បទបង្ហាញស្តីអំពី ដំណើរទស្សនកិច្ចសិក្សាទៅកាន់ខេត្តសៀមរាប

កាលពីថ្ងៃទី១៩ ខែមេសា ឆ្នាំ២០២៣ កន្លងទៅនេះ គណៈកម្មការសាលារៀន​ អន្តរទ្វីប​ អាមេរិកាំងសាខាចាក់អង្រែ បានធ្វើបទបង្ហាញអំពី ដំណើរទស្សនកិច្ចសិក្សាលើកទី១៥៨ សម្រាប់សិស្សថ្នាក់ទី១២ ទៅកាន់ខេត្តសៀមរាប។​ ការធ្វើបទបង្ហាញនេះដើម្បីឱ្យសិស្សានុសិស្សទទួលបានព័ត៌មាន កម្មវិធីលម្អិតអំពីទស្សនកិច្ចសិក្សា និងតំបន់មួយចំនួនដែលត្រូវធ្វើទស្សនកិច្ចសិក្សាដែលមានចំនួនបួនថ្ងៃ ​ចាប់​​ពី​ថ្ងៃទី​២៤ដល់២៧ ខែឧសភា​ ​​ ឆ្នាំ​​២០២៣ ខាងមុខនេះហើយ។ ដំណើរ​ទស្សនកិច្ចនេះធ្វើ​ឡើង​ ក្នុង​បំណង​​​រឹត​ចំណង​​មិត្ត​ភាព សាមគ្គី​ភាព ​កម្សាន្ត​ និងដើម្បី​ឱ្យ​សិស្ស​នុសិស្ស​របស់​សាលា​រៀន​ អន្តរទ្វីប​ អាមេរិកាំង​ ​​​​​​​បាន​ទស្សនា​​​រម​​ណីយ​ដ្ឋាន​ ​​សិក្សា​ពី​តំបន់​ទេសចរណ៍​ប្រវត្តិ​​សាស្រ្ត វប្បធម៌​ដ៏​ល្បី​ល្បាញ​​នៃព្រះ​រាជា​ណាចក្រ​កម្ពុជា​ ឈ្វេង​យល់​ពី​សិលា​ចរិក ​​​​​​​ប្រាសាទ​បុរាណ​នានា​ ស្ថាន​ភាព​ភូមិ​សាស្រ្ត​ និងសណ្ឋានដី ហើយលើសពីនេះគឺ​ឆ្លុះ​បញ្ចាំង​ពី​ខ្លឹមសារ​​មេរៀន ​និង​ទទួល​បាន​ចំណេះ​ដឹង​ថ្មីៗ​បន្ថែម​ មុន​ពេល​ពួកគេ​ប្រឡង​បញ្ចប់​ថ្នាក់​មធ្យម​សិក្សា​ទុតិយភូមិ​។