បញ្ចូលពាក្យគន្លឹះ​​​​របស់អ្នកនៅទីនេះ

បំណិនជីវិត

បំណិនជីវិត សាំងវ៉ិចគាប

កាលពីថ្ងៃទី១៨ ខែកមរា ឆ្នាំ២០១៩ កន្លងទៅនេះ អ្នកគ្រូ ខាំ ច័ន្ទពិដោរ បានដឹកនាំសិស្សានុសិស្សថ្នាក់ទី២ វេនព្រឹក និងវេនរសៀល នៅសាលារៀន អន្តរទ្វីប អាមេរិកាំង ។ អ្នកគ្រូ ខាំ ច័ន្ទពិដោរ បានបង្ហាញពីឈ្មោះសាំងវ៉ិចគាបដែលត្រូវធ្វើ សម្ភារសម្រាប់ធ្វើ គ្រឿងទេស  ផ្សេងៗ និងរបៀបធ្វើ ព្រមទាំងរៀបចំទៅតាមដំណាក់កាល។ បន្ទាប់មកទៀត សិស្សានុសិស្សបានចូលរួមធ្វើស៊ាំងវ៉ិចគាប ហើយក៏បានភ្លក្សរសជាតិសាំងវ៉ិចគាបដែលបានធ្វើរួចប្រកបដោយភាពសប្បាយរីករាយផង  ដែរ។ អ្នកគ្រូ ខាំ ច័ន្ទពិដោរ បានចែករំលែកនូវវិធីសាស្រ្តក្នុងការធ្វើសាំងវ៉ិចគាបដើម្បីធ្វើឱ្យមានរសជាតិឆ្ងាញ់ពិសាទៅតាមចំណង់ចំណូលចិត្តរបស់សិស្សានុសិស្ស និងគ្រួសារ។ បន្ទាប់ពីសាំងវ៉ិចគាបហើយ អ្នកគ្រូបានបង្ហាញពីរបៀបរៀបចំគួងដាក់ចានឱ្យបានត្រឹមត្រូវ មានបរិមាណសមរម្យ និងមានសោភ័ណភាព ព្រម​ទាំងញុំាសាំងវ៉ិចគាបនោះទាំងអស់គ្នាដោយភាពស្និទ្ធស្នាលជាភាតរភាពក្រៃលែង។ សិស្សានុសិស្សបានយល់ដឹងពីរបៀបធ្វើសាំងវ៉ិចគាបហើយថែមទាំងជួយឱ្យសិស្សមានសាមគ្គីភាពជាមួយមិត្តរួមថ្នាក់កាន់តែល្អប្រសើរបន្ថែមទៀត។ លើសពីនេះទៅទៀត សិស្សានុសិស្សក៏អាចយកចំណេះដឹងទាំងនេះទៅប្រើប្រាស់ក្នុងជីវភាពរស់នៅប្រចាំថ្ងៃ។

ការបង្ហាត់ឱ្យសិស្សានុសិស្សចេះពីរបៀបដំាបន្លែ

ចន្លោះពីថ្ងៃទី២៨ ខែធ្នូ ឆ្នាំ២០១៨  ដល់ថ្ងៃទី០៤ ខែមករា ឆ្នាំ២០១៩ កន្លងទៅនេះ លោកគ្រូ អ្នកគ្រូដែលជាគ្រូបន្ទុកថ្នាក់មត្តេយ្យ និងបឋមសិក្សា បានដឹកនាំសិស្សានុសិស្សទាំងវេនព្រឹក និងវេនរសៀលដំាប៉េងប៉ោះ ដាំខ្ញី ដាំស្អៃខ្មៅ ដាំខ្ទឹមស និងដាំជីរណា ទៅតាមកម្រិតសិក្សារបស់ពួកគាត់នៅក្នុងបរិវេណ សាលារៀន អន្តរទ្វីប អាមេរិកាំង ។ លោកគ្រូ អ្នកគ្រូបង្ហាញពីឈ្មោះបន្លែដែលត្រូវដាំ សម្ភារ ដី របៀបបណ្តុះគ្រាប់បន្លែ និងការស្រោចទឹកទៅតាមដំណាក់កាល។ បន្ទាប់មកទៀត សិស្សានុសិស្សបានចូលរួមដាំគ្រាប់បន្លែទាំងអស់គ្នាដោយភាពសប្បាយរីករាយ ។ លោកគ្រូ អ្នកគ្រូក៏បានចែករំលែកនូវវិធីសាស្រ្តដើម្បីថែទាំបន្លែឱ្យដុះលូតលាស់បានល្អ។ បន្ទាប់ពីបានបណ្តុះគ្រាប់បន្លែរួចហើយ សិស្សានុសិស្សមានសេចក្តីត្រេកអរ និងទន្ទឹងរង់ចាំមើល ការលូតលាស់របស់បន្លែដែលពួកគេបានដាំ។

បំណិនជីវិត ដាំខាត់ណា

កាលពីថ្ងៃទី២៧ ខែធ្នូ ឆ្នាំ២០១៨ កន្លងទៅនេះ លោកគ្រូ ដែលជាគ្រូបន្ទុកថ្នាក់ទី៣  បានដឹកនាំសិស្សានុសិស្សថ្នាក់ទី៣ វេនព្រឹក និងវេនរសៀលដាំខាត់ណានៅក្នុងបរិវេណអគារ ងិន ហួយ សាលារៀន អន្តរទ្វីប អាមេរិកាំង សាខាម៉ៅសេទុង។ លោកគ្រូ បង្ហាញពីឈ្មោះបន្លែដែលត្រូវដាំ សម្ភារ ដី របៀបបណ្តុះគ្រាប់បន្លែ និងការស្រោចទឹកទៅតាមដំណាក់កាល។ បន្ទាប់មកទៀត សិស្សានុសិស្សបានចូលរួមដាំគ្រាប់បន្លែទាំងអស់គ្នាដោយភាពសប្បាយរីករាយ ។ លោកគ្រូ ក៏បានចែករំលែកនូវវិធីសាស្រ្តដើម្បីថែទាំបន្លែឱ្យដុះលូតលាស់បានល្អ។ បន្ទាប់ពីបានបណ្តុះគ្រាប់បន្លែរួចហើយ សិស្សានុសិស្សមានសេចក្តីត្រេកអរ និងទន្ទឹងរង់ចាំមើល ការលូតលាស់របស់បន្លែដែលពួកគេបានដាំ។

បំណិនជីវិត បោះតែនតិ៍ នៃសាលារៀន អន្តរទ្វីប អាមេរិកាំង

កាលពីថ្ងៃទី១៣ ខែធ្នូ ឆ្នាំ២០១៨ កន្លងទៅនេះ គណៈគ្រប់គ្រងសាលាបានរៀបចំកម្មវិធី​បោះតែនតិ៍សម្រាប់សិស្សក្រោមមត្តេយ្យ​ – មត្តេយ្យសិក្សា វេនព្រឹក និង​វេនរសៀល នៃសាលារៀន អន្តរទ្វីប អាមេរិកាំង នៅអគារ ងិន ហួយ សាខាម៉ៅសេទុង​។       អ្នកគ្រូបានបង្ហាញ និងពន្យល់អំពីរបៀបដំឡើងបោះតែនតិ៍ឱ្យសិស្សានុសិស្សចេះ​ដំឡើង​បោះ​តែនតិ៍ដោយខ្លួនឯងទៅថ្ងៃអនាគត និងចេះបង្កើតសាមគ្គីភាព និងភាពស្និតស្នាលជា​មួយ​មិត្ត​ភក្តិក្នុង​ថ្នាក់ និងក្នុងសាលារៀន។  បន្ថែមពីនេះទៅទៀត សិស្សានុសិស្សបានអានសៀវភៅ និង​អ្នកគ្រូបាន​អាន​រឿងនិទានខ្លីៗឱ្យសិស្សានុសិស្សបានស្ដាប់ផងដែរ ហើយចុងកម្មវិធីអ្នកគ្រូក៏បាន​ដឹកនាំ​ប្អូនៗ​សិស្សានុសិស្សលេងល្បែងប្រជាប្រិយខ្មែរសប្បាយៗផងដែរ។ សិស្សានុសិស្សទទួលបាននូវចំណេះដឹង និងបទពិសោធក្នុងការបោះតែនតិ៍ ហើយពួកគេ​បានអនុវត្តការ​រៀបចំតែនតិ៍ដោយខ្លួនឯងដោយមានការជួយសម្រួលពីគ្រូ និងយល់ដឹងកាន់តែ​ច្បាស់​លាស់ពីការបោះជុំរុំ រួមទាំងការអាន និងស្តាប់រឿងនិទានខ្លីៗប្រកបដោយបរិយាកាសរីករាយ។

បំណិនជីវិត បង្អែមចេកខ្ទិះ

កាលពីថ្ងៃទី១២ ខែធ្នូ ឆ្នាំ២០១៨ កន្លងទៅនេះ អ្នកគ្រូ លោកគ្រូដែលជាគ្រូបន្ទុកថ្នាក់ បានដឹកនាំសិស្សានុសិស្សរៀនធ្វើបង្អែមចេកខ្ទិះទាំងវេនព្រឹក  និងវេនរសៀលនៃសាលារៀន អន្តរទ្វីប អាមេរិកាំង  សាខាទួលគោក។ អ្នកគ្រូ លោកគ្រូបានបង្ហាញរបៀបធ្វើបង្អែមចេកខ្ទិះតាមវេននីមួយៗ និងបង្ហាញសម្ភារសម្រាប់ចម្អិន គ្រឿងផ្សំមានដូចជា ចេក គ្រាប់សាគូ សាគូវែង ស្ករស ខ្ទិះដូង  និងរបៀបធ្វើបង្អែមចេកខ្ទិះទៅតាមដំណាក់កាល។ បន្ទាប់មកទៀត សិស្សានុសិស្សបានចូលរួមអង្កេត និងធ្វើបង្អែមចេកខ្ទិះ ហើយភ្លក្សរសជាតិបង្អែមដ៏ឆ្ងុយឆ្ងាញ់ និងប្រកបដោយភាពសប្បាយរីករាយ។ អ្នកគ្រូ លោកគ្រូបានចែករំលែកនូវវិធីសាស្រ្តដើម្បីធ្វើបង្អែមចេកខ្ទិះដែលមានរសជាតិឆ្ងាញ់ពិសាទៅតាមចំណង់ចំណូលចិត្តរបស់សិស្សានុសិស្ស និងគ្រួសារ។ បន្ទាប់ពីបង្អែមបានធ្វើរួចរាល់ហើយអ្នកគ្រូបានបង្ហាញពីរបៀបដួសបង្អែមដាក់ចានឱ្យបានត្រឹមត្រូវ និងញុំាបង្អែមចេកខ្ទិះដែលបានចម្អិនទាំងអស់គ្នាដោយភាពស្និទ្ធស្នាល។