បញ្ចូលពាក្យគន្លឹះ​​​​របស់អ្នកនៅទីនេះ

កិច្ចតម្រង់ទិស

វិទ្យាស្ថាន អន្តរទ្វីប អាមេរិកាំង៖ កម្មវិធីតម្រង់ទិសដៅថ្នាក់បរិញ្ញាបត្ររង

វិទ្យាស្ថាន អន្តរទ្វីប អាមេរិកាំង៖ កម្មវិធីតម្រង់ទិសដៅថ្នាក់បរិញ្ញាបត្ររង

ដើម្បី​តម្រង់ទិស​ ក៏ដូចជា​ជូនដំណឹង​ដល់​សិស្សានុសិស្ស​របស់​ខ្លួន​ឱ្យ​បាន​ជ្រាបថា​ វិទ្យាស្ថាន​ អន្តរទ្វីប​ អាមេរិកាំង​ នឹង​ចាប់ផ្ដើម​បើក​ដំណើរការ​ថ្នាក់​បរិញ្ញាបត្ររង​ ក្នុងឆ្នាំ​សិក្សា​២០១៧​-២០១៨​ ខាង​មុខនេះ​ កាលពី​ព្រឹកថ្ងៃ​ទី២៤​ ខែកក្កដា​ ឆ្នាំ​២០១៧​ នេះ​ គណៈ​គ្រប់គ្រង​វិទ្យាស្ថាន​ អន្តរទ្វីប​ អាមេរិកាំង​ ដែលមានលោក​ អ៊ឹង ប៉ោហ្គិច​ ជាព្រឹទ្ធបុរស​ថ្នាក់​ឧត្ដមសិក្សា​ នៃវិទ្យាស្ថាន​ អន្តរទ្វីប​ អាមេរិកាំង​ បាន​រៀប​ចំ​ធ្វើបទ​បង្ហាញ​មួយ​ស្ដីពី​ “កម្មវិធី​តម្រង់ទិស​ដៅថ្នាក់បរិញ្ញាបត្រ​រង​” ជូនដល់​សិស្សា​នុសិស្សថ្នាក់ទី​១២​ នៃ​សាលារៀន​ អន្តរទ្វីប​ អាមេរិកាំង​ ប្រមាណ២៥០​នាក់​ ស្ថិត​នៅ​សាលប្រជុំ​ សូវ​ ហុងគុយ​ នៃ​អគារ​សាលារៀន​ អន្តរទ្វីប​ អាមេរិកាំង​ សាខាម៉ៅសេទុង​។​សូម​ជម្រាបជូន​ថា​ នាឱកាស​ធ្វើបទ​បង្ហាញ​នោះ​ លោក អ៊ឹង ប៉ោហ្គិច​ ក៏បាន​បង្ហើប​ឱ្យ​សិស្សានុសិស្ស​ដែល​បាន​ចូលរួម​ក្នុង​កម្មវិធី​ទម្រង់ទិស​នោះដឹងថា​ វិទ្យាស្ថាន​ អន្តរទ្វីប​ អាមេរិកាំង​ ថ្នាក់​បរិញ្ញាបត្ររង​ នឹង​ទទួល​និស្សិត​ចូលរៀន​លើកទី១​ នៅថ្ងៃទី១៦​ ខែតុលា​ ឆ្នាំ២០១៧​ ខាងមុខនេះ​។​ លោក​បាន​បញ្ជាក់​បន្ថែមថា​ បរិញ្ញាបត្ររង​នេះ​ គឺ​បែង​ចែក​ជា​មហាវិទ្យាល័យ​ពីរ​ផ្សេងគ្នា​។​ ទី១​ មហាវិទ្យាល័យ​អប់រំ​ […]

កិច្ចប្រជុំតម្រង់ទិសស្ដីពី​ដំណើរ​ទស្សន​កិច្ច​សិក្សា​នៅ​ខេត្ត​​សៀមរាប លើកទី១០៨

កិច្ចប្រជុំតម្រង់ទិសស្ដីពី​ដំណើរ​ទស្សន​កិច្ច​សិក្សា​នៅ​ខេត្ត​​សៀមរាប លើកទី១០៨

កាលពីថ្ងៃទី១៣​ ខែមិថុនា ឆ្នាំ២០១៧ កន្លងទៅនេះ គណៈ​គ្រប់គ្រង​សាលារៀន​ ​អន្តរទ្វីប​ ​អាមេរិកាំង​ ​បាន​បើក​កិច្ចប្រជុំ​តម្រង់ទិស​ពី​​ដំណើរទស្សនកិច្ចសិក្សានៅខេត្តសៀមរាប លើកទី១០៨ នៅ​សាលប្រជុំ​ ​សូវ​ ​ហុងគុយ​ ​នៃសាលារៀន​ អន្តរទ្វីប​ ​អាមេរិកាំង​ ​សាខា​ម៉ៅសេទុង សម្រាប់សិស្សថ្នាក់ទី១២ទាំងអស់។ទស្សនកិច្ចសិក្សា​លើក​នេះ​ គឺ​មាន​រយៈ​ពេល​៤ថ្ងៃ​ ​ពោល​ចាប់​ពីថ្ងៃ​ទី២១​ ​ដល់​ថ្ងៃទី២៤​ ​ខែមិថុនា​ ឆ្នាំ​២០១៧ ​ដោយ​ថ្ងៃ​ទី១​ ​នឹង​ចេញ​ដំណើរ​ពី​ភ្នំពេញ​ ​នៅ​ព្រឹក​ព្រលឹម​ ឆ្ពោះ​កាត់តាម​ខេត្ត​កំពង់ធំ​ ​ដោយ​ឆៀង​ចូល​ទស្សនា​រមណីយដ្ឋាន​ ​និង​ប្រាសាទ​សម្បូរ​ព្រៃគុក​ ព្រមទាំង​ចែក​អំណោយ​សម្បុរធម៌​ដល់​សិស្សានុសិស្ស​ ​សាលា​បឋមសិក្សា​មហរ​ ​ជាង៣០០នាក់​ ​ផងដែរ​ ​ទើប​បន្តដំណើរ​​ទៅ​ទស្សនា​កសិដ្ឋាន​ចិញ្ចឹម​ដង្កូវ​នាង​ថែមទៀត​។​នៅរសៀលថ្ងៃដដែល ទើបបន្តដំណើរទៅកាន់​ខេត្តសៀមរាប​​ ដើម្បី​សម្រាក​នៅ​ទីនោះ។​ នៅព្រឹក​​ថ្ងៃទី២​ នឹង​ចេញ​ដំណើរ​ទៅ​ទស្សនា​ប្រាសាទអង្គរតូច​ ​​​លុះ​​ពេល​រសៀល​ទៅ​ទស្សនា​សប្បកម្មអង្គរ​ ​និង​ផ្សាររាត្រី។​​ ដោយឡែកថ្ងៃទី៣ នៅម៉ោង៨​ព្រឹក បន្ដ​ដំណើរទៅកាន់តំបន់​ប្រវត្តិសាស្ត្រ​ជាច្រើន​ទៀត​ដូចជា​ ​ប្រាសាទអង្គរធំ​ ​ប្រាសាទតាព្រហ្ម​ និង​រសៀល​ឆ្ពោះ​ទៅ​ទស្សនា​ទន្លេអុំ​ ​ប្រាសាទ​បក្សីចាំក្រុង​ ​និងប្រាសាទ​បាខែង​ជាដើម។​ ​នៅ​ថ្ងៃ​ទី៤​ ដែលជាថ្ងៃ​ចុង​បញ្ចប់​នៃ​ដំណើរ​ទស្សនកិច្ច​សិក្សា​នេះ​ ពោល​នៅ​ព្រឹក​ម៉ោង៨​ ​នឹង​ចេញ​ទៅ​ព្រះអង្គចេក​ ​ព្រះអង្គចម​ ​សារមន្ទីរ​ Angkor Panorama​ […]

សិស្ស AIS ទី១២ ទទួលបាន​ការ​តម្រង់​ទិស​សម្រាប់​ថ្នាក់​ឧត្តម​សិក្សា​ពី AUPP

សិស្ស AIS ទី១២ ទទួលបាន​ការ​តម្រង់​ទិស​សម្រាប់​ថ្នាក់​ឧត្តម​សិក្សា​ពី AUPP

កាលពីថ្ងៃទី៣០ និងថ្ងៃទី៣១ ឧសភា ឆ្នាំ២០១៧ កន្លងទៅនេះ គណៈគ្រប់គ្រងសាលារៀន អន្តរទ្វីប អាមេរិកាំងទាំងបីសាខា បានសហការ​ជាមួយ​សាកលវិទ្យាល័យ​អាមេរិកាំង​ភ្នំពេញ ដើម្បី​​ធ្វើ​​បទ​​បង្ហាញ​ស្ដីពី​ ការ​តម្រង់​ទិសសម្រាប់​ថ្នាក់​ឧត្តម​សិក្សា​ ដល់​​សិស្សា​នុសិស្ស​ថ្នាក់​ទី​១២ ​ប្រមាណ​ជាង​៧០០នាក់​ នៅ​សាកល​វិទ្យាល័យ​​អាមេរិកាំង​ភ្នំពេញ ​ដើម្បី​​ចង្អុល​​បង្ហាញ​ផ្លូវ​​ដល់​​សិស្សានុសិស្ស​​ត្រៀម​​ខ្លួន​​ជ្រើស​រើស​​មុខ​​ជំនាញ​សិក្សា​ និង​ស្ថាប័ន​សិក្សា។​ ​ការ​ដឹក​នាំ​សិស្សានុសិស្ស​​មកទស្សនៈ​កិច្ច​នៅ​សាកលវិទ្យាល័យ​អាមេរិកាំង​ភ្នំពេញ​  គឺដើម្បី​​ឱ្យ​​សិស្សានុសិស្ស​​ឈ្វេង​យល់​ឱ្យ​​បាន​​ទូលំ​ទូលាយ​​ពី​​សាកល​វិទ្យាល័យ​​ល្បីៗ​​ទាំង​ជាតិ​ និង​អន្តរជាតិ។​ នៅពេលពួកគេបញ្ចប់បាក់ឌុប  ​គឺមាន​ការ​យល់ដឹង​ ថា​តើ​ត្រូវ​​សិក្សា​​ជំនាញ​អ្វី​​ដែល​​ត្រូវ​​នឹង​​ទីផ្សារ?​ តើ​ខ្លួន​ចូល​ចិត្ត​ជំនាញ​អ្វី?​ ហើយ​សិក្សា​នៅ​សាកល​វិទ្យាល័យ​ណាទើប​ល្អ?​ លោក​សង្ឃឹម​យ៉ាង​មុត​មាំ​ថា​ ក្រោយ​ពី​ការ​ចង្អុល​បង្ហាញ​នេះបាន​បញ្ចប់​ នោះ​សិស្សានុសិស្ស កាន់​តែ​មាន​មហិច្ឆតា​ខំ​រៀនសូត្រលើសមុន​ថែម​ទៀត ​ដើម្បី​​ប្រឡង​​ថ្នាក់​​មធ្យម​សិក្សា​ទុតិយភូមិ​​ឱ្យ​បាន​​ជាប់​​និង​​បាន​​និទ្ទេស​ល្អ ​ឈាន​​ទៅ​សិក្សា​​នៅ​សាកល​វិទ្យាល័យល្បីៗ ហើយលើសពីនេះ​ទៀត​នោះ ​គឺ​ស្គាល់​ពិភព​លោក​កាន់​តែ​ច្បាស់​ និងសម្លឹងទៅមុខ​បានកាន់​តែ​ឆ្ងាយ​ថែម​ទៀត។​ អត្ថបទ និងរូបភាពដកស្រង់សារព័ត៌មាន ឌិ អ៊ីនធ័រខន​ រ៉ូស្ទ័រ

កម្មវិធីបណ្តុះបណ្តាល​វគ្គត្រៀម​​ប្រឡង​តែង ​និង​​សូត្រ​​កំណាព្យ​​លើ​​ប្រធាន​បទ ​“ប្រវត្តិ​សាស្រ្ត​​កម្ពុជា​​ប្រជាធិបតេយ្យ”​

កម្មវិធីបណ្តុះបណ្តាល​វគ្គត្រៀម​​ប្រឡង​តែង ​និង​​សូត្រ​​កំណាព្យ​​លើ​​ប្រធាន​បទ ​“ប្រវត្តិ​សាស្រ្ត​​កម្ពុជា​​ប្រជាធិបតេយ្យ”​

កាលពីថ្ងៃទី០៧ ខែឧសភា ឆ្នាំ២០១៧ កន្លងទៅនេះ លោកស្រី ប៉ែន មាលតី តំណាងគណៈគ្រប់គ្រងសាលារៀន អន្តរទ្វីប អាមេរិកាំង បានដឹកនាំសិស្សានុសិស្សនៃសាលារៀន អន្តរទ្វីប អាមេរិកាំង ប្រមាណ១៥នាក់ បានចូលរួមកម្មវិធីបណ្តុះបណ្តាលវគ្គត្រៀម​ប្រឡង​តែង ​និង​សូត្រ​កំណាព្យ​លើ​ប្រធាន​បទ ​“ប្រវត្តិសាស្រ្ត​កម្ពុជា​ប្រជាធិបតេយ្យ”​ នៅ​សារមន្ទីរ​ឧក្រិដ្ឋ​កម្ម​ប្រល័យ​ពូជសាសន៍​ទួល​ស្លែង។ ​ កម្ម​វិធី​នេះ ​នឹង​រៀបចំ​ធ្វើ​ឡើង​រៀង​រាល់​ថ្ងៃ​អាទិត្យ​រយៈ​ពេល​១០​សប្តាហ៍​មុន​នឹង​ប្រឡង​ផ្តាច់​ព្រ័ត្រ ហើយ​សម្រាប់​តែ​សិស្ស​កម្រិត​ថ្នាក់​ទី​៩ដល់​ទី១​២ ដែល​មានចំណាប់អារម្មណ៍។ ​ ​បុព្វ​ហេតុ​ដែល​សិស្សានុសិស្ស​នៃ​សាលា​រៀន​ អន្តរទ្វីប អាមេរិកាំង ​ចូល​រួម​រៀន​ត្រៀម​ប្រឡង​ទាក់​ទង​នឹង​ប្រធាន​បទ​ប្រវត្តិសាស្ត្រ​ខ្មែរ​ក្រហម​នេះ ​គឺដើម្បី​ជំរុញ​ឱ្យ​សិស្ស​បាន​រៀន​សូត្រ​អំពី​ប្រវត្តិ​សាស្ត្រ​ខ្មែរ​នា​សម័យ​កម្ពុជា​ប្រជាធិបតេយ្យ​ឱ្យ​បាន​កាន់​តែស៊ី​ជម្រៅ ​បង្កើនការឈ្វេងយល់ បណ្ដុះគំនិតក្នុងការកសាង​សន្តិភាព​ និង​ការ​ផ្សះផ្សារ​គ្នា​ក្នុង​សង្គម​ខ្មែរ​ដោយ​បង្ការ​ទប់​ស្កាត់​អំពើ​ប្រល័យ​ពូជសាសន៍។​ ម្យ៉ាង​សាលាក៏​មាន​ចេតនា​ឱ្យ​សិស្សានុសិស្សខ្លួន​សិក្សា​ឈ្វេង​យល់​ពី​វិធី​ឬរបៀប​តែង​កំណាព្យ​ខ្មែរ​ប្រកប​ដោយ​អត្ថន័យ​មាន​តម្លៃ​អប់រំ​ស៊ី​នឹង​ប្រធាន​បទ​ដែល​ខ្លួន​តែង​នោះ ​ឬអាច​និយាយ​តាម​បែប​ផ្សេងថា​ ពួកគេ​នឹង​ចេះ​ប្រើ​ប្រាស់​ពាក្យ​កាព្យ​ប្រកប​ដោយ​រូបារម្មណ៍​ខ្ពស់​ តាម​រយៈ​ការ​សិក្សា​មូលដ្ឋាន​គ្រឹះ​នៃ​ការ​តែង​កំណាព្យ។ ​កម្មវិធី​ប្រឡង​តែង ​និង​សូត្រ​កំណាព្យ​លើ​ប្រធាន​បទ​ខ្មែរ​ក្រហម​នេះ ​ជាកម្មវិធី​ថ្មី​មួយ​ដែល​សារ​មន្ទីរ​ឧក្រិដ្ឋ​កម្ម​ប្រល័យ​ពូជ​សាសន៍​ទួល​ស្លែង​ រៀបចំ​ឡើង​ក្នុង​គោល​បំណង​បំផុស​ទឹក​ចិត្ត​យុវជន​ឱ្យ​ចូល​រួម​ឈ្វេង​យល់​ពី​សោកនាដ​កម្ម​ ការ​រំលោភ​សិទ្ធិ​មនុស្ស​ និង​វិនាស​កម្ម​ទាំង​ឡាយ​ដែល​កើត​មាន​ក្នុងរប​ប​កម្ពុជា​ប្រជាធិបតេយ្យ។​ ទន្ទឹម​នឹង​នោះ ​សារមន្ទីរ​មួយ​នេះ​នឹង​តម្កល់​ទុករាល់​អត្ថបទ​កំណាព្យ​ដែល​ជា​ស្នាដៃ​សិស្សានុសិស្ស​បាន​តាក់​តែង​ឡើង​នោះ ​ជាឯកសារ​ថ្មី​មួយ​ប្រភេទ​បង្ហាញ​ពី​ការ​យល់​ដឹង​ និង​ចំណាប់​អារម្មណ៍​យុវជន​ជំនាន់​ក្រោយ​លើ​ប្រវត្តិសាស្រ្ត​កម្ពុជា​ប្រជាធិបតេយ្យ៕​

កម្មវិធី​​​ចាប់​​ផ្ដើម​​ចិញ្ចឹម​​ចិត្ត​​​ស្រលាញ់​​ការ​​អាន​​សៀវភៅ​

កម្មវិធី​​​ចាប់​​ផ្ដើម​​ចិញ្ចឹម​​ចិត្ត​​​ស្រលាញ់​​ការ​​អាន​​សៀវភៅ​

បណ្ណាល័យ ម៉េងលី ជេ. គួច នៃសាលារៀន អន្តរទ្វីប អាមេរិកាំង បានបង្កើតកម្មវិធីថ្មីដែលមានប្រធានបទ​ “ចាប់​ផ្ដើម​ចិញ្ចឹម​ចិត្ត​ស្រឡាញ់​ការ​អាន​សៀវភៅ” ​បាន​ដឹក​នាំ​រៀប​ចំ​ដោយ​កញ្ញា ​ស៊ូ ​សុជាតា ​បណ្ណារក្ស​ជាន់​ខ្ពស់​នៃ​បណ្ណាល័យ​ ម៉េងលី ​ជេ. គួច ក្នុង​គោល​បំណង​បង្កើន​ចំនួន​អ្នក​អាន​វ័យក្មេង​ ក៏​ដូច​ជា​បណ្ដុះ​សិស្សានុសិស្ស​របស់​ខ្លួន​ឱ្យ​មាន​ទម្លាប់​ និង​ស្រឡាញ់​ការ​អាន​សៀវភៅ​ឱ្យ​កាន់​តែ​ផុស​ផុល​ជាង​មុន​ ម្យ៉ាង​ក៏​ដើម្បី​ចូល​រួម​លើក​ស្ទួយ​វិស័យ​អំណាន​ជាតិ​ផង​ដែរ។ កម្មវិធី នេះ បានរៀបចំឡើងនៅរាល់ថ្ងៃសុក្រ ចាប់​ពី​ម៉ោង​១០:៣០​នាទី​ព្រឹក​ ដល់​ម៉ោង​១១:៣០​នាទី​ព្រឹក​ និង​ពេល​រសៀល​ចាប់ពី​ម៉ោង៤:៣០នាទី​ ដល់​ម៉ោង៥:៣០នាទី​ល្ងាច​ ស្ថិត​នៅ​ទីធ្លា​អគារ ​ងិន​ ហួយ ​នៃសាលារៀន​ អន្តរទ្វីប​ អាមេរិកាំង ​សាខា​ម៉ៅសេ​ទុង ដោយ​មាន​សិស្សានុសិស្ស​ចូល​រួម​អាន​សៀវ​ភៅ​យ៉ាង​ច្រើន​កុះករ។ គោលបំណងបន្ថែមនៃកម្មវិធីនេះគឺបណ្តុះចិត្តរបសល់​សិស្សានុសិស្ស​មានទម្លាប់ឱ្យមាន​សកម្មភាព​ដូចជា ​អំណាន​សេរី,​ អំណាន​តាម​ប្រធាន​បទ,​ ល្បែង​ទាញ​អារម្មណ៍​ និង​សំណួរ-ចម្លើយ​ ហើយ​អ្វី​រិត​តែ​ពិសេស​ទៀត​នោះ ​សិស្សានុសិស្ស​ដែល​អាន​សៀវភៅ​បាន​ច្រើន​ក្បាល​ជាង​គេ ​នោះ​បណ្ណាល័យ​នឹង​ជូន​វត្ថុ​អនុស្សាវរីយ​ដើម្បី​ជា​ការ​លើក​ទឹក​ចិត្ត៕​