បញ្ចូលពាក្យគន្លឹះ​​​​របស់អ្នកនៅទីនេះ

ផ្សេងៗ

ពិធីសំណេះសំណាលជាមួយបេក្ខជន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេស “A”

កាលពីថ្ងៃទី០៨ ខែវិច្ឆិកា ឆ្នំា២០១៨ កន្លងទៅនេះ គណៈកម្មកាសាលា នៃសាលារៀន អន្តរទ្វីប អាមេរិកាំង បានដឹកនាំសិស្សដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទេ្ទស “A”ដើម្បីចូលរួមសំណេះសំណាលជាមួយបេក្ខជន ដែលបានប្រឡងជាប់សញ្ញាបត្រមធ្យមសិក្សាទុតិយភូមិ និទ្ទេស “A” ​ទាំង៤០៨នាក់ ដែលធ្វើនៅ​វិមាន​សន្តិភាព ហើយសម្តេច​នាយក​រដ្ឋមន្រ្តី​ ​ហ៊ុន​ ​សែន​ ​ផ្តល់​ជា​វត្ថុ​អនុស្សាវរីយ៍​និង​រង្វាន់​លើកទឹកចិត្ត។ ជាមួយនឹង​ការ​ផ្តល់​រង្វាន់​ជា​ប្រាក់​ស្លឹង​នេះ​ ​សិស្ស​និទ្ទេស​ ​Aទាំងអស់​ក៏​ទទួល​បាន​ ​ថវិកា​ម្នាក់២លាន​រៀល​ ​I​ ​pad​ ​តម្លៃ៤៨០ដុល្លារ​ម្នាក់​មួយ​គ្រឿង​ ​និង​សៀវភៅ​មួយចំនួន​ទៀតផង​ដែរ​។​

សាលារៀន អន្តរទ្វីប អាមេរិកាំងចូលរួមបើកបវេសនកាលឆ្នាំ២០១៨ -២០១៩ជាមួយសាលាបឋមសិក្សាភូមិ៧

កាលពីថ្ងៃទី១ខែវិច្ឆិកា​ ឆ្នាំ២០១៨ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង និង មូលនិធិ ម៉េងលី ជេ. គួច បានចូលរួម និងនាំយកសម្ភារសិក្សា​ចំនួន២៥០កញ្ចប់សម្រាប់ធ្វើការបរិច្ចាកទៅ​សិស្សានុសិស្ស​នៃ​សាលាបឋមសិក្សា​ភូមិ៧ ធ្វើឡើង​នៅ​ក្នុង​បរវេណ​សាលាបឋមសិក្សា​ភូមិ៧ ស្ថិត​ក្នុង​ភូមិ២ សង្កាត់​ទំនប់ទឹក ខណ្ឌ​ចំការមន រាជធានី​ភ្នំពេញ គឺនៅពេលរៀប​ចំពិធីបើក​បវេសនកាល​ឆ្នាំ​សិក្សា​២០១៨-២០១៨ និង​ប្រារព្ធ​ទិវា​គ្រូបង្រៀន​ផងដែរ។ លោកនាយក​សាលាបឋមសិក្សា​ភូមិ៧ បានលើក​ឡើង​ថា តាងនាម​លោក​ជា​គណៈគ្រប់គ្រង​សាលា​បឋមសិក្សា​ភូមិ៧ លោក​ពិតជាមាន​សេចក្ដីសោមនស្សរីករាយ​យ៉ាងក្រៃលែង និង​កោតសរសើរ​យ៉ាងខ្លាំងចំពោះ​មូលនិធិ ម៉េងលី ជេ. គួច ពិសេស​លោក​ឧកញ៉ា វេជ្ជបណ្ឌិត គួច ម៉េងលី នាយកប្រតិបត្តិ​នៃ​មូលនិធិ និង​ជា​ស្ថាបនិក​នៃ​វិទ្យាស្ថាន និង​សាលារៀន អន្តរទ្វីប អាមេរិកាំង ដែល​តែងតែ​យកចិត្ត​ទុកដាក់ ក៏ដូចជា​ចូលរួម​ឧបត្ថម្ភ​សម្ភារសិក្សា​ដល់សិស្សសាលា​របស់លោក​ជា​រៀងរាល់ឆ្នាំ​សិក្សា​ ពិសេស​គឺ​រៀងរាល់​សាលាបឋមសិក្សា​ភូមិ៧ រៀបចំពិធីបើក​បវេសនកាល​ឆ្នាំសិក្សា​ថ្មី។ ដើម្បីជាការតបស្នង​គុណ យើង​ខ្ញុំមានតែ​ប្ដេជ្ញា​ចិត្ត និង​ពួតដៃគ្នា​ខិតខំ​បង្ហាត់​បង្រៀន​សិស្សានុសិស្ស​ឱ្យ​អស់​ពីកម្លាំងកាយ​ចិត្ត ដើម្បី​ឱ្យពួកគេ​ទទួលបាន​ចំណេះដឹង​ពិតប្រាកដ ហើយ​អាចយកទៅ​ប្រើប្រាស់​ក្នុង​សង្គម​បាន​ប្រកបដោយ​ប្រសិទ្ធភាព​តែប៉ុណ្ណោះ។ ​មូលនិធិ ម៉េងលី ជេ. គួច បាន​ឱ្យដឹង​ថា ការណ៍​ដែល​មូលនិធិ ម៉េងលី ជេ. គួច […]

កិច្ចប្រជុំប្រធាន និងអនុប្រធានថ្នាក់

កិច្ចប្រជុំប្រធាន និងអនុប្រធានថ្នាក់

កាលពីថ្ងៃទី៣១ ខែតុលា ឆ្នាំ២០១៨ ចាងហ្វាង និងចាងហ្វាងរងនៃសាលារៀន អន្តរទ្វីប អាមេរិកាំង ឆ្នាំសិក្សាថ្មី២០១៨-២០១៩ នៅតាមសាខារៀងៗខ្លួន​ បានរៀបចំកិច្ចប្រជុំប្រធាន និងអនុប្រធានថ្នាក់ ដើម្បីធ្វើការផ្តល់ព័ត៌មានទូទៅរបស់សាលា។បន្ថែមលើពីនេះទៀតចាងហ្វាងបានពន្យល់ពីតួនាទី កាតព្វកិច្ចនិងភាពទទួលខុសត្រូវក្នុងនាមជាប្រធាន និងអនុប្រធានថ្នាក់ដែល​ជា​អ្នក​ដឹក​នាំ​សមាជិក​ក្រុម​ត្រូវ​តែ​សិស្ស​ពូកែ ​មាន​ឥរិយាបថល្អ​ ​មាន​ទំនួល​ខុស​ត្រូវ​ខ្ពស់​លើភារកិច្ច​ ​​និង​លក្ខណៈ​សម្បត្តិ​មួយ​ចំនួន​ទៀត​ ដើម្បី​ធ្វើ​ជា​គំរូ​ល្អ​ដល់​គេហើយត្រូវសហការជាមួយគ្រូបន្ទុកថ្នាក់ និងចាងហ្វាង។ ​ក្នុងពេលនោះបាន​បង្ហាញ​ពី​ព្រឹត្តិការណ៍​ ​ឬ​កម្មវិធី​ផ្តល់​ចំណេះដឹង​ពិសេសៗ​របស់​សាលា​ដល់​សិស្ស​ឱ្យ​បាន​ជ្រាប​កាន់​តែ​ច្បាស់​ ហើយ​ចែក​ចាយ​ព័ត៌មាន​ទាំង​នោះ​បន្ត​ទៅ​សិស្សានុសិស្ស​ផ្សេង​ទៀត​ ដែល​ជា​មិត្តភក្ដិ​ឱ្យ​បាន​ចូល​រួម​ក្រេប​ជញ្ជក់​ចំណេះដឹង​ទាំង​នោះ​ផងដែរ។ ប្រធាន និងអនុប្រធានថ្នាក់​នឹង​មាន​ជំនាញ​ភាព​ជា​អ្នក​ដឹកនាំ​ ​គ្រប់គ្រង​ ​ទាក់​ទង​សាធារណៈ​ និង​ទំនាក់​ទំនង​ទូទៅ​ប្រកប​ដោយ​ទំនុក​ចិត្តខ្ពស់​ ​ដែល​កើត​ចេញ​ពី​ការ​រៀន​ទទួល​ខុសត្រូវ​ ​ការ​ដោះ​ស្រាយ​បញ្ហា​ ហើយ​សិស្ស​ក៏​ទទួល​បាន​បណ្ណសរសើរ​លើក​ទឹក​ចិត្ត​ពី​សាលា​ដែល​ខ្លួន​បាន​រៀន​មួយឆ្នាំសិក្សា។

អបអរសាទរ ពិធីបើកបវេសនកាលឆ្នាំសិក្សា២០១៨-២០១៩

កាលពីថ្ងៃ០១ ខែវិច្ឆិកា ឆ្នំា២០១៨ កន្លងទៅនេះ គណៈកម្មការសាលា នៃសាលារៀន អន្តរទ្វីប អាមេរិកាំង បាននាំសិស្សានុសិសថ្នាក់ទី១២ ដែលទទួលបាននិទ្ទេស A ដើម្បីចូលរួមអបអរសាទរពិធីបើកបវេសនកាលឆ្នាំសិក្សា២០១៨-២០១៩ និងចែករង្វាន់សិស្សពូកែរាជធានីភ្នំពេញ នៅអនុវិទ្យាល័យចតុមុខ។

កម្មវិធីពិនិត្យសុខភាពភ្នែកកុមារ ជូនដល់សិស្សានុសិស្ស

កាលពីថ្ងៃ២៥ ខែតុលា ឆ្នាំ២០១៨ កន្លងទៅនេះ សាលារៀន អន្តរទ្វីប អាមេរិកាំង សហការជាមួយប្រាយ​អ៊ិ​ន​ហូល​ឌិនដើម្បីពិនិត្យសុខភាពភ្នែកសម្រាប់សិស្សថ្នាក់បឋមសិក្សា។ សាលារៀន អន្តរទ្វីប អាមេរិកាំង តែងតែយកចិត្តទុកទៅលើសុខភាពជាចម្បង និងបណ្តុះបណ្តាលគំនិតឱ្យយល់ដឹងវិធីការពារ និងការព្យាបាលទៅដល់សិស្សានុសិស្ស។ លោកគ្រូពេទ្យថាបើ​តាម​បច្ចេកទេស លោក​លើកទឹកចិត្ត ដល់​អ្នកមាន​បញ្ហា​ភ្នែក​មី​ញ៉ូប គួរ​ប្រើ​ប្រាស់​វែ​ន​តាឱ្យបានគ្រប់គ្នា ហើយ​ប្រើ​ឱ្យ​បាន​ទៀងទាត់ ប៉ុន្តែ​វែ​ន​តា​ទាំងនោះ ត្រូវ​ឆ្លងកាត់​ពី​អ្នកជំនាញ និង​អ្នកបច្ចេកទេស​ឱ្យ​បាន​ត្រឹមត្រូវ។