បញ្ចូលពាក្យគន្លឹះ​​​​របស់អ្នកនៅទីនេះ

សិក្ខាសាលា

អបអរសាទរ! ទិវាជាតិប្រយុទ្ធប្រឆាំងអំពើជួញដូរមនុស្សលើកទី១១ ថ្ងៃទី១២ ខែធ្នូ ឆ្នាំ២០១៧

អបអរសាទរ! ទិវាជាតិប្រយុទ្ធប្រឆាំងអំពើជួញដូរមនុស្សលើកទី១១ ថ្ងៃទី១២ ខែធ្នូ ឆ្នាំ២០១៧

កាលពីថ្ងៃទី១២ ខែធ្នូ ឆ្នាំ២០១៧ កន្លងទៅនេះ គណៈគ្រប់គ្រងសាលារៀន អន្តរទ្វីប អាមេរិកាំង បានរៀបចំកម្មវិធីអបអរសាទរទិវាជាតិប្រយុទ្ធប្រឆាំងអំពើជួញដូរមនុស្សលើកទី១១ ជូន ដល់សិស្សានុសិស្សនៃសាលារៀន អន្តរទ្វីប អាមេរិកាំង ក្នុងគោលបំណងទប់ស្កាត់អំពើជួញដូរមនុស្ស និងអំពើធ្វើអាជីវកម្មផ្លូវភេទដើម្បីការពារសិទ្ធិ សេចក្តីថ្លៃថ្នូររបស់មនុស្ស និងបង្កើននូវសុខភាព និងសុខុមាលភាពរបស់ប្រជាពលរដ្ឋ និងរក្សាការពារ លើកកម្ពស់នូវទំនៀមទម្លាប់ប្រពៃណីដ៏ល្អរបស់ ជាតិ និងមានគោលបំណងអនុវត្តឱ្យបានសម្រេចផងដែរតាមពិធីសារអង្គការសហប្រជាជាតិស្តីពីការទប់ ស្កាត់ការបង្ក្រាប និងការផ្តន្ទាទោសការជួញដូរមនុស្ស ជាពិសេសស្រ្តី និងកុមារបន្ថែមលើអនុសញ្ញា អង្គការសហប្រជាជាតិប្រឆាំងនឹងឧក្រិដ្ឋកម្មឆ្លងដែន ឬឧបករណ៍ ឬកិច្ចព្រមព្រៀងអន្តរជាតិផ្សេងៗទៀត ទាក់ទងនឹងការជួញដូរមនុស្សដែលព្រះរាជាណាចក្រកម្ពុជា បានឱ្យសច្ចាប័ន ឬចុះហត្ថលេខា។

បទបង្ហាញស្តីអំពី ដំណើរទស្សនកិច្ចសិក្សាលើកទី១១៤ ប្រចាំសាលារៀន អន្តរទ្វីប អាមេរិកាំង

បទបង្ហាញស្តីអំពី ដំណើរទស្សនកិច្ចសិក្សាលើកទី១១៤ ប្រចាំសាលារៀន អន្តរទ្វីប អាមេរិកាំង

  កាលពីថ្ងៃទី០៨ ខែធ្នូ ឆ្នាំ២០១៧ កន្លងទៅនេះ គណៈគ្រប់គ្រងសាលារៀន អន្តរទ្វីប អាមេរិកាំង បានធ្វើបទបង្ហាញស្តីអំពី ដំណើរទស្សនកិច្ចសិក្សា ទៅកាន់សួនធម្មជាតិ EM ស្ថិតក្នុងសង្កាត់បឹងធំ ខណ្ឌពោធិសែនជ័យ រាជធានីភ្នំពេញនៅថ្ងៃសៅរ៍ ទី៣០ ខែធ្នូ ឆ្នាំ២០១៧ សម្រាប់សិស្សថ្នាក់ទី៧។ កាលធ្វើបទបង្ហាញដើម្បីឱ្យសិស្សានុសិស្សបានដឹងទីតាំងភូមិសាស្ត្រត្រូវទៅ និងកន្លែងត្រូវជួបជុំគ្នាមុន និងពេលត្រឡប់មកវិញ ត្រៀមសម្ភារត្រូវយកទៅ និងមិនគួរយកទៅ ជាពិសេសសិស្សានុសិស្សបានយល់អត្ថប្រយោជន៍របស់បន្លែធម្មជាតិមានដូចជា ទ្រឹស្តីដាំបន្លែ ការដាំបន្លែ ការប្រ​មូលផលបន្លែជាដើម។ហើយមានពេលវេលាច្បាស់លាស់ទស្សនកិច្ចសិក្សានៅក្នុងសួនធម្មជាតិ EM បន្ទាប់មកទៀតមានសកម្មភាពដូចជា មានការចែកអំណោយសប្បុរធម៌ មានការឆ្លើយសំណួរ។

ការផ្សព្វផ្សាយ ស្តីពី ការថែទាំសុខភាព ធ្វើបទបង្ហាញដោយមន្ត្រី ប.ស.ស

ការផ្សព្វផ្សាយ ស្តីពី ការថែទាំសុខភាព ធ្វើបទបង្ហាញដោយមន្ត្រី ប.ស.ស

  កាលពីថ្ងៃទី១៦ ខែវិចិ្ឆកា ឆ្នាំ២០១៧ ក្រុមហ៊ុន ម៉េងលី ជេ.​ ​គួច​ ​អេឌ្យូខេសិន​បានរៀបចំសិក្ខាសាលាផ្សព្វផ្សាយស្តីពីរបបសន្តិសុខសង្គមផ្នែកសុខភាព ឬការធានរ៉ាប់រងសុខភាពដែលធ្វើបទបង្ហាញដោយលោក ស្រ៊ុន ថុង ជាមន្ត្រីបេឡាជាតិរបបសន្តិសុខសង្គម ឬហៅកាត់ថា ប.ស.ស ទៅបុគ្គលិកម៉េងលី ជេ.​ ​គួច នៅសាលប្រជុំ សូវ ហុងគុយ អគារ លីម គីមណយនៃសាលារៀន អន្តរទ្វីប អាមេរិកាំង សាខាម៉ៅសេទុ។ ដើម្បីឱ្យបុគ្គលិកបានដឹងនៅអត្ថប្រយោជន៍ ប.ស.ស លើគម្រោងការថែទាំសុខភាព​ដោយ​ក្នុង​នោះ​តម្រូវ​ឱ្យ​និយោជិត​បង់​វិភាគ​ទាន​១,៧​ភាគរយ​ ​នៃ​ប្រាក់​ឈ្មួល​២ខែ​ ​ឬ៦​ខែ​ដំបូង​ ដើម្បី​ទទួល​បាន​ការ​ធានារ៉ាប់រង​ថែទាំ​សុខភាព​នៅ​ពេល​មាន​ជំងឺ​នានា​ ​បាន​២៤ម៉ោង​លើ២៤​ម៉ោង និងបុគ្គលិកត្រូវត្រូវ​ត្រៀម​ឯកសារ​ ដើម្បី​ចុះ​ឈ្មោះ​ទទួល​យក​សេវាធានារ៉ាប់រង​ផ្នែក​សុខភាព​នេះ​ពី ​ប.ស.ស នៅ​ថ្ងៃ​ទី​២០ធ្នូ​ខាង​មុខ​នេះ។

AIS បញ្ជូនសិស្សឱ្យចូលរួមឈ្វេងយល់ការងារសង្គមពីកម្មវិធី Social Youth Expo ២០១៧

AIS បញ្ជូនសិស្សឱ្យចូលរួមឈ្វេងយល់ការងារសង្គមពីកម្មវិធី Social Youth Expo ២០១៧

  កាលពីថ្ងៃទី២៨ ខែតុលា ឆ្នាំ២០១៧ កន្លងទៅនេះ គណៈគ្រប់គ្រងសាលារៀន អន្តរទ្វីប អាមេរិកំាងបាននាំសិស្សានុសិស្សចូលរួមឈ្វេងយល់ការងារសង្គមពីកម្មវិធី Social Youth Expo ២០១៧ ដែល​រៀប​ចំ​ឡើង​ដោយ​អង្គការ​ ​Blooming​ ​Cambodia​ នៅ​មជ្ឈ​មណ្ឌល​សហប្រតិបត្តិការ​កម្ពុជា​-កូរ៉េ។ ដើម្បីឱ្យសិស្សានុសិស្សស្វែងយល់ និងអប់រំពុទ្ធិចំណេះដឹងផ្សេងៗនៅក្នុងបរិបទខាងក្រៅ គឺសាលា​ បាន​បើក​ឱកាស​ដោយ​ជំរុញ​លើក​ទឹក​ចិត្ត​ឱ្យ​លោកគ្រូ​អ្នកគ្រូ​ដឹក​នាំ​សិស្ស​ចូលរួម​កម្មវិធី​ចំណេះដឹង​ពិសេសៗ​នៅ​ខាង​ក្រៅ​ ​ដើម្បី​ចូលរួម​ឈ្វេង​យល់​ការងារ​យុវជន​នៅ​ក្នុង​សង្គម។ ​ ​នៅ​ក្នុង​កម្មវិធី​ ​Social​ ​Youth​ ​Expo​ ​២០១៧​ ​នេះ​ ​មាន​យុវជន​គ្រប់​ស្រទាប់​មក​ពី​បណ្ដាល​អង្គការ​នានា​យ៉ាង​ច្រើន​ មក​ដាក់​តាំង​បង្ហាញ​សុទ្ធសឹង​ជា​ការងារ​យុវជន​ ​ការងារ​សង្គម​ ​ហើយ​ក្នុងនោះ​ក៏​មាន​ដែរ​ ការ​ធ្វើ​បទ​បង្ហាញ​ពី​ការងារ​សង្គម​ដល់​អ្នក​ចូលរួម​ឱ្យ​បាន​ដឹង​កាន់​តែ​ច្បាស់​ ​ពី​សំណាក់​យុវជន​តំណាង​អង្គការ​ផង​ដែរ។ គួរបញ្ជាក់ថា​ ​គោល​បំណង​កម្មវិធី​នេះ​ គឺ​រៀប​ចំ​ឡើង​ផ្តោត​ចម្បង​ទៅ​លើ​ការ​យល់​ដឹង​ពី​សារៈ​សំខាន់​ការងារ​សហគមន៍​ ​ដោយ​ផ្សារ​ភ្ជាប់​ទំនាក់ទំនង​គ្នា​ទៅវិញ​ទៅ​មក​ ​និង​ការ​ផ្លាស់ប្តូរ​បទពិសោធ​គ្នា​ដើម្បី​ចូលរួម​អភិវឌ្ឍ​សង្គម​ជាតិ៕ អត្ថបទ និងរូបភាពដកស្រង់សារព័ត៌មាន ឌិ អ៊ីនធ័រខន​ រ៉ូស្ទ័រ

សិក្ខាសាលាស្តីពីសុខភាពសាធារណៈ ជូនដល់លោកគ្រូ អ្នកគ្រូ និងបុគ្គលិក នៃវិទ្យាស្ថាន និងសាលារៀន អន្តរទ្វីប អាមេរិកាំង

កាលពីថ្ងៃទី១៣ ខែតុលា ឆ្នាំ២០១៧ កន្លងទៅនេះ គណៈគ្រប់គ្រងវិទ្យាស្ថាន និង សាលារៀន អន្ដរទ្វីប អាមេរិកាំង​ បានបើកសិក្ខាសាលា ស្ដីអំពីសុខភាពសាធារណៈ ជូនដល់លោកគ្រូ អ្នកគ្រូ និងបុគ្គលិកនៃវិទ្យាស្ថាន និងសាលារៀន អន្តរទ្វីប អាមេរិកាំង ទាំងបីសាខា ប្រមាណជា៣០០នាក់ នៅសាលប្រជុំ សូវ ហុងគុយ អគារ លីម គីមណយ នៃសាលារៀន អន្តរទ្វីប អាមេរិកាំង សាខាម៉ៅសេទុង (ការិយាល័យកណ្តាល) ដោយឧកញ៉ា វេជ្ជបណ្ឌិត គួច ម៉េងលី ស្ថាបនិក និងប្រធានវិទ្យាស្ថាន និងសាលារៀន អន្តរទ្វីប អាមេរិកាំង។ ឧកញ៉ា វេជ្ជបណ្ឌិត គួច ម៉េងលី បានមានប្រសាសន៍លើកឡើងថា បញ្ហាសុខភាពវាគឺជារឿងសំខាន់ខ្លាំងណាស់សម្រាប់មនុស្សគ្រប់គ្នា មិនថាចាស់ ក្មេង ប្រុស ឬស្រីក៏ដោយសុខភាពគឺជារឿងចាំបាច់ដែលត្រូវព្រួយបារម្ភ និងគួរយកចិត្តទុកដាក់ឱ្យបានច្រើនបំផុត ព្រោះបើកាលណាមនុស្សយើងមានសុខភាពចុះខ្សោយ និងចុះទ្រុឌទ្រោមហើយនោះ ច្បាស់ជាធ្វើឱ្យអ្វីៗលែងដំណើរការជាក់ជាមិនខាន មិនថាបញ្ហានោះធំ ឬតូចក៏ដោយច្បាស់ជាមិនបានសម្រេច […]