បញ្ចូលពាក្យគន្លឹះ​​​​របស់អ្នកនៅទីនេះ

សិក្ខាសាលា

សិក្ខាសាលាស្ដីពីជំងឺក្រពះនិងបំពង់ក

ដោយ​មើល​ឃើញ​ពី​កំណើន​នៃ​ផល​ប៉ះពាល់​ដែល​បណ្ដាល​មក​ពី​ជំងឺ​ផ្សេងៗ​ ​និង​ព្រួយ​បារម្ភ​ពី​ទុក្ខ​ធុរៈ​សុខុមាលភាព​លោកគ្រូ​ អ្នកគ្រូ​ និង​បុគ្គលិក​ទូទៅ​ផង​ ​នៅ​រសៀល​ថ្ងៃ​ទី​៦​តុលា កន្លងមកថ្មីៗ​នេះ​ ​គណៈកម្មការ​សាលារៀន​ ​អន្តរទ្វីប​ ​អាមេរិកាំង​ ​បាន​សហការគ្នា​ជាមួយនឹង​មន្ទីរ​ពេទ្យ​ ​បារាំង​-​វៀតណាម​ (FV)​ ​បើកជា សិក្ខា​សាលាមួយ​ស្ដីពី​ជំងឺ​ក្រពះ​និង​បំពង់ក​​​ ដើម្បី​បញ្ជ្រាប​ចំណេះដឹង​ទាក់ទងនឹង​ប្រភេទ​ជំងឺ​ទាំង​នេះ​ ជូន​ដល់​បុគ្គលិក​សិក្សា​ទូទៅ​ប្រមាណ​ជិត​៣​00នាក់​ ​នៅ​សាលារៀន​ ​អន្តរទ្វីប​ ​អាមេរិកាំង ទាំងបីសាខា។ថ្លែង​​នា​ឱកាសបើក​សិក្ខា​សាលា​នោះ​ ​លោក​ ​រឿង​ ​សុភាព​ ​ចាងហ្វាង​មធ្យម​សិក្សា​បឋមភូមិ​ ​នៃ​សាលារៀន​ ​អន្តរទ្វីប​ ​អាមេរិកាំង​ បាន​លើក​ឡើង​ថា​ ​គណៈគ្រប់គ្រង​សាលា​ឯកជន​កូនកាត់​មួយ​នេះ​ ​តែង​ព្រួយ​បារម្ភ​ និងយក​ចិត្ត​ទុកដាក់ពី​ទុក្ខធុរៈ​សុខុមាលភាព​បុគ្គលិក​សិក្សា​ ទើបបាន​បង្កើត​ឱ្យ​មាន​សិក្ខាសាលា​នេះ​ឡើង​ជា​រឿយៗ​ ដើម្បី​លើក​កម្ពស់​សុខុមាលភាព​បុគ្គលិក​សិក្សា​ផង​ ​និង​ដើម្បី​បញ្ជ្រាប​ចំណេះដឹង​ទូទៅ​ដល់​បុគ្គលិក​ក្នុង​ស្ថាប័ន​អប់រំមួយ​នេះ​ ​ឱ្យ​ឈ្វេងយល់​បាន​ច្បាស់​អំពី​រោគ​សញ្ញា​ ​វិធី​បង្ការ​​​ ​ការ​ថែ​ទាំង​សុខភាព​ជាដើម​ ​ព្រោះ​សុខភាព​ ជា​បញ្ហា​ចម្បង​របស់​មនុស្ស​គ្រប់​រូប​ដែល​យើង​មិន​គួរ​មើល​រំលង។ផ្តើម​ចេញ​ពី​អង្គ​សិក្ខា​សាលា​​​រយៈពេលជាង​២​ម៉ោង​ ​លោក​វេជ្ជបណ្ឌិត​ ​វើក​ ​រ៉ាស៊ីម​ ​ជំនាញ​វេជ្ជសាស្រ្ត​ទូទៅ​ប្រចាំ​មន្ទីរទេព្យ​ ​បារាំង​-​វៀតណាម​ បាន​ថ្លែង​ថា​ ​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​ ​ជំងឺ​ក្រពះ​និង​បំពង់​​កហាក់​​ដូចជា​កើត​ច្រើន​ចំពោះ​ប្រជាជន​ខ្មែរ​ ដោយ​មួយ​ផ្នែក​នៃ​ជំងឺ​ទាំង​នេះ​ ​គឺ​បណ្ដាល​មក​ពី​ការ​ទទួល​ទាន​ចំណី​អាហារដែលមានរសជាតិ​មុតៗ​ ​គ្មាន​អនាម័យ​ ​និង​មាន​សារជាតិ​គីមី​ច្រើន​លើស​លុប។ ក្នុង​នោះ   ភេសជ្ជៈ​ ​សុរា​ និង​ស្រា​បៀរ​ […]

សិក្ខាសាលាស្តីពីសុខភាពបន្តពូជ រោគស្រ្តី និងអនាម័យ

សិក្ខាសាលាស្តីពីសុខភាពបន្តពូជ រោគស្រ្តី និងអនាម័យ

កាលពីថ្ងៃទី២៨ ខែកញ្ញា ឆ្នាំ២០១៧ កន្លងទៅនេះ គណៈកម្មការសាលារៀន អន្តរទ្វីប អាមេរិកាំង បានរៀបចំសិក្ខាសាលាស្តីពីសុខភាពបន្តពូជ រោគស្រ្តី និងអនាម័យ ជូនដល់លោកគ្រូ អ្នកគ្រូ និងបុគ្គលិកនៃសាលារៀន អន្តរទ្វីប អាមេរិកាំង ដោយសហការជាមួយមន្ទីពេទ្យ FV នៅសាលប្រជុំ សូវ ហុងគុយ អគារ លីម គីមណយ នៃសាលារៀន អន្តរទ្វីប អាមេរិកាំង សាខាម៉ៅសេទុង ដោយ​មាន​លោក ​វើក រ៉ាស៊ីម វេជ្ជបណ្ឌិត​ផ្នែក​ជំនាញ​មហារីក​មាត់​ស្បូន ជាវាគ្មិន។សុខភាព​បន្តពូជ ​និង​រោគស្ត្រី ​គឺសំខាន់​ខ្លាំង​ណាស់​សម្រាប់​មនុស្ស​គ្រប់ៗ​រូប។ ​ដូច្នេះ​មិន​ត្រូវ​ខ្មាស​អៀន​ទេ​រាល់​បញ្ហា​សុខភាព​ទាំងនោះ ​បើមាន​ចម្ងល់​អ្វីមួយ​ត្រូវ​ហ៊ាន​សួរ​ទៅ​កាន់​វេជ្ជបណ្ឌិត​ ដើម្បី​ឱ្យ​បាន​ដឹង​ច្បាស់​ទាក់​ទិន​នឹង​សុខភាព​បន្ត​ពូជ រោគស្ត្រី និងការអនាម័យជាដើម៕

សិក្ខាសាលាស្ដីពី វិធីសាស្រ្តតែងនិងសូត្រកំណាព្យ

ដើម្បី​ពង្រឹង​និង​ពង្រីក​សមត្ថភាព​ចំណេះដឹង​ដល់​លោកគ្រូ​អ្នកគ្រូ​ឱ្យស្គាល់​ពី​​​តម្លៃ​ ​និង​របៀប​សូត្រ​កំណាព្យ​ ព្រមទាំង​រួម​ចំណែក​ថែរក្សា​មរតក​បូរាណ​ខ្មែរ​ផង​នោះ​ ​កាល​ពី​រសៀល​ថ្ងៃទី​១៥​កញ្ញា​ ​ម្សិលមិញនេះ​ ​គណៈគ្រប់គ្រង​សាលារៀន​ អន្តរទ្វីប​ ​អាមេរិកាំង​ ​បាន​បើក​សិក្ខា​សាលា​ស្ដីពី​ ​វិធី​សាស្រ្ត​តែង​និង​សូត្រ​កំណាព្យ​ជូន​ដល់​លោកគ្រូ​អ្នកគ្រូ​របស់​ខ្លួន​ប្រមាណ​ជាង​១០០​នាក់​ ក្រោម​ការ​អញ្ជើញចូលរួម​ជា​វាគ្មិន​ជំនាញ​មាន​ឈ្មោះ​ល្បី​ក្នុង​ប្រទេសកម្ពុជា​ពីរ​រូប​ ​គឺ​លោក​សាស្រ្តាចារ្យ​ ​យ៉ាន់​ ​បូរិន្ទ​ ​វរសិល្បករ​ ​ទីប្រឹក្សា​អម​ក្រសួង​វប្បធម៌​ ​និង​វិចិត្រ​សិល្បៈ​ និង​ជា​គ្រូ​បង្គោល​នៃ​ក្លិប​អភិរក្ស​មរតក​កំណាព្យ​ខ្មែរ​ ​និង​សាលា​អភិរក្ស​មរតក​បូរាណ​ខ្មែរ។ លោក​ ​សីហា​ ​ឧត្តម​ គ្រូ​បង្គោល​នៃ​ក្លិប​អភិរក្ស​មរតក​កំណាព្យ​ខ្មែរ​ ​និង​ជា​នាយក​សាលា​អភិរក្ស​មរតក​បូរាណ​ខ្មែរ​ផង​ដែរ។ចាប់​ផ្តើម​បើក​កម្មវិធី​នោះ​ ​តំណាង​គណៈ​គ្រប់គ្រង​ ​លោក​ ​រឿង​ ​សុភាព​ ​ចាងហ្វាង​មធ្យម​សិក្សា​បឋមភូមិ​ ​នៃ​សាលារៀន​ ​អន្តរទ្វីប​ ​អាមេរិកាំង​ បាន​ថ្លែង​ថា​ ​ថ្វីដ្បិតតែ​លោកគ្រូ​អ្នកគ្រូ​ពោរពេញ​ដោយ​សមត្ថភាព​ក៏​ពិត​មែន​ ប៉ុន្តែ​ចាំ​បាច់​ណាស់​សម្រាប់​ពង្រឹង​សមត្ថភាព​លោកគ្រូ​អ្នកគ្រូ​លើ​វិធី​សាស្រ្ត​តែង​និង​សូត្រ​កំណាព្យ​បាន​ល្អ​ ​ត្រឹមត្រូវ​ ​មាន​សោភ័ណ​ ​និង​បាន​ស្គាល់​ច្បាស់​ពី​តម្លៃ​កំណាព្យ​ផង។ លោក​បន្ត​ថា ក្រោម​ហេតុ​ផល​នេះ គណៈ​គ្រប់គ្រង​សាលារៀន​កូនកាត់​មួយ​នេះ​ បាន​គាំទ្រ​យ៉ាង​ពេញ​ទំហឹង​លើ​ការ​ចូលរួម​ចំណែក​អភិរក្ស​មរតក​បូរាណ​ខ្មែរ​ ដែល​បច្ចុប្បន្ន​ពុំ​សូវ​មាន​អ្នក​យក​ចិត្ត​ទុក​នេះ​ ​តាម​រយៈ​ការ​បញ្ជ្រាប​ចំណេះដឹង​ដល់​គ្រូ​ ​និង​ចែក​រំលែក​បន្ត​ពី​គ្រូ​ទៅ​សិស្សានុសិស្ស​ឱ្យ​បាន​កាន់តែ​ទូលំទូលាយ។ ដោយ​យល់​ពី​តម្លៃ​នេះ​ ​ទើប​គណៈគ្រប់គ្រង​បង្កើត​ឱ្យ​សិក្ខាសាលា​នេះ​ឡើង។​ថ្លែងក្នុងនាមជាវាគ្មិនកិត្តិយស លោកសាស្រ្តាចារ្យ យ៉ាន់ បូរិន្ទ វរសិល្បករ បានថ្លែងស្ងោចសរសើរ ចំពោះសាលារៀនកូនកាត់មួយ ​ដែល​យក​ចិត្ត​ទុកដាក់​យ៉ាង​ផុសផុលលើ​វិស័យ​តែង​និ​ង​សូត្រកំណាព្យ តាមរយៈការបង្កើតកម្មវិធីបណ្ដុះបណ្ដាលគ្រូ […]

សិក្ខាសាលាស្តីអំពីការសង្រ្គោះបឋម

សិក្ខាសាលាស្តីអំពីការសង្រ្គោះបឋម

កាលពីថ្ងៃទី០៦ ខែកញ្ញា ឆ្នាំ២០១៧ កន្លងទៅនេះ សាលារៀន អន្ដរទ្វីប អាមេរិកាំង បានរៀបចំ​កម្មវិធីសិក្ខាសាលាស្តីអំពីការសង្រ្គោះបឋម ជូនដល់លោកគ្រូ អ្នកគ្រូ និងបុគ្គលិក នៃវិទ្យាស្ថាន និងសាលារៀន អន្តរទ្វីប អាមេរិកាំង ប្រមាណជា១២០នាក់ នៅសាលប្រជុំ សូវ ហុងគុយ អគារ លីម គីមណយ នៃសាលារៀន អន្តរទ្វីប អាមេរិកាំង សាខាម៉ៅសេទុង (ការិយាល័យកណ្តាល) ដែលមានការអញ្ជើញចូលរួមជាវាគ្មិនដោយ លោកវេជ្ជបណ្ឌិត និន សុខរង្សី នាយកវេជ្ជសាស្ត្រនៃមជ្ឈមណ្ឌលសុខភាពសិស្ស ម៉េងលី ជេ. គួច។ នៅក្នុងអង្គសិក្ខាសាលានេះ វាគ្មិនបានបង្ហាញពីដំណើរការផ្សេងៗនៃបទបង្ហាញ ជាពិសេសបង្ហាញពីរបៀបសង្រ្គោះបឋមជូនដល់លោកគ្រូ អ្នកគ្រូ និងបុគ្គលិក ដោយបានលើកឡើងដូចតទៅ ៖ ជំហានដំបូង វាគ្មិនបានបង្ហាញពីការសង្កត់ទ្រូងទៅលើអ្នកជំងឺ ដោយលើកឡើងថា ការសង្កត់ទ្រូងមាន០២ចំណុច ទី១ ត្រួតពិនិត្យផ្លូវដង្ហើម ប្រសិនបើក្នុងករណីកុមារសន្លប់ ជំហានដំបូង គឺត្រូវត្រួតពិនិត្យផ្លូវដង្ហើមក្នុងមាត់ និងច្រមុះ។ ជំហានទី២ ក្នុងករណីប្រសិនមានស្ទះផ្លូវដង្ហើម ត្រូវរមៀលខ្លួនកុមារមកចំហៀង […]

សិក្ខាសាលាស្ដីពី “វិធីសាស្ត្របង្រៀនភាសាខ្មែរ ថ្នាក់ទី១ ដល់ទី៦”

កាលពីថ្ងៃទី២៩ ដល់ថ្ងៃទី៣១​ ខែសីហា ឆ្នាំ២០១៧ គណៈកម្មការសាលារៀន អន្តរទ្វីប អាមេរិកាំង បានរៀបចំសិក្ខាសាលាសី្តពី “វិធីសាស្ត្រ​បង្រៀន​ភាសាខ្មែរ ដល់​ចាង​ហ្វាង និង​លោកគ្រូ អ្នកគ្រូ​ថ្នាក់ទី១ ដល់ទី៦”  នៅ​សាល​ប្រជុំ ផល គួច នៃ​សាលា​រៀន អន្តរទ្វីប អាមេរិកាំង សាខា​ទួលគោក ក្រោម​ការ​បង្ហាញ​ដោយ​លោក យ៉ង់ កំស៊ាន អនុ​ប្រធាន​ការិយា​ល័យ​កម្មវិធី​សិក្សា​ភាសា​ខ្មែរ នៃ​នាយក​ដ្ឋាន​អភិវឌ្ឍ​កម្មវិធី​សិក្សា។ សិក្ខា​សាលានេះ​ធ្វើ​ឡើងក្នុងបំណងបណ្ដុះ​បណ្ដាល​ស្ដីពី វិធីសាស្ត្រ​បង្រៀន​ភាសាខ្មែរ ជា​រឿងចាំ​បាច់​បំផុត ដែលគ្រូ​បង្រៀន​គួរតែ​ទទួល​យក ដើម្បី​បំពេញ​បន្ថែម​នូវចន្លោះ​ខ្វះខាត​របស់ខ្លួន។លោក កំស៊ានបានលើកឡើងថា សព្វថ្ងៃ​នេះ ថ្វីត្បិត​គ្រូបង្រៀន​នៅ​តាម​បណ្ដា​សាលា​រដ្ឋ និង​សាលា​ឯកជន ខិតខំ​យក​ចិត្ត​ទុក​ដាក់​ខ្ពស់​ក្នុង​ការ​បង្រៀន​យ៉ាង​ណាក៏ដោយ តែ​ហាក់នៅ​មាន​បញ្ហា​លំបាក​មួយចំនួន​ផង​ដែរ។ បញ្ហា​លំបាក​នោះ ក៏​ព្រោះ​ថា​សិស្ស​ថ្នាក់​តូចៗ​មួយ​ចំនួន​នៅ​ខ្សោយ​ផ្នែក​អំណាន​ជាដើម​។ មាន​ន័យថា ពួកគេ​ស្ទើរ​តែគ្មាន​ម្ចាស់ការ​លើការ​អាន​ខ្លួន​ឯង រហូត​សិស្ស​មួយ​ចំនួន​ពុំ​ចាំ​ព្យញ្ជនៈ​ និង​ស្រៈ​បាន​ច្បាស់​ទេ​។ អនុ​ប្រធាន​ការិយាល័យ​កម្មវិធី​សិក្សា​រូបនោះ​សង្កត់​ធ្ងន់ថា ដើម្បី​ជាមូល​ដ្ឋានគ្រឹះ​បង្រៀន​សិស្ស​ថ្នាក់​ទី១​ ឱ្យ​មាន​ប្រសិទ្ធ​ភាព​នោះ ជា​ដំបូង​គ្រូ​ត្រូវ​អនុវត្ត​វិធី​សាស្រ្ត​១៣ ចំណុច​ជា​ចម្បង​ទៀត​ផង។លោក យ៉ង់ កំស៊ាន បញ្ជាក់​បន្ថែម​ថា ក្នុង​ចំណោម​វិធីសាស្រ្ត​ទាំង១៣ នោះ​រួមមាន​គ្រូត្រូវ​ប្រើក្ដារ​ខៀន ដែល​មាន​ក្រឡា​ទម្រង់​៣/៤ ហើយ​សិស្ស​ត្រូវ​ប្រើកា្ដរ​ឆ្នួន​ដែលមាន​ក្រឡា​ទម្រង់​៣/៤។ ក្រៅពី​នេះទៀត […]