ពិធីបិទការប្រកួតកីឡាបុគ្គលិក ជ្រើសរើសជើងឯកពានរង្វាន់ ម៉េងលី ជេ. គួច ជំនាន់ទី១0 ប្រចាំឆ្នាំ២០១៧ នៃវិទ្យាស្ថាន និងសាលារៀន អន្ដរទ្វីប អាមេរិកាំង

កាលពីថ្ងៃទី១៧ ខែធ្នូ ឆ្នាំ២០១៧ កន្លងទៅនេះ គណៈគ្រប់គ្រងវិទ្យាស្ថាន និងសាលារៀន អន្តរទ្វីប អាមេរិកាំង បានរៀបចំពិធីបិទការប្រកួតកីឡាបុគ្គលិកជ្រើសរើសជើងឯកពានរង្វាន់ ម៉េងលី ជេ. គួច ជំនាន់ទី១០ ប្រចាំឆ្នាំ២០១៧ នៃវិទ្យាស្ថាន និងសាលារៀន អន្តរទ្វីប អាមេរិកាំង ដែលមានការចូលរួមពីសំណាក់លោកគ្រូ អ្នកគ្រូ និងបុគ្គលិកដែលជាកីឡាករ កីឡាការីនី នៅក្លិប ដោន ថោន រាជធានីភ្នំពេញ។លោកស្រី រស់ យ៉ាណា បានថ្លែងក្នុងពិធីបិទការប្រកួតនាឱកាសនោះថា វិទ្យាស្ថាន និងសាលារៀន សូមការកោតសរសើរ និងសូមអបអរសាទរចំពោះ​កីឡា​​​ករ និងកីឡាការិនីដ៏ច្រើនកុះករ ដែលបានធ្វើការប្រកួតប្រជែងយ៉ាង​ស្វិត​ស្វាញជាច្រើន​សប្តាហ៍​កន្លងមក រហូត​ទទួល​បាន​លទ្ធផល​ដ៏​ប្រសើរប្រកបដោយ​ភាព​ស្និទស្នាល សាមគ្គីភាព សេចក្តីថ្លៃថ្នូរ និងភាតរភាព​ក្នុង​ពេល​ប្រកួត​។ ឆ្លើយ​តប​ទៅ​នឹង​​សមិទ្ធ​ផល​​នេះ គណៈគ្រប់គ្រងវិទ្យាស្ថាន និងសាលារៀន​បាន​​​ប្រគល់​​រង្វាន់ដល់បេក្ខជន និងបេក្ខនារីជ័យលាភី និងក្រុមកីឡាដែលលេង Fair Play បានល្អជាងគេផងដែរ។