បញ្ចូលពាក្យគន្លឹះ​​​​របស់អ្នកនៅទីនេះ

ការប្រកួតប្រជែងចំណេះដឹង

កុមារី សាន់ រក្សា ជាប់លេខ១ ទូទាំងប្រទេស នៃការប្រកួតប្រជែងគំនូរ

កុមារី សាន់ រក្សា ជាប់លេខ១ ទូទាំងប្រទេស នៃការប្រកួតប្រជែងគំនូរ

កុមារី សាន់ រក្សា សិស្ស​ថ្នាក់​ទី២ នៃសាលារៀន អន្តរទ្វីប អាមេរិកាំង សាខា​ទួលគោក ជាប់​ចំណាត់​ថ្នាក់​លេខ១ នៅ​ទូទាំង​ប្រទេស នៃ​ការ​ប្រកួត​ប្រជែង​គំនូរ​ ក្រោម​ប្រធាន​បទ​ស្ដីពី «ផែនដី ត្រូវ​ការ​ យើង» ក្នុង​កម្មវិធី​មហោ​ស្រព​ពិព័រណ៍​ស្ទែម​កម្ពុជា លើក​ទី១៤​ ឆ្នាំ​២០១៨​។ ការប្រកួតប្រជែងគំនូរ កម្រិត​បឋម​សិក្សា​នេះ បាន​​ប្រព្រឹត្តិ​ទៅកាល​ពីថ្ងៃទី​៣០វិច្ឆិកា ដល់ថ្ងៃ​ទី១​ធ្នូ ឆ្នាំ​២០១៨ កន្លង​ទៅ​នេះ នៅ​មជ្ឈ​មណ្ឌល​សន្និ​បាត​ និង​ពិព័រណ៍​កោះ​ពេជ្រ ក្រោម​អធិបតី​ភាព​អ្នកស្រី គឹម សេដ្ឋានី និង​បណ្ឌិត អឹម កុច រដ្ឋលេខា​ធិការ ក្រសួង​អប់រំ យុវជន និង​កីឡា។​ ​អ្នកស្រី ចាប ស្រីឃួន ចាង​ហ្វាង​ក្រោម​មត្តេយ្យ មត្តេយ្យ និង​បឋម​សិក្សា នៃ​សាលា​រៀន អន្តរទ្វីប អាមេរិកាំង សាខា​ទួលគោក បាន​ឱ្យដឹង​ថា កម្ម​វិធី​ប្រកួត​គូរ​គំនូរ​ នៃ​កម្មវិធី​ស្ទែម​កម្ពុជា​នេះ ពិតជាមានសារៈ​សំខាន់ ដល់​សិស្សានុ​សិស្ស​គ្រប់​កម្រិត​សិក្សា ព្រម​ទាំង​​​ផ្ដល់​ឱកាស​ដល់​សិស្ស​បាន​បញ្ចេញ​នូវ​សមត្ថភាព ស្នាដៃ​ល្អៗ និង​គំនិត​ច្នៃប្រឌិត​យ៉ាង​ប្រសើរ​។ ជាពិសេស […]

សិស្សចូលរួមប្រកួតប្រជែងយល់ដឹងស្តីពីអាស៊ានថ្នាក់ជាតិ

កាលពីថ្ងៃទី២០ ខែកក្កដា ឆ្នាំ២០១៨ កន្លងទៅនេះ គណៈកម្មការសាលា នៃសាលា​រៀន អន្តរ​ទ្វីប អាមេរិកាំង បានដឹកនាំសិស្សានុសិស្សទៅចូលរួមកម្មវិធីល្បងប្រាជ្ញាស្តីពីអាស៊ានសម្រាប់ឆ្នាំ២០១៨ នៅទូរទស្សន៍​ជាតិ​កម្ពុជា។ កម្មវិធីនេះដើម្បី​អបអរសាទរ ខួប​លើក​ទី៥១ នៃ​ការបង្កើត​អាស៊ាន និង​ខួបទី២១ នៃ​កិច្ចសហ​ប្រតិបត្តិ​ការ​អាស៊ាន​បូកប៣ រួម​មាន​ចិន ជប៉ុន និង​សាធារណៈ​រដ្ឋ​កូរ៉េ។ សិស្សានុសិស្សពិតជាទទួលបាន​ចំណេះដឹង​ដែល​ទាក់​ទង​នឹង​អាស៊ាន ព្រម​ទាំង​បទ​ពិសោធ​ក្នុងការ​ប្រកួត និង​បាន​ពង្រឹង​សមត្ថភាព​តាម​រយៈការ​ចូល​ប្រកួត​នេះ​ផងដែរ។ ម្យ៉ាងទៀតកម្មវិធី​ល្បង​ប្រាជ្ញា​ពិសេស​ស្តីពី​អាស៊ាន​ឆ្នាំ​២០១៨ ដែល​ផ្តួច​ផ្តើម​រៀបចំ​ឡើង​ដោយ​ក្រសួង​ការ​បរទេស និង​សហ​ប្រតិបត្តិ​ការអន្តរជាតិ សហការ​យ៉ាង​ជិត​ស្និទ្ធ​ជា​មួយ​ក្រសួង​អប់រំ ក្រសួង​ពាណិជ្ជកម្ម និង​ក្រសួង​ព័ត៌មាន នា​ពេល​នេះ ផ្ដោត​សំខាន់​ទៅ​លើការ​បង្កើន​ការ​យល់​ដឹង​អំពី​សហគមន៍​អាស៊ាន​ដល់​សិស្ស​-និស្សិត និង​ប្រជា​ពលរដ្ឋ​កម្ពុជា​ទូ​ទៅ។

លទ្ធផលការប្រកួតចំណេះដឹងវប្បធម៌-អរិយធម៌ខ្មែរ វគ្គផ្តាច់ព្រ័ត្រ

កាលពីថ្ងៃទី៣០ ខែមិថុនា ឆ្នាំ២០១៨ កន្លងទៅនេះ សាលារៀន អន្តរទ្វីប អាមេរិកាំង បានប្រារព្ធការប្រកួតចំណេះដឹងវប្បធម៌-អរិយធម៌ខ្មែរ ម៉េង លីជេ. គួច លើកទី៥ វគ្គផ្តាច់ព្រ័ត សម្រាប់​សិស្សានុសិស្សថ្នាក់ទី៧ ដល់ទី១២ ដែលមានការចូលរួមពីសំណាក់សិស្សានុសិស្សនៃសាលារៀន អន្តរទ្វីប អាមេរិកាំង ជាច្រើននាក់នៅសាលប្រជុំ សូវ ហុងគុយ នៃអគារ លីម គីមណយ សាខាម៉ៅសេទុង (ការិយាល័យកណ្តាល)។ ការប្រកួតចំណេះដឹងវប្បធម៌-អរិយធម៌ ម៉េងលី ជេ. គួច នេះ ត្រូវបានរៀបចំឡើងយ៉ាងសុក្រឹត​បំផុតដោយតម្រូវឱ្យប្អូនៗបេក្ខជនទាំងអស់បញ្ចេញកម្លាំងបញ្ញាស្មារតីដែលមានទំាងប៉ុន្មាន ព្រោះ​ថាការប្រកួតពីមួយជុំទៅមួយជុំមានការលំបាកទាមទារឱ្យប្អូនៗមានការយកចិត្តទុកដាក់។ នៅ​ក្នុង​វគ្គនីមួយៗ មានរយៈពេលទៅតាមគណៈកម្មការទាំងអស់បានពិភាក្សាគ្នា​យ៉ាង​ល្អិតល្អន់ ហើយនៅវគ្គនីមួយៗនេះផងដែរ ត្រូវបានជម្រុះយកតែអ្នកដែលមានសមត្ថភាពចុងក្រោយ​ចម្រាញ់នៅសល់តែបីក្រុមតែប៉ុណ្ណោះទទួលបានជ័យលាភីក្នុងការប្រកួត។ ក្នុងវគ្គផ្តាច់ព្រ័តនេះបេក្ខជនដែលជាប់ក្នុងវគ្គជម្រុះជុំទី២ ត្រូវប្រកួតបានប្រកួតប្រជែងគ្នាយ៉ាងសកម្ម និងស្វិតស្វាញបំផុតដោយឆ្លងកាត់ការវាយតម្លៃយ៉ាងសុក្រឹតពីសំណាក់គណៈមេប្រយោគដែលជាលោកគ្រូ   អ្នកគ្រូលើមុខវិជ្ជាប្រវត្តិវិទ្យា និងសីលធម៌-ពលរដ្ឋវិជ្ជា។ ទីបំផុតគណៈមេប្រយោគបានរកឃើញបេក្ខជន៣ក្រុម ដែលមានចំណេះដឹង និងសមត្ថភាពលើសគេ ជាពិសេសមានភាពក្លាហាន និងមានទំនុកចិត្តខ្ពស់លើខ្លួនឯងដែលទទួលជ័យលាភីក្នុងប្រកួតចំណេះដឹងវប្បធម៌-អរិយធម៌ លើកទី៥ នេះ  មានរាយនាមខាងក្រោម៖   ល.រ. អត្តលេខ គោត្តនាម-នាម ភេទ […]

ការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៥ (វគ្គជម្រុះជុំទី១)

កាលពីថ្ងៃទី០៨ ខែមិថុនា ឆ្នាំ២០១៨ សាលារៀន អន្ដរទ្វីប អាមេរិកាំង ទាំងបីសាខា បានប្រារឰ​កម្មវិធី​ការប្រកួតចំណេះដឹងវប្បធម៌ អរិយធម៌ខ្មែរ ម៉េងលី ជេ. គួច លើក​ទី៥ ថ្នាក់ទី៧ ដល់ទី១២ តាមសាខារៀងៗខ្លួន វគ្គជម្រុះទី១​ និងវគ្គជម្រុះទី២ ​ដើម្បីជ្រើសរើសយកបេក្ខជនត្រូវប្រកួតវគ្គផ្តាច់ព្រ័ត្រ។     នៅក្នុងការប្រកួតវគ្គផ្តាច់ព្រ័ត្របេក្ខជនមកទាំងបីសាខាបានប្រកួតប្រជែងគ្នាដើម្បីស្វែងរកបេក្ខជនលេខ១ លេខ២ និងលេខ៣។ នៅក្នុងវគ្គជម្រុះនីមួយៗមានភាពសុក្រិតពីសំណាក់គណៈមេប្រយោគ ដែលជាលោកគ្រូ អ្នកគ្រូ​មុខ​តាមមុខវិជ្ជា។ ថ្ងៃទី៣០ ខែមិថុនា ឆ្នាំ២០១៨ ការប្រកួតវគ្គផ្តាច់ព្រ័ត្រ នៅសាលប្រជុំ សូវ ហុងគុយ អគារ លីម គីមណយ នៃសាលារៀន អន្តរទ្វីប អាមេរិកាំង សាខាម៉ៅសេទុង។

សិស្សសាលារៀន អន្តរទ្វីប អាមេរិកាំង ទទួលបានមេដាយប្រាក់ និងសំរិទ្ធ

កាលពីថ្ងៃទី២១ ខែមេសា ឆ្នាំ២០១៨ កន្លងទៅ​នេះ សិស្សសាលារៀន អន្តរ​ទ្វីប អាមេរិកាំង បានចូលរួមប្រកួតក្នុង​កម្មវិធី​ប្រកួត​ប្រជែង​គណិត​វិទ្យា​អូឡាំព្យាដ​របស់​ប្រទេស​សិង្ហបុរី និង​សាលា​ផ្សេងៗ​ក្នុង​តំបន់​អាស៊ាន ឆ្នាំ​២០១៨ ដែល​គេ​ហៅ​កាត់​ថា SASMO ហើយនៅថ្ងៃទី២៦ ខែឧសភា ឆ្នាំ២០១៨ សិស្សសាលារៀន អន្តរ​ទ្វីប អាមេរិកាំង ទៅទទួល​វិញ្ញាបនបត្រ និង​មេដាយ​នៅវិទ្យាល័យស៊ីសុវត្តិ ដោយកុមារី សម្បត្តិ សិ​រីកា ទទួលបានមេដាយ​ប្រាក់ និងកុមារា ចាន់ វិទូ ទទួល​បាន​មេដាយ សំរិទ្ធ។ សិស្សានុសិស្សដែលប្រកួតប្រជែងជាប់មានឱកាសចូលរួមប្រកួត នៅ​ប្រទេស​សិង្ហបុរី នៅ​ថ្ងៃ​ទី០៦ ដល់​ថ្ងៃ​ទី០៩ ខែ​កក្កដា ឆ្នាំ ២០១៨ ខាង​មុខ។ រូបភាពដកស្រង់ពីអ៊ីនធ័រខន រ៉ូស្ទ័រ