បញ្ចូលពាក្យគន្លឹះ​​​​របស់អ្នកនៅទីនេះ

សិក្ខាសាលា

សិក្ខាសាលា ស្តីពីសុវត្ថិភាពចរាចរណ៍ផ្លូគោក

កាលពីថ្ងៃទី១៨ ខែមករា ឆ្នាំ២០១៩ កន្លងទៅនេះ ​សាលារៀន​ អន្តរទ្វីប អាមេរិកាំង បានសហការ​ដោយ ស្នងការនគរបាលរាជធានីភ្នំពេញ ​បានរៀបចំសិក្ខាសាលាស្តីពី “សុវត្ថិភា​ព​ចរាចណ៍​ផ្លូវគោក” ដល់សិស្សានុសិស្សថ្នាក់ទី១១ ​ ។ គណៈកម្មការនៃសាលារៀន អន្តរទ្វីប អាមេរិកាំង មានការព្រួយបារម្ភពីបញ្ហាសុវត្ថិភាព​ចរាចណ៍​ផ្លូវ​គោក ទើប​អញ្ជើញ​វា​គ្មិន​ជំនាញៗ​មក​ធ្វើ​បទ​បង្ហាញ​ ដើម្បី​ចែក​រំលែក​បញ្ហា​សុវត្ថិភាព​ចរាចណ៍​ផ្លូវគោក​ដល់លោក​គ្រូអ្នកគ្រូ និង​សិស្សានុសិស្ស​របស់​ខ្លួន។​ ​ទន្ទឹម​នឹង​ការ​ចែក​រំលែក​ចំណេះ​ដឹង​ស្តីពី​សុវត្ថិភាព​ចរាចណ៍​ផ្លូវ​គោក​ដល់​សិស្សានុសិស្សសាលា​រៀន​ អន្តរទ្វីប អាមេរិកាំង ក៏បានដាក់បញ្ជូលមុខវិជ្ជាស្តីពីសុវត្ថិចរាចរណ៍​ផ្លូវគោក​ចូលទៅក្នុង​កម្មវិធី​សិក្សា​របស់​ខ្លួនផង​ដែរ​ពោល​គឺ​ចាប់​តាំង​ពី​ថ្នាក់​បឋម​សិក្សា​រហូត​ដល់​ថ្នាក់​មធ្យម​សិក្សាទុតិយភូមិ។ ជុំវិញសិក្ខាសាលានេះ វាគ្មិនមកស្នងការនគរបាលរាជធានីភ្នំពេញ ដើម្បីសុវត្តិភាពចរាចរណ៍ផ្លូវគោក ​បានបង្ហាញ​របាយការណ៍​ប្រចាំ​ឆ្នាំ​ដល់​សិស្សានុសិស្ស​ឱ្យ​ឃើញ​ថា ​“អ្នក​ស្លាប់​ដោយ​សារ​តែ​គ្រោះថ្នាក់​ចរាចរណ៍​ ភាគច្រើន​មាន​អាយុ​ចាប់​ពី​ចន្លោះ២០​ឆ្នាំ​ទៅ២៤​ឆ្នាំ​។​  ទោះបីជាបច្ចុប្បន្ន បញ្ហាចរាចរណ៍បានកែទម្រង់បានល្អច្រើនមួយកម្រិតក៏ពិតមែន​ ក៏ប៉ុន្តែ​ដើម្បី​កាត់​បន្ថយ​ និង​ទប់ស្កាត់​ការគ្រោះ​ថ្នាក់​ចរាចរណ៍ ​ស្នងការនគរបាលរាជធានីភ្នំពេញ បាន​អំពាវ​នាវ​ដោយទទូច​សុំប្រ​ជា​ពលរដ្ឋ​គួរ​តែ​ប្តូរ​ឥរិយាបថ ​និង​ទម្លាប់​បំពាន​ច្បាប់​ចរាចរណ៍​ចេញ។ ​ពោល​គឺ​កុំបើក​បរ​ហួស​ល្បឿន​កំណត់,​ បើក​បរ​ក្រោម​ឥទ្ធិពល​គ្រឿង​ស្រវឹង,​ ប្រជែង​ក្នុង​ស្ថានភាព​គ្រោះ​ថ្នាក់​ និង​មិន​គោរព​សិទ្ធ​អាទិភាព​ជាដើម។​ ឥរិយាបថ​ និង​ទម្លាប់​បំពាន​ច្បាប់​នេះ ​គឺ​កើត​ចេញ​ពី​ពួកគាត់​គ្មាន​ការ​យល់ដឹង​។​ ​ដូច្នេះ​រាជ​រដ្ឋាភិបាល​ដែល​មាន​ក្រសួងអប់រំ​ជា​សេនាធិការគួ​រ​តែ​ដា​ក់​បញ្ចូល​ឱ្យ​មាន​ការ​សិក្សា​សុវត្ថិភាព​ចរាចរណ៍​ផ្លូវគោក​នៅ​ក្នុង​កម្ម​វិធី​សិក្សា​តាំង​ពីថ្នាក់​ក្រោម ​រហូត​ដល់​ថ្នាក់​ឧត្តម​សិក្សា​បាន​កាន់​តែ​ល្អ។​ រីឯ​កត្តា​ផ្លូវ​ថ្នល់​ ក៏​ជា​បញ្ហា​ចោទ​ដែរ​ ដ្បិតថា​ ក្រសួង​ពាក់​ព័ន្ធ​ខំប្រឹង​អភិវឌ្ឍ​បាន​ល្អ​ហើយ​ក្តី​ តែ​ហាក់​នៅ​មាន​ចន្លោះ​ប្រហោង​ច្រើន​ ដូច​ជា​មាន​ផ្លូវ​ល្អ​ធំ​ល្វឹង​ល្វើយ​តែ​គ្មាន​ស្នាម​គំនូស​ ឬស្លាកសញ្ញាចរាចរណ៍ជាដើម។ បន្ថែមលើសពី​នេះ […]

សិក្ខាសាលាស្តីអំពី ហេតុអ្វីត្រូវការអប់់រំ?

កាលពីថ្ងៃ៣០ ខែវិច្ឆិកា ឆ្នាំ២០១៨ កន្លងទៅនេះ គណៈកម្មកាសាលា នៃសាលារៀន អន្តរទ្វីប អាមេរិកាំង សាខាទួលគោក បានរៀបចំសិក្ខាសាលាស្តីអំពី ហេតុអ្វីត្រូវការអប់់រំ? ដើម្បីឱ្យសិស្សានុសិស្សយល់កាន់តែច្បាស់ និងទូលំទូលាយពីគុណតម្លៃក្នុងទទួលយកការអប់រំ។ ជាការពិត នៅក្នុងប្រទេសមួយ ភាពរីកចម្រើន និង​ការ​អភិវឌ្ឍរបស់ប្រទេសនោះ​ គឺ​អាស្រ័យ​ទៅ​លើគុណភាព​នៃ​ការ​អប់រំ​ ព្រោះ​វិស័យ​មួយ​នេះ​បាន​ដើរ​តួនាទី​យ៉ាង​សំខាន់ ហើយ​ជា​វិស័យ​សេនា​ធិការ​ក្នុងការបណ្តុះបណ្តាល និង​ការ​បញ្ចេញ​ធន​ធាន​មនុស្ស​ដើម្បី​បម្រើ​ប្រទេស​អោយ​មាន​វឌ្ឍនភាពលើគ្រប់វិស័យ។

សិក្ខាសាលាស្តីពីជ្រើសរើសក្រុមការងារស័្មគ្រចិត្តរបស់សិស្សានុសិស្ស

កាលពីថ្ងៃទី២០ ខែវិច្ឆិកា ឆ្នាំ២០១៨ កន្លងទៅនេះ សាលារៀន អន្តរទ្វីប អាមេរិកាំង បានរៀបចំ សិក្ខាសាលាស្តីពីជ្រើសរើសក្រុមការងារស័្មគ្រចិត្តរបស់សិស្សានុសិស្ស នៃសាលារៀន អន្តរទ្វីប អាមេរិកាំង នៅសាលប្រជុំ សូវ ហុងគុយ អគារ លីម គីមណយ សាខាម៉ៅសេទុង។ នៅក្នុងសិក្ខាសាលានេះបង្ហាញដោយវាគ្មិន​ឈ្មោះ គ្រូច ឈីម ជាសិស្សថ្នាក់ទី១២ នៃសាលារៀន អន្តរទ្វីប អាមេរិកាំង។ សិស្សានុសិស្សដែលស្ថិតនៅក្នុងវ័យសិក្សាមួយចំនួនគឺផ្តោតទៅលើការសិក្សារបស់ពួកគាត់ក្នុងគោលបំណងទទួលបានការងារល្អប្រាក់ចំនូលខ្ពស់ និងក្លាយជាបុគ្គលដែលមានសមត្ថភាពមួយដើម្បីប្រកួតប្រជែងនៅក្នុងសង្គមប៉ុន្តែការសិក្សានៅក្នុងសាលាតែមួយផ្នែកមិនអាចជួយឬក៏អភិវឌ្ឍ ខ្លួនឯងឱ្យទៅជាបុគ្គលឆ្នើមនោះទេ កត្តាផ្សេងៗជាច្រើនត្រូវបានរួមផ្សំ ក៍ដូចជាបទ ពិសោធន៏ក្នុងការងារឬស្ថានភាពផ្សេងៗដែលបានអនុវត្តន៏នៅក្នុងជីវិតប្រចាំថ្ងៃ គួបផ្សំជាមូយចំនេះដឹងទើបជម្រុញឱ្យបុគ្គលនោះឱ្យក្លាយទៅជាមនុស្សជោគជ័យនៅក្នុងជីវិត ។ វាជារឿងពិតសិស្សានុសិស្ស អាចអភិវឌ្ឍសមត្ថភាពព្រមទាំងបទពិសោធន៏របស់ខ្លួនតាមរយះការចូលរួមក្នុងការងារស្ម័គ្រចិត្ត ឬការងារសង្គម។ ការងារស្ម័គ្រចិត្តអាចផ្តល់នូវចំណេះដឹងទូលំទូលាយដែលយើងមិនធ្លាប់ជួបប្រទះ ជាពិសេសវាផ្ដល់ឱកាសឱ្យយើងប្រាស័យទាក់ទងជាមួយមនុស្សនៅក្នុងសង្គមដែលមានជំនាញចំណេះដឹងចំណង់ចំណូលចិត្តខុសៗគ្នារាប់អានមិត្តថ្មី បង្កើតចំណងមិត្តភាព និងសមត្ថភាពការងារជាក្រុមចែករំលែកចំណេះដឹងថ្មីបទ ពិសោធន៏ដែលខ្លួនមិនធ្លាប់មានតាមរយៈការចូលរួមសកម្មភាពដោះស្រាយបញ្ហា និងការសិក្សាកែលម្អគ្នាទៅវិញទៅមក។ បន្ថែមពីលើនេះ ការងារស្ម័គ្រចិត្តអាចពង្រឹងការទទួលខុសត្រូវចំពោះការងារពេលវេលានិងកាតព្វកិច្ចបស់អ្នកឱ្យកាន់តែល្អជាងមុនរួមទាំងទំនុកចិត្តក្នុងការបញ្ចេញមតិ និងដោះស្រាយបញ្ហាជាក់ស្ដែងនៅក្នុងសង្គមព្រោះថានៅពេលដែលយើងធ្វើការងារដោយស្ម័គ្រចិត្តយើងធ្វើដោយមិនមានសម្ពាធពីអ្នកដទៃ ការចូលរួម សកម្មភាពការងារស្ម័គ្រចិត្តនេះទៀតសោតក៏ជួយឱ្យយើងកាត់បន្ថយនូវស្រ្តេស កំហឹង ការធុញថប់ ការបាក់ទឹកចិត្តផ្សេងៗដោយហេតុថា យើងបានធ្វើរឿងល្អដល់សង្គម។

កម្មវិធីយុទ្ធនាការផ្សព្វផ្សាយអប់រំ «ភ្នំពេញស្អាត»

កាលពីថ្ងៃ១៩ ខែវិច្ឆិកា ឆ្នាំ២០១៨ កន្លងទៅនេះ គណៈ​គ្រប់​គ្រង​នៃ​សាលា​រៀន អន្តរទ្វីប អាមេរិកាំង សហការ​ជាមួយ​នឹង​គម្រោង​ភ្នំពេញ​ស្អាត បាន​បើក​អង្គសិក្ខា​សាលាមួយ​ស្ដីពី យុទ្ធនា​ការ​ភ្នំពេញស្អាត ដល់​សិស្សា​នុ​សិស្ស។ នៅក្នុងសិក្ខាសាលានេះ អ្នកស្រី រស់ យ៉ាណា ប្រធាន​សាលារៀន អន្តរទ្វីប អាមេរិកាំង បាន​កោតសរសើរ ដល់​ក្រុមយុវជន ស្ម័គ្រ​ចិត្ត​ក្នុង​គម្រោង​ភ្នំពេញ​ស្អាត ដែល​មាន​សកម្មភាព​យ៉ាង​សកម្ម ក្នុងការ​រួមចំណែក​កាត់​បន្ថយ និង​ឈាន​ទៅ​លុប​បំបាត់​សំរាម នៅ​ក្នុង​រាជធានី​។ ទន្ទឹម​នឹងនេះ អ្នកស្រី ក៏​បាន​កោត​សរសើរ ដល់​អតីត​សិស្ស​សាលារៀន AIS ដែល​ក្លាហាន មានទឹកចិត្ត និង​មាន​សមត្ថភាព​ធ្វើកិច្ចការ​នៅ​ក្នុង​គម្រោង​ភ្នំពេញ​ស្អាតនេះ​ផង​ដែរ។​ អ្នកស្រី រំពឹង​ថា សិក្ខាសាលានេះ នឹង​ជាប្រយោជន៍ ដល់​សិស្សានុ​សិស្ស និង​បន្ត​ផ្សព្វផ្សាយ ដល់​បងប្អូន មិត្តភក្ដិ និង​មនុស្ស​នៅជុំវិញ​ឱ្យបាន​ផុសផុល ដើម្បី​ក្រុង​ភ្នំពេញ និង​កម្ពុជា​ទាំងមូល មាន​សម្រស់​កាន់​តែ​ប្រពៃ។ លោក ផល ពិសាល នាយកគ្រប់គ្រង និងជា​ប្រធាន​គម្រោង​អនុវត្តស្អាត បាន​លើកឡើងថា នេះជាលើក​ទី២ ហើយ ដែលគម្រោង​ភ្នំពេញស្អាត សហការ​ជា​មួយ​សាលារៀន […]

សិក្ខាសាលាស្តីពីការសង្រ្គោះបឋម

កាលពីថ្ងៃទី២៥ ខែកញ្ញា ឆ្នាំ២០១៨ កន្លងទៅនេះ គណៈកម្មការនៃសាលារៀន អន្តរទ្វីប អាមេរិកំាង បានសហការជាមួយកាកបាទក្រហមកម្ពុជាដើម្បីបើកសិក្ខាសាលាស្តីពីការសង្រ្គោះបឋមសម្រាប់លោកគ្រូ អ្នកគ្រូ នៅសាលប្រជុំ សូវ ហុងគុយ អគារ លីម គីមណយ សាលារៀន អន្តរទ្វីប អាមេរិកាំង សាខាម៉ៅសេទុង។ សិក្ខាសាលានេះដើម្បីឱ្យលោកគ្រូ​ អ្នកគ្រូទទួលបាននូវចំណេះដឹង និងបច្ចេកទេសថ្មីៗបន្ថែមទៀតក្នុងការសង្គ្រោះបឋម ដោយមានការបង្ហាញពីអ្នកជំនាញមកពីកាកបាទក្រហម​កម្ពុជា។ ពីព្រោះសង្គ្រោះបឋម អាចជួយសង្គ្រោះជីវិតមនុស្សបានសម្រាប់លោកគ្រូ អ្នកគ្រូដែល​ជា​អាណាព្យាបាល​ទី២ របស់​សិស្ស ដើម្បី​ទុកជា​មូលដ្ឋាន​គ្រឹះ​សម្រាប់​ជួយសង្គ្រោះ​មនុស្ស​រងគ្រោះ​ពី​ហេតុ​កា​រណ៍​ផ្សេងៗ​ទាំង​នៅ​សាលា និង​នៅផ្ទះ​ជាដើម។