ពិធីបុណ្យទន្លេលើកទី៤ នៅក្រុងតាខ្មៅ ខេត្តកណ្តាល

ពិធីបុណ្យទន្លេលើកទី៤ ឆ្នាំនេះ ធ្វើឡើងក្រោមប្រធានបទ «ទន្លេសន្តិភាព មិត្តភាព និងនិរន្តរភាពទេសចរណ៍» នៅក្រុងតាខ្មៅ ដែលធ្វើឡើងក្រោមអធិបតីភាពនាយករដ្ឋមន្ត្រីនៃកម្ពុជា ចំនួន៣ថ្ងៃ ចាប់ពីថ្ងៃទី៩ មីនា ដល់ ថ្ងៃទី១១ មីនា ឆ្នាំ២០១៨។ ការរៀបចំព្រឹត្តិការណ៍បុណ្យទន្លេមុនគេលើកទី១ គឺបានធ្វើឡើងនៅខេត្តក្រចេះកាលពីឆ្នាំ ២០១៥ លើកទី២ បានធ្វើឡើង នៅខេត្តកំពង់ចាម កាលពីឆ្នាំ២០១៦ លើកទី៣ បានធ្វើឡើងនៅខេត្តស្ទឹងត្រែង កាលពីឆ្នាំ២០១៧ និងលើកទី៤នេះ គឺដល់វេនខេត្តកណ្តាលតែម្តង។ ប្រមុខ​រាជ​រដ្ឋា​ភិបាល​បាន​បញ្ជាក់​ថា​ ការ​បង្កើត​ព្រឹត្តិការណ៍​បុណ្យ​ទន្លេ​ឡើង​ ក្នុង​គោល​បំណង​ទាក់​ទាញ​នូវ​ចំណាប់​អារម្មណ៍​លើ​ទំនៀម​ទម្លាប់​ប្រពៃណី​វប្បធម៌​របស់ខ្មែរ​ ព្រម​ទាំង​ដឹង​គុណ​ដល់​ព្រះម៉ែ​គង្គារ​ ដែល​បាន​នាំ​​មក​នូវ​ការ​រស់​នៅរបស់ប្រជារាស្ត្រ។ រដ្ឋាភិបាល​សង្ឃឹម​ថា ប្រជាពលរដ្ឋដែល​ចូល​រួម​កម្ម​វិធី​នេះ ​នឹង​រួម​គ្នា​ថែរក្សា​បរិស្ថាន​អនាម័យ​ឱ្យ​បាន​ល្អ​។ ខាងក្រោមនេះ គឺជាកម្រងរូបភាព៖ សាសារៀន អន្តរទ្វីប អាមេរិកាំង និងមជ្ឈមណ្ឌលភាសា អេ អាយ អាយ ចូលរួមក្នុងពិធីបុណ្យទន្លេ ដែលប្រារព្ធធ្វើឡើងនៅ ក្រុងតាខ្មៅ ខេត្កកណ្តាល ដើម្បីអបអរសារទរ ព្រមទាំងផ្តល់ព័ត៌មាន  ដល់សិស្សានុសិស្ស និងសាធារណជននៅក្នុងពិធីបុណ្យទន្លេនេះ៕ អត្ថបទដកស្រង់ពីអ៊ីនធ័រខន រ៉ូស្ទ័រ