ការសិក្សាស្វែងយល់នៅខាងក្រៅប្រទេស | សាលារៀន អន្ដរទ្វីប អាមេរិកាំង

សាលារបស់យើងផ្តល់នូវកម្មវីធីសិក្សាចំណេះដឹងទូទៅពិសេសដោយបញ្ចូលកម្មវិធីភាសាអង់គ្លេសតាំងពីក្រោមមត្តេយ្យ និងកម្មវិធីកុំព្យូទ័រ ចាប់ពីថ្នាក់ទី២ ព្រមទាំងកម្មវិធីអប់រំ ស្រាវជ្រាវ និងកម្មវិធីសង្គមសំខាន់ៗផ្សេងៗទៀតប្រកបដោយគុណភាពជាសកល។ ហើយកម្មវិធីនេះត្រូវបានទទួលស្គាល់ និងកោតសរសើរដោយមន្ទីរ និងក្រសួងអប់រំ ព្រមទាំងស្ថាប័នល្បីៗផ្សេងៗទៀតនៅលើពិភពលោកផងដែរ។ យើងមានភាពជឿជាក់ថាកម្មវិធីនេះផ្តល់នូវចំណេះដឹងជាសកលសម្រាប់កូនៗរបស់លោកអ្នកបន្តការសិក្សារបស់ពួកគាត់នៅកន្លែងផ្សេងៗលើពិភពលោក។

ដោយយល់អំពីតម្រូវការជាសកលនៃការអប់រំរបស់ពិភពលោក យើងផ្តល់នូវចំណេះដឹងទូទៅ នៅក្នុងបរិបទអប់រំមួយប្រកបដោយគុណភាពខ្ពស់ដល់កូនៗរបស់លោកអ្នកសម្រាប់ឱ្យពួកគាត់មានភាពងាយស្រួលបន្តការសិក្សាទាំងនៅក្នុង និងនៅក្រៅប្រទេស។

កម្មវិធីសិក្សារបស់យើង

ក្រោមមតេ្តយ្យ និងមតេ្តយ្យសិក្សា

កម្មវិធីរបស់យើងផ្នែកក្រោមមត្តេយ្យ និងមត្តេយ្យសិក្សាសម្រាប់កុមារពីអាយុ២ឆ្នាំដល់៥ឆ្នាំជាកម្មវិធីសម្រាប់ បង្កើតមូលដ្ឋានគ្រឹះដែលមានសារៈសំខាន់បំផុតដល់កុមារដើម្បីត្រៀមខ្លួនសម្រាប់ការចូលសាលារៀន ការសិក្សា និងភាពជោគជ័យនៃអនាគតរបស់ពួកគាត់។ កុមារមានការអភិវឌ្ឍយ៉ាងឆាប់រហ័សទៅលើកាយសម្បទា សតិ បញ្ញា ស្មារតីការគិត សីលធម៌ និងភាសាទៅតាមបរិយាកាស និងទំនោរនៃមជ្ឈដ្ឋានសង្គម។ សាលារៀន អន្តរទ្វីប អាមេរិកាំង មានជំនាញយ៉ាងពិសេសក្នុងការបណ្តុះបណ្តាលកុមារតូចឱ្យស្របនឹងការលូតលាស់យ៉ាងរហ័សរបស់ពួកគាត់ ជាមួយនឹងលក្ខណៈពិសេសយ៉ាងសម្បូរបែបដូចខាងក្រោម៖

អានបន្ថែម

កម្មវិធីសិក្សាតាមបែបខ្មែរ-អាមេរិកាំង ដំបូងគេបង្អស់នៅក្នុងព្រះរាជាណាចក្រកម្ពុជា។
ទទួលស្គាល់ដោយក្រសួងអប់រំ យុវជន និងកីឡា។
វិធីបង្រៀនយ៉ាងសម្បូរបែប ដើម្បីជំរុញដល់ការលូតលាស់ផ្នែកសតិ បញ្ញា ស្មារតី ការគិត សីលធម៌ ភាសា និងកាយសម្បទា។
សកម្មភាពនៃការលេង ការស្តាប់ ការនិយាយ ការអាន ការសង្កេត ទំនាក់ទំនង ការតស៊ូ និងការត្រាប់តាម ដែលមានភាពស្និទ្ធស្នាល កក់ក្តៅ បរិយាកាសរីករាយ និងផាសុកភាព។
ប្អូនៗលូតលាស់ដោយមានទាំងសីលធម៌ ចំណេះទូទៅភាសាខ្មែរ និង ភាសាអង់គ្លេស។

សិក្សាលើមុខវិជ្ជា

បុរេសំណេរ ចម្រៀង គំនូរ បំណិនជីវិត រឿងនិទាន បុរេគណិត ល្បែងបុរេគណិត កសាង អប់រំកាយ ភាសាអង់គ្លេស សោតទស្សន៍ របាំ ទស្សនាសង្កេត ល្បែងបុរេសំណេរ អនាម័យខ្លួនប្រាណ អនាម័យមាត់ធ្មេញ កីឡា និងល្បែងសិក្សាកម្សាន្តសប្បាយ…។

កម្មវិធីសិក្សាបន្ថែម ឬពិសេស (Supporting Program)

ភាពយន្តអប់រំ (Educational Film)
ទស្សនកិច្ចសិក្សា (Study Tour)
បំណិនជីវិត (Soft Skills)
ហែលទឹក (Swimming)
បោះតែនតិ៍ ចាប់ពីថ្នាក់ក្រោមមតេ្តយ្យ ដល់ថ្នាក់ទី១ (Tenting from preschool to grade 1 )។

លាក់អត្ថបទ

ថ្នាក់បឋមសិក្សា

ដោយឃើញពីការវិវត្ត និងតម្រូវការចាំបាច់នៃបច្ចេកវិទ្យា និងភាសាទំនាក់ទំនងនៅក្នុងសង្គម ក៏ដូចជាពិភពលោកបច្ចុប្បន្ន កម្មវិធីផ្នែកបឋមសិក្សារបស់យើងត្រូវបានបញ្ចូលបន្ថែមលើការសិក្សាផ្នែកភាសាអង់គ្លេសតំាងពីថ្នាក់ក្រោមមត្តេយ្យ និងមត្តេយ្យសិក្សា និងថ្នាក់កុំព្យូទ័រពីថ្នាក់ទី២ដល់កូនៗ។ ទន្ទឹមនឹងនេះ កម្មវិធីទស្សនកិច្ចសិក្សា កម្មសិក្សា កីឡា គំនូរ ភ្លេង របាំ ព្រមទាំងកម្មវិធីសំខាន់ផ្សេងៗទៀតក៏ត្រូវបានដាក់បញ្ចូលផងដែរដើម្បីបណ្តុះនូវគំនិត បញ្ញា ការលូតលាស់ និងការស្រលាញ់ការសិក្សាដល់កូនៗដែលជាគុណសម្បត្តិមូលដ្ឋានគ្រឹះសម្រាប់ភាពជោគជ័យនៃការចាប់ផ្តើមជីវិតសិក្សាពេញលេញរបស់ពួកគាត់។

អានបន្ថែម

សាលារៀន អន្តរទ្វីប អាមេរិកាំង មានកម្មវិធីសិក្សាច្បាស់លាស់ គ្រប់កម្រិតសិក្សាតាមបែបខ្មែរ-អាមេរិកាំង ដំបូងគេបង្អស់នៅក្នុងព្រះរាជាណាចក្រកម្ពុជា។
ផ្តោតទៅលើការបញ្ជ្រាបនូវចំណេះដឹងមូលដ្ឋានគ្រឹះជាចម្បង និងរួមបញ្ចូលទាំងកម្មវិធីសិក្សាកុមារមេត្រី។
លោកគ្រូ អ្នកគ្រូ មានវិធីសាស្រ្តបង្រៀនល្អៗ បទពិសោធ និងឆន្ទៈ មនសិការ វិជ្ជាជីវៈខ្ពស់ មានឯកសារស្រាវជ្រាវសម្បូរបែប ព្រមទាំងមានមុខវិជ្ជាជំនាញច្បាស់លាស់ក្នុងការបង្រៀនបំណិនជីវិត។
បន្ទប់សិក្សាបំពាក់ដោយគ្រឿងបរិក្ខារទំនើបៗមានផាសុកភាពជាមួយនឹងទីធ្លាដ៏ធំទូលាយសម្រាប់សិស្សានុសិស្សលេងកម្សាន្តយ៉ាងមានសុវត្ថិភាព មានបរិយាកាសសប្បាយរីករាយក្នុងការសិក្សា។
សេវាប្រឹក្សាយោបល់យ៉ាងកក់ក្តៅ និងសេវាប្រឹក្សាពិនិត្យសុខភាព និងព្យាបាលជំងឺ។
មជ្ឈដ្ឋានសិក្សាដ៏ទំនើប និងសម្បូរបែបប្រកបដោយគុណភាពអប់រំ វិន័យ និងសេវាកម្ម។
ជំរុញឱ្យការសិក្សារបស់ប្អូនៗសិស្សានុសិស្សសម្រេចបាននូវចំណេះដឹង ចំណេះធ្វើ ការច្នៃប្រឌិតខ្ពស់ និងការរស់នៅក្នុងភាពថ្លៃថ្នូរ មានសីលធម៌ និងសុជីវធម៌។

សិក្សាលើមុខវិជ្ជា

ភាសាខ្មែរ សិក្សាសង្គម កុំព្យូទ័រ ពិសោធន៍ បណ្ណាល័យ គណិតវិទ្យា សោតទស្សន៍ ភាសាអង់គ្លេស ច្បាប់ចរាចរណ៍ វិទ្យាសាស្រ្តអនុវត្ត

កម្មវិធីសិក្សាបន្ថែម ឬពិសេស (Supporting Program)

កុំព្យូទ័រ (ចាប់ពីថ្នាក់២ឡើងទៅ)
ទស្សនកិច្ចសិក្សា (Field Trip)
កម្មសិក្សា (Study Tour)
សិក្ខារសាលាអប់រំ (Educational Seminar)
បោះតង់(ថ្នាក់ទី១) (Camping Grade 1)
កម្មវិធីសហគមន៍ (Community Outreach/Charity)

កម្មវិធីសិក្សាជម្រើសដូចជា៖ (Extra Curricular Program)

កីឡា

អប់រំកាយ បាល់ទះ វាយកូនបាល់ បាល់បោះ ការ៉ាតេ-ដូ វាយកូនឃ្លីលើតុ បាល់ទាត់ ហែលទឹក

ជំនាញបំណិនជីវិត

គេហកិច្ច សិល្បៈភ្លេង គំនូរ សិល្បៈរបាំ

សិក្សាពីថ្ងៃចន្ទ ដល់សៅរ៍៖

+ វេនព្រឹក

ម៉ោង៧:០០ ដល់ ១១:០០នាទី

+ វេនរសៀល

ម៉ោង១៣:០០ ដល់ ១៧:០០នាទី

លាក់អត្ថបទ

មធ្យមសិក្សាបឋមភូមិ

ការលូតលាស់របស់ប្អូនៗថ្នាក់អនុវិទ្យាល័យ គឺជាដំណាក់កាលមួយសំខាន់សម្រាប់ត្រៀមឱ្យប្អូនឈានទៅយុវវ័យប្រកបដោយចំណេះជំនាញ និងក្រមសីលធម៌ល្អក្នុងការរស់នៅក្នុងសង្គមដោយភាពត្រជាក់ត្រជុំ។

ដើម្បីអភិវឌ្ឍប្អូនៗក្នុងយុវភាពនេះ សាលាមានយុទ្ធវិធី និងសិល្បៈនៃការអប់រំដូចតទៅ៖

អានបន្ថែម

សាលារៀន អន្តរទ្វីប អាមេរិកាំង បានពង្រីកនូវសក្តានុភាព និងមានកិត្តិសព្ទរបស់ខ្លួនពាសពេញផ្ទៃប្រទេស តាមកម្មវិធីសិក្សាបែបខ្មែរ-អាមេរិកាំង ដំបូងគេបង្អស់នៅក្នុងព្រះរាជាណាចក្រកម្ពុជា។
ទទួលស្គាល់ជាថ្នាក់ជាតិ និងគ្រប់មជ្ឈដ្ឋានអ្នកសិក្សាអំពីគុណភាព វិន័យ និងសេវាកម្មអប់រំ ចំណេះទូទៅ។
បំពេញនូវតម្រូវការចំាបាច់ជូនសិស្សានុសិស្សគ្រប់កម្រិតសិក្សា ទាំងផ្នែកកាយសម្បទា សតិបញ្ញា ស្មារតី ការគិត សីលធម៌ និងតម្រូវការផ្នែកសុខភាពរបស់សិស្ស។
សាលារៀនបានដាក់បញ្ចូលនូវកម្មវិធីពិសេសរួមមាន ការអនុវត្តពិសោធ ទស្សនកិច្ចសិក្សា និងការស្រាវជ្រាវតាមរយៈឯកសារដ៏សម្បូរបែបគ្រប់កម្រិត និងគ្រប់ជំនាញក្នុងបណ្ណាល័យ និងតាមប្រព័ន្ធអ៊ីនធឺណេត។
សិស្សទទួលបាននូវសមត្ថភាពគ្រប់គ្រាន់ទាំងចំណេះដឹងទូទៅ ភាសាអង់គ្លេស ជំនាញកុំព្យូទ័រ និងគុណធម៌។
អប់រំឱ្យក្លាយជាកូនល្អ សិស្សល្អ មិត្តល្អ និងពលរដ្ឋល្អស្របទៅតាមចតុស្តម្ភអប់រំ គឺអប់រំឱ្យមានចំណេះដឹង ចំណេះធ្វើ សីលធម៌ល្អ និងឱ្យចេះរួមរស់នៅជាមួយគ្នាប្រកបដោយសុខដុមរមនា។

កម្មវីធីសិក្សាលើមុខវិជ្ជា៖

អក្សរសាស្ត្រខ្មែរ គីមីវិទ្យា ភូមិវិទ្យា គណិតវិទ្យា ផែនដីវិទ្យា ជីវវិទ្យា ប្រវត្តិវិទ្យា រូបវិទ្យា ភាសាអង់គ្លេស សីលធម៌-ពលរដ្ឋវិជ្ជា

កម្មវិធីសិក្សាបន្ថែម ឬពិសេស (Supporting Program)

ពិសោធន៍ (Laboratory)
ទស្សនកិច្ចសិក្សាក្នុងប្រទេស (Field Trip)
ទស្សនកិច្ចសិក្សាក្រៅប្រទេស (Oversea Study Tour)
សិក្ខាសាលាអប់រំ (សុខភាព អប់រំ វប្បធម៌ សង្គម បច្ចេកវិទ្យា…)
ជំនាញទន់ (Life skills)
ការប្រកួតផ្សេងៗ (Contests)
កម្មវិធីសហគមន៍ ( Community Program)

កម្មវិធីសិក្សាផ្នែកជំនាញ (Extra curricular Program)

កីឡា

ជំនាញបំណិនជីវិត

កុំព្យូទ័រ តន្រី្ត របាំ គេហកិច្ច

សិក្សាពីថ្ងៃចន្ទ ដល់សៅរ៍៖

+ វេនព្រឹក

ម៉ោង៧:០០ ដល់ ១១:០០នាទី

+ វេនរសៀល

ម៉ោង១៣:០០ ដល់ ១៧:០០នាទី

លាក់អត្ថបទ

មធ្យមសិក្សាទុតិយភូមិ

សាលារៀន អន្តរទ្វីប អាមេរិកាំង បានយកចិត្តទុកដាក់បំពេញនូវបេសកម្មអប់រំមួយឈរលើមាគ៌ាដ៏ត្រឹមត្រូវតាមកម្មវិធីសិក្សាសម្បូរបែប និងច្បាស់លាស់បែបខ្មែរ-អាមេរិកាំង ស្របតាមកម្មវិធីសិក្សារបស់ក្រសួងអប់រំ យុវជន និងកីឡា ប្រកបដោយគុណភាព វិន័យ និងសេវាកម្ម។ ការត្រៀមសម្រាប់សិស្សានុសិស្សថ្នាក់វិទ្យាល័យ ដើម្បីឱ្យចាប់យកនូវមហាវិទ្យាល័យប្រកបដោយភាពជោគជ័យ សាលាមានវិធីសាស្រ្តជាច្រើនដូចជា៖

អានបន្ថែម

លើកកម្ពស់ និងលើកទឹកចិត្តដល់សិស្សានុសិស្សគ្រប់កម្រិតថ្នាក់ ក្នុងការស្រាវជ្រាវតាមប្រព័ន្ធអ៊ីនធឺណេត និងតាមរយៈឯកសារដ៏ច្រើនក្នុងបណ្ណាល័យធំទូលាយ ដែលបំពាក់ដោយបច្ចេកវិទ្យា និងគ្រឿងបរិក្ខារទំនើបៗ។
បំផុសស្មារតីឱ្យសិស្សានុសិស្សចូលរួមក្នុងការប្រកួតប្រជែងស្នាដៃ និងចូលរួមសកម្មភាពសង្គមផ្សេងៗ។
សិស្សានុសិស្សទទួលបាននូវចំណេះដឹងច្បាស់លាស់ទាំងផ្នែកវិទ្យាសាស្រ្ត និងវិទ្យាសាស្រ្តសង្គមដើម្បីរៀបចំខ្លួនត្រៀមបញ្ចប់ថ្នាក់ចំណេះទូទៅ ហើយមានសមត្ថភាពគ្រប់គ្រាន់ក្នុងការបន្តឈានទៅរកជំនាញ និងឯកទេសនៅថ្នាក់ឧត្តមសិក្សាពោរពេញដោយសមត្ថភាព។
ជំរុញឱ្យសិស្សានុសិស្សមានការអភិវឌ្ឍ ដើម្បីក្លាយជាធនធានមនុស្សពោរពេញដោយសមត្ថភាពទេពកោសល្យ សីលធម៌ និងមានទំនួលខុសត្រូវខ្ពស់ក្នុងសង្គម។

កម្មវីធីសិក្សាគោល (General Program)

ភាសាខ្មែរ គីមីវិទ្យា ភូមិវិទ្យា គណិតវិទ្យា ផែនដីវិទ្យា ជីវវិទ្យា ប្រវត្តិវិទ្យា រូបវិទ្យា ភាសាអង់គ្លេស សីលធម៌-ពលរដ្ឋវិជ្ជា សេដ្ឋកិច្ច

កម្មវិធីសិក្សាបន្ថែម ឬពិសេស (Supporting Program)

ពិសោធន៍(Laboratory)
ទស្សនកិច្ចសិក្សាក្នុងប្រទេស (Field Trip)
ទស្សនកិច្ចសិក្សាក្រៅប្រទេស (Oversea Study Tour)
សិក្ខាសាលាអប់រំ (សុខភាព អប់រំ វប្បធម៌ សង្គម បច្ចេកវិទ្យា…) ជំនាញទន់
ការប្រកួតផ្សេងៗ
កម្មវិធីសហគមន៍

កម្មវិធីសិក្សាផ្នែកជំនាញ (Extra curricular Program)

កីឡា

ជំនាញបំណិនជីវិត

កុំព្យូទ័រ តន្រី្ត របាំ គេហកិច្ច

សិក្សាពីថ្ងៃចន្ទ ដល់សៅរ៍៖

+ វេនព្រឹក

ម៉ោង៧:០០ ដល់ ១១:០០នាទី

+ វេនរសៀល

ម៉ោង១៣:០០ ដល់ ១៧:០០នាទី

លាក់អត្ថបទ

កម្មវិធីសិក្សារបស់យើងទាំងអស់ខាងលើនេះ ត្រូវបានរៀបចំ និងច្នៃប្រឌិតឡើងសម្រាប់ការអប់រំទៅតាមដំណាក់កាលនៃការវិវត្តផ្នែករាងកាយ បញ្ញា ស្មារតី និងអាយុរបស់កុមារដោយផ្សារភ្ជាប់ជាមួយការអនុវត្ត និងការចូលរួមជាក់ស្តែងនៅក្នុងបរិបទសង្គម និងពិភពលោកមួយដែលមានការផ្លាស់ប្តូរ។ ម្យ៉ាងទៀតគឺជាកម្មវិធីដើម្បីឱ្យកូនៗទទួលបានលទ្ធផលចំណេះដឹង ចំណេះធ្វើ និងជំនាញទន់ជាកម្រិតសកលសម្រាប់ត្រៀមខ្លួនក្លាយធនធានប្រកបដោយសក្តានុពល និងប្រសិទ្ធភាពសម្រាប់សង្គម និងពិភពលោក។