ការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច

​សាលារៀន​ អន្តរទ្វីប​ អាមេរិកាំង​ មានកម្មវិធីប្រកួតប្រជែងយ៉ាងសម្បូរបែប ជាក់ស្តែងកាលពីថ្ងៃទី១០ ខែមិថុនា ឆ្នាំ២០២២ កន្លងទៅនេះ គណៈកម្មការសាលា នៃសាលារៀន​ អន្តរទ្វីប​ អាមេរិកាំង បានរៀបចំការប្រកួតចំណេះដឹងវប្បធម៌-អរិយធម៌ខ្មែរ ម៉េងលី ជេ. គួច លើកទី៨ វគ្គជម្រុះជុំទី១ និងទី២  នៅតាមសាខារៀងៗខ្លួន ដើម្បីជ្រើសរើសបេក្ខជនជើងក្លាំងនៅតាមសាខារបស់ខ្លួនយកមកប្រកួតវគ្គផ្តាច់ព្រ័ត្ររើសយកបេក្ខជនលេខ១ លេខ២ និងលេខ៣ ប្រចាំឆ្នំាសិក្សា២០២១-២០២២។ កម្មវិធីនេះ ជំរុញ​ លើកទឹកចិត្ត​ឱ្យ​សិស្សានុសិស្ស​ មានចិត្ត​ស្រឡាញ់​ ចូលចិត្ត​អាន​ មាន​ភាព​រហ័សរហួន​ មានគំនិត​ទូលំទូលាយ​ក្នុង​ការ​គិត​ ពិចារណា​បាន​ល្អិតល្អន់​ ​ច្នៃប្រឌិត​ និង​បណ្តុះ​គំនិត​ស្រឡាញ់​ នូង​អ្វី​ដែល​ជា​របស់​ខ្មែរ​ ចំពោះ សិស្សានុសិស្ស​ កាន់តែ​មានចំណេះ​ដឹង​ទូលំទូលាយ​ ពី​វប្បធម៌​ អរិយធម៌​ខ្មែរ​ ព្រោះ​តាមរយៈ​កម្មវិធី​នេះ​ មានមុខ​វិជ្ជា​ប្រវត្តិវិទ្យា​ និង​​សីល​ធម៌​ ពលរដ្ឋ​វិជ្ជា​។ បេក្ខជន​ដែល​ជាប់​ជ័យលាភី​ចំណាត់ថ្នាក់​លេខ១​ នឹង​ទទួល​បាន​ពាន​ មេដាយមាស​ បណ្ណ​សរសើរ​ អាហារូបករណ៍១០០​% និង​រង្វាន់​ផ្សេង​ៗទៀត​។ ជ័យលាភី​លេខ២​ នឹង​ទទួល​បាន​មេដាយ​ប្រាក់​ បណ្ណ​សរសើរ​ អាហារូបករណ៍៧៥​% និង​រង្វាន់​ផ្សេង​ៗមួយចំនួន​ទៀត​ និងជ័យលាភី​លេខ៣​ នឹង​ទទួល​បាន​មេដាយ​សំរិទ្ធ​ បណ្ណ​សរសើរ​ អាហារូបករណ៍៥​0% និង​រង្វាន់​លើកទឹកចិត្ត​មួយចំនួន​ទៀត​។ ការប្រកួតបានរកឃើញបេក្ខជនវៃឆ្លាត ជាងគេដែលត្រូវចូលរួមក្នុងវគ្គផ្តាច់ព្រ័ត្រការប្រកួតចំណេះដឹងនេះនៅសាខាផ្សារថ្មី នៅថ្ងៃទី២១ ខែមិថុនា ឆ្នាំ២០២២ ខាងមុខនេះ។