ជ័យលាភី​ ​បេក្ខជន​ដែល​ជាប់ជ័យលាភី​លេខ១​ ​ទទួល​បានថវិកា​​លើក​ទឹកចិត្ត​៣០០​ដុល្លារ​ លេខ២​ ​១៥០​ដុល្លារ​ ​និង​លេខ៣​ ​ទទួល​បាន​១០០​ដុល្លារ​ ហើយ​ក៏​ទទួល​បាន​នូវ​វត្ថុ​អនុស្សាវរីយ៍​លើក​ទឹកចិត្ត​ផងដែរ​។​ ​ទោះ​ជា​បែប​នេះ​ក្ដី​ សិក្ខា​កាម​ទាំង​អស់​ដែល​បាន​ចូល​រៀន​ដោយ​បាន​បំពេញ​តាម​លក្ខខណ្ឌ​នៃ​វគ្គ​បណ្ដុះ​បណ្ដាល​តែង​កំណាព្យ​ជំនាន់​ទី២នោះ​ ក៏​ទទួល​បាន​វិញ្ញាបនបត្រ​បញ្ជាក់​ពី​ការ​សិក្សា​ផងដែរ។ ចំពោះ​សិក្ខាកាម​ទទួល​ជ័យលាភី​លេខ១​ ​បាន​ថ្លែង​​ចំណាប់​អារម្មណ៍​ថា ខ្លួន​ពិត​ជា​មាន​មោទនភាព​មែន​ទែន​ ដែល​សារមន្ទីរ​ផ្ដល់​ឱកាស​សិក្សា​​កំណាព្យ​ខ្មែរ​បាន​យ៉ាង​ស៊ីជម្រៅ​ទៅ​លើ​​ប្រវត្តិ​ ​ជើងកាព្យ​ ​និង​ចំណុច​ពិសេសៗ​នៃ​កំណាព្យ​ខ្មែរពី​សាស្រ្តា​ចារ្យ​មាន​បទ​ពិសោធ​ស្ទើរតែ​ជោកជាំ​ក្នុង​ជីវិត​ ​ហើយ​ថែម​ទាំង​បាន​ពន្យល់​ពី​ឫលគល់​នៃ​ប្រវត្តិសាស្រ្តខ្មែរ​ក្រហម​បាន​យ៉ាង​ស៊ីជម្រៅ​ផងដែរ​ នូវ​​​ការ​​ធ្វើ​ទុក្ខ​បុក​ម្នេញ​ទៅ​លើ​ប្រជាពលរដ្ឋ​ខ្មែរ​ខ្លួន​ឯង​ ​ហើយ​នៅ​សារមន្ទីរ​មួយ​នេះ​ ​កុមារ​ក៏​ទទួល​រង​គ្រោះ​ខ្លាំង​ ដែលខ្លួន​បាន​ពណ៌នា​នៅ​ក្នុង​កំណាព្យ​។​ ​នៅ​ពេល​​ចូល​រៀន​​វគ្គ​នេះ​ដំបូង​ យុវតី​រូប​នេះ​ បាន​បញ្ជាក់​ថា​ ​ខ្លួន​គ្មានមូល​ដ្ឋាន​គ្រឹះ​ខាង​កំណាព្យ​ទេ គឺ​រៀន​បាន​ត្រឹមតែ​១០​សប្ដាហ៍​ប៉ុណ្ណោះ​ ខ្លួន​អាច​តែង​​កំណាព្យ​​បាន​យ៉ាង​ល្អ​រហូត​ជាប់​​ជ័យលាភី​ដែល​នឹក​ស្មាន​មិន​ដល់​។ សូម​បញ្ជាក់​ថា​ ​ការ​ប្រឡង​តែងកាព្យ​ទាក់​ទង​នឹង​ប្រធានបទ​ខ្មែរ​ក្រហម​នេះ​ […]

មហោស្រពតន្ត្រី និងចម្រៀងកុមារ ប្រចាំឆ្នាំ២០១៧ នៅសាលមហោស្រពចតុមុខ

បន្ទាប់ពីសិស្សានុសិស្សមកពីបណ្ដាសាលារៀនរដ្ឋ និងឯកជននៅទូទាំងរាជធានីខេត្ត សរុប២៧ក្រុម ​បាន​បញ្ចេញ​សមត្ថភាព​ប្រកួត​ប្រជែង​យ៉ាង​ស្វិត​ស្វាញ​នៅ​វគ្គជម្រុះក្នុង​កម្មវិធីមហោស្រពតន្ត្រី និង​ចម្រៀង​កុមារ ប្រចាំឆ្នាំ២០១៧ កាលពីថ្មីៗនេះ គណៈកម្មការ​បាន​រក​ឃើញ​តែ​៥ ក្រុមប៉ុណ្ណោះ​ដែល​មាន​សមត្ថភាព​ឈាន​ទៅកាន់​វគ្គ​ផ្ដាច់ព្រ័ត្រ នាថ្ងៃទី២៩ ខែសីហា ឆ្នាំ២០១៧ ខាងមុខនេះ នៅសាលចតុមុខ​។ ក្នុង​នោះ ​ក៏មាន​កុមារ​មួយ​ក្រុមមានគ្នា៤នាក់ មកពីសាលារៀន អន្តរទ្វីប អាមេរិកាំង ផងដែរ។ សូមជម្រាបថា ការប្រកួតប្រជែងនៅក្នុងកម្មវិធីមហោស្រពតន្ត្រី និងចម្រៀងកុមារ ប្រចាំឆ្នាំ២០១៧ នេះ បាន​ការរៀប​ចំ​ឡើង​ដោយ​​ក្រសួង​​ព័ត៌មាន ដែល​តម្រូវ​ឱ្យ​បេក្ខជននៃក្រុមនីមួយៗ​និពន្ធ​ទំនុក​ភ្លេង បទចម្រៀង និង​ជា​ការ​សម្ដែង​ដោយ​ខ្លួនឯង ​ដោយ​ផ្ដោត​ទៅ​លើការ​អប់រំ​ជា​សំខាន់។ ​ ប្រធានចាងហ្វាង នៃសាលារៀន អន្តរទ្វីប អាមេរិកាំង សាខាទួលគោក លោកស្រី សាឯម កម្រង បានឱ្យ ឌិ អ៊ីនធ័រខន រ៉ូស្ទ័រ ដឹងថា ការ​ប្រកួត​នៅវគ្គ​ផ្ដាច់​ព្រ័ត្រ​ខាង​មុខ​នេះ ​សិស្សានុសិស្ស​ខ្លួន​នឹង​អាច​ទទួល​បាន​ជ័យ​ជម្នះ​ដូច​ឆ្នាំ​មុន​ដែរ ​ព្រោះថា​ពួកគេ​បាន​ប្រឹងប្រែង​ហ្វឹក​ហាត់ ​ព្រម​ទាំង​មាន​គ្រូផ្នែក​សិល្បៈ​បាន​ចង្អុល​បង្ហាញ និងណែនាំផងដែរ។ លោកស្រីបន្ថែមថា ​កម្មវិធី​នេះពិត​ជាមានប្រយោជន៍ចំពោះ​​សិស្សានុសិស្ស​​ក្មេងៗ​ ពីព្រោះ​វា​ជាឱកាស​ឱ្យ​ពួកគេ​បាន​បញ្ចេញ​សមត្ថភាព ចំណេះដឹង ទេពកោសល្យ និងបទពិសោធផ្ទាល់ខ្លួន​ […]

ការចូលរួមប្រកួតវគ្គពាក់កណ្តាលផ្តាច់ព្រ័ត្រក្នុងកម្មវិធីមហោស្រពតន្ត្រី និងចម្រៀងកុមារ

ការចូលរួមប្រកួតវគ្គពាក់កណ្តាលផ្តាច់ព្រ័ត្រក្នុងកម្មវិធីមហោស្រពតន្ត្រី និងចម្រៀងកុមារ

  កាលពីថ្ងៃទី២០ ខែសីហា ឆ្នាំ២០១៧ កន្លងទៅនេះ គណៈកម្មការនៃសាលារៀន អន្តរទ្វីប អាមេរិកាំង បានដឹកនាំសិស្សានុសិស្សរបស់ខ្លួនចូលរួមប្រកួតវគ្គពាក់កណ្តាលផ្តាច់ព្រ័ត្រក្នុងកម្មវិធីមហោស្រពតន្ត្រី និងចម្រៀងកុមារប្រចាំឆ្នាំ២០១៧ ជាមួយសិស្សានុសិស្សមកពីបណ្តាលសាលារៀនរដ្ឋ និងឯកជននៅទូទាំងរាជធានីខេត្ត ដែលមាន២៧ក្រុមដើម្បីបញ្ចេញសមត្ថភាពប្រកួតប្រជែង ហើយនឹងត្រូវត្រៀមខ្លួនទៅវគ្គផ្តាច់ព្រ័ត្រទៀត នៅថ្ងៃទី២៩ ខែសីហា ឆ្នាំ២០១៧ នៅសាលមហោស្រពចតុមុខ។ ការប្រកួតប្រជែងនៅក្នុងកម្មវិធីមហោស្រពតន្ត្រី និងចម្រៀងកុមារ ប្រចាំឆ្នាំ២០១៧ នេះ បាន​ការរៀប​ចំ​ឡើង​ដោយ​​ក្រសួង​​ព័ត៌មាន ដែល​តម្រូវ​ឱ្យ​បេក្ខជននៃក្រុមនីមួយៗ​និពន្ធ​ទំនុក​ភ្លេង បទចម្រៀង និង​ជា​ការ​សម្ដែង​ដោយ​ខ្លួនឯង ​ដោយ​ផ្ដោត​ទៅ​លើការ​អប់រំ​ជា​សំខាន់។ ការ​ប្រកួត​នៅវគ្គ​ផ្ដាច់​ព្រ័ត្រ​ខាង​មុខ​នេះ ​សិស្សានុសិស្ស​នៃសាលារៀន អន្តរទ្វីប អាមេរិកាំង​នឹង​អាច​ទទួល​បាន​ជ័យ​ជម្នះ​ដូច​ឆ្នាំ​មុន​ដែរ ​ព្រោះថា​ពួកគាត់​បាន​ប្រឹងប្រែង​ហ្វឹក​ហាត់ ​ព្រម​ទាំង​មាន​គ្រូផ្នែក​សិល្បៈ​បាន​ចង្អុល​បង្ហាញ និងណែនាំផងដែរ។  ​កម្មវិធី​នេះពិត​ជាមានប្រយោជន៍ចំពោះ​​សិស្សានុសិស្ស​​ក្មេងៗ​ ពីព្រោះ​វា​ជាឱកាស​ឱ្យ​ពួកគេ​បាន​បញ្ចេញ​សមត្ថភាព ចំណេះដឹង ទេពកោសល្យ និងបទពិសោធផ្ទាល់ខ្លួន​ ដើម្បី​បង្ហាញ​ទៅកាន់​ទស្សនិក​ជន។ បេក្ខជនមួយក្រុមដែលជាសិស្ស នៃសាលារៀន អន្តរទ្វីប អាមេរិកាំង សាខាទួលគោក ធ្លាប់ដណ្ដើមបានជ័យ​ជម្នះ​លេខ១ ​ម្ដង​រួច​មក​ហើយ​ កាល​ពី​ដើម​ខែ​ឧសភា ឆ្នាំ២០១៦ នៅ​ក្នុងកម្មវិធីមហោស្រពតន្ត្រី និងចម្រៀងកុមារ ប្រចាំឆ្នាំ២០១៦ ​កន្លងទៅ៕ អត្ថបទដកស្រង់សារព័ត៌មាន ឌិ […]