បញ្ចូលពាក្យគន្លឹះ​​​​របស់អ្នកនៅទីនេះ

ការប្រកួតប្រជែងចំណេះដឹង

ការប្រកួតល្បងប្រាជ្ញាគណិតវិទ្យា ម៉េងលី ជេ. គួច លើកទី៤ វគ្គផ្តាច់ព្រ័ត្រ

កាលពីព្រឹកថ្ងៃសៅរ៍ ទី០៨ ខែកក្កដា ឆ្នាំ២០១៧កន្លងទៅនេះ សាលារៀន​ អន្តរ​ទ្វីប អាមេរិកាំង​បានរៀបចំការប្រកួតល្បងប្រាជ្ញាគណិតវិទ្យា ម៉េងលី ជេ. គួច លើកទី៤ វគ្គផ្តាច់ព្រ័ត្រនៅសាលប្រជុំ ផល គួច នៃសាលារៀន អន្តរទ្វីប អាមេរិកាំង សាខាទួលគោក។ សម្រាប់ការប្រកួតវគ្គផ្តាច់ព្រ័ត្រនេះ ត្រូវបានចែកជា៤វគ្គធំៗ។​​ មានតែបេក្ខជន៧នាក់គត់ ដែលបានឡើងដល់វគ្គទី៤ ដែលជាវគ្គកាត់សេចក្តី​។ ដោយឆ្លងកាត់ការប្រកូតយ៉ាងស្វិតស្វាញ ជ័យលាភីត្រូវបានរកឃើញ ដែលក្នុងនោះ ជ័យលាភីលេខ១​​ បានទៅលើបេក្ខជន ហេង វិជ្ជា មកពីសាខាម៉ៅសាទុង ជ័យលាភីលេខ២ បេក្ខជន លីម អៀងគង់ មកពីសាខាម៉ៅសាទុង និងជ័យលាភីលេខ២ បេក្ខជន ប៊ុន សុខហួត មកពីសាខាទួលគោក៕

ការប្រកួតល្បងប្រាជ្ញា​គណិត​វិទ្យា ម៉េងលី ជេ. គួច លើកទី៤ វគ្គជម្រុះជុំទី១

កាលពីថ្ងៃទី៣០ ខែមិថុនា ឆ្នាំ២០១៧ កន្លងទៅនេះ សាលារៀន អន្តរទ្វីប អាមេរិកាំងទាំងបីសាខា បានរៀបចំកម្មវិធីប្រកួតល្បងប្រាជ្ញាគណិតវិទ្យា ម៉េងលី ជេ. គួច លើកទី៤ សម្រាប់សិស្សានុសិស្សថ្នាក់ទី៤ ដល់ថ្នាក់ទី១២ នេះ ដើម្បីស្វែងរកជើងឯកប្រចាំឆ្នាំសិក្សាដែលមាន បេក្ខជនជាសិស្សប្រមាណ២០៥នាក់ បានចូលរួមប្រកួតក្នុងវគ្គជម្រុះជុំទី១ យ៉ាងសស្រាក់សស្រាំបំផុត។  នៅជុំទី១នេះ គណៈកម្មការទាំងបីសាខាបានកំណត់ជ្រើសយកបេក្ខជន ដែលមានសមត្ថភាពខ្ពស់បំផុតតែ១៥នាក់ប៉ុណ្ណោះ ដែលអាចចូលប្រកួតក្នុងវគ្គផ្ដាច់ព្រ័ត្រ។កម្មវិធីនេះមិនមែនសំដៅលើការប្រកួតយកចាញ់ឈ្នះទេ គឺជាកម្មវិធីបណ្តុះចំណេះ ដល់សិស្សានុសិស្សឱ្យយកចិត្តទុកដាក់លើការរៀនសូត្រ សិក្សាស្រាវជ្រាវបន្ថែមលើមេរៀនដែលលោកគ្រូអ្នកគ្រូបានបង្រៀននៅក្នុងថ្នាក់ ក៏ដូចជាពញ្ញាក់ស្មារតីសិស្សឱ្យងាកមកចាប់អារម្មណ៍ការសិក្សាដោយផ្សារភ្ជាប់ជាមួយនឹងការចេះដោះស្រាយសំណួរ ឬលំហាត់មេរៀនប្រកបដោយគុណភាពខ្ពស់ ព្រមទាំងជំរុញការអភិវឌ្ឍចំណេះដឹងលើវិស័យអប់រំដល់សិស្សផង និងដើម្បីឱ្យសិស្សានុសិស្សបានឈ្វេងយល់ពីសារៈសំខាន់នៃមុខវិជ្ជាគណិតវិទ្យាក្នុងជីវិតរស់នៅប្រចាំថ្ងៃផងដែរ។ហើយនៅវគ្គផ្ដាច់ព្រ័ត្រមានបេក្ខជន៣រូបដែលទទួលបានជ័យលាភី គឺជ័យលាភីលេខ១ ទទួលបានអាហារូបករណ៍១០០% ពានរង្វាន់មេដាយមាស បណ្ណសរសើរ និងវត្ថុអនុស្សាវរីយ៍ លេខ២ ទទួលអាហារូបករណ៍៧៥% មេដាយប្រាក់ បណ្ណសរសើរ និងវត្ថុអនុស្សាវរីយ៍ និងលេខ៣ ទទួលបានអាហារូបករណ៍៥០% មេដាយសំរឹទ្ធ បណ្ណសរសើរ ព្រមទាំងវត្ថុអនុស្សាវរីយ៍លើកទឹកចិត្តផងដែរ។ វគ្គផ្ដាច់ព្រ័ត្រនៃកម្មវិធីប្រកួតល្បងប្រាជ្ញាគណិតវិទ្យា ម៉េងលី ជេ. គួច លើកទី៤នេះ នឹងប្រព្រឹត្តទៅនៅថ្ងៃទី៨ ខែកក្កដា ឆ្នាំ២០១៧ នៅសាលប្រជុំ សូវ […]

យុវសិស្សពីររូបនៃសាលារៀន អន្តរទ្វីប អាមេរិកាំង សាខា​ទួល​គោក ទទួល​ពាន​រង្វាន់​ជ័យ​លាភី និង​វិញ្ញា​បន​បត្រ “ការ​ប្រកួត​ប្រជែង​សរសេរ​គម្រោង​អាជីវ​កម្ម​ពិភព​លោក​សម្រាប់​យុវវ័យ (សិស្សវិទ្យាល័យ) ឆ្នាំ២០១៧”

យុវសិស្សពីររូបនៃសាលារៀន អន្តរទ្វីប អាមេរិកាំង សាខា​ទួល​គោក ទទួល​ពាន​រង្វាន់​ជ័យ​លាភី និង​វិញ្ញា​បន​បត្រ “ការ​ប្រកួត​ប្រជែង​សរសេរ​គម្រោង​អាជីវ​កម្ម​ពិភព​លោក​សម្រាប់​យុវវ័យ (សិស្សវិទ្យាល័យ) ឆ្នាំ២០១៧”

  កាលពីព្រឹកថ្ងៃចន្ទ ទី២៦​ ខែមិថុនា​ ឆ្នាំ២០១៧​ យុវសិស្សពីររូបនៃសាលារៀន​ អន្តរទ្វីប អាមេរិកាំង សាខាទួលគោក បានចូលរួមពិធីប្រគល់ពានរង្វាន់ជ័យលាភី និងវិញ្ញាបនបត្រ “ការប្រកួតប្រជែងសរសេរគម្រោងអាជីវកម្មពិភពលោកសម្រាប់យុវវ័យ​ (សិស្សវិទ្យាល័យ) ឆ្នាំ២០១៧”​​ ក្រោមអធិបតីភាពរបស់ ឯកឧត្តម អ៊ុក ប្រជា រដ្ឋលេខាធិការក្រសួងពាណិជកម្ម នៅមជ្ឈមណ្ឌលសហប្រតិបត្តិការកម្ពុជា-ជប៉ុន។ នេះគឹជាមោទនភាពបំផុតដែលក្នុងចំណោមបេក្ខជនតំណាងប្រទេសកម្ពុជាទាំង​​ ៨រូប ដែលបានទទួលបានចំណាត់ថ្នាក់លេខ១ ក្នុងនោះមាន​ យុវសិស្ស លឹម មុយយីម និង​ យុវសិស្ស សាមឆាយ ពិសិដ្ឋ ជាសិស្សថ្នាក់ទី​១១ “ក” នៃសាលារៀន​ អន្តរទ្វីប អាមេរិកាំង។ ការប្រកួតប្រជែងសរសេរគម្រោងអាជីវកម្មពិភពលោកសម្រាប់យុវវ័យ​ (សិស្សវិទ្យាល័យ) ឆ្នាំ២០១៧” ប្រទេសកម្ពុជា​ទទួលបានចំណាត់ថ្នាក់លេខ១ ឥណ្ឌូនេស៊ីលេខ២ ជប៉ុនលេខ៣ និង​កាណាដាលេខ៤៕

ការប្រកួតចំណេះដឹង​វប្បធម៌-​អរិយធម៌​ខ្មែរ ម៉េងលី ជេ. គួច លើកទី៤ វគ្គផ្តាច់ព្រ័ត្រ

កាលពីថ្ងៃទី១៥​ ខែមិថុនា ឆ្នាំ២០១៧​ កន្លងទៅនេះ គណៈកម្មការ​ សាស្ត្រាចារ្យ​ និង​លោកគ្រូ អ្នកគ្រូ ​ជំនាញ​ផ្នែក​វប្បធម៌​ អរិយធម៌ ទាំងបីសាខា បានដឹកនាំបេក្ខជន​ជើងឯកប្រចាំសាខា មកចូររួមប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៤ វគ្គផ្តាច់ព្រ័ត្រ យ៉ាងស្វិតស្វាញ រហ័សរហួន និង​ប្រុង​ប្រយ័ត្ន​  នៅ​ក្នុង​សាល​ប្រជុំ សូវ ហុងគុយ នៃសាលា​រៀន អន្តរទ្វីប អាមេរិកាំង សាខា​ម៉ៅសេទុង ។ ជាលទ្ធផលក្នុងចំណោមបេក្ខជន១៥ក្រុម ​គណៈកម្មការ​បាន​រក​ឃើញ​ជ័យលាភី៣ក្រុម ដែល​មាន​សមត្ថភាព​ខ្ពស់ ជាប់​នៅវគ្គផ្ដាច់ព្រ័ត្រនេះ។ បេក្ខជនដែលឆ្លងផុតវគ្គជម្រុះជុំទី១ និងទី២ សុទ្ធសឹងមានសក្ដានុពល សមត្ថភាព និងចំណេះដឹងខ្ពស់ ផ្នែក​វប្បធម៌​ អរិយធម៌ ​ទើបមាន​សិទ្ធិ​ឡើង​មក​ប្រកួត​យ៉ាង​ស្វិត​ស្វាញ​នៅ​វគ្គ​ផ្ដាច់​ព្រ័ត្រ​នេះ។ ​តែទោះ​ជា​យ៉ាង​ណា​គណៈកម្មការ​ បានស្វ័យ​សម្រេច​យក​តែ​ជើង​ឯក​ចំណេះ​ដឹង​វប្បធម៌ អរិយធម៌ ចំនួន៣ក្រុម ស្មើនឹង៦នាក់តែប៉ុណ្ណោះ ដើម្បីជាប់ជាម្ចាស់​ជ័យលាភី។ ​ក្នុង​ចំណោម​បេក្ខជន​ទាំង​៣ក្រុម​ ដែល​មាន​សមត្ថភាព​ខ្លាំង​ដណ្ដើម​បាន​ពាន​រង្វាន់​នោះ​រួម​មាន លេខ១ បានទៅលើថ្នាក់ទី១០“ខ” យុវសិស្ស តាំង ឆាយហ៊ួត ​និង​ […]