មន្ទី​អប់រំ​ យុវជន​ និងកីឡា​ ចុះ​អធិការកិច្ច​ សាលារៀន​ អន្តរទ្វីប​ អាមេរិកាំង​ សាខា​ជ្រោយ​ចង្វា​រ

កាលពី​ថ្ងៃទី​១៣​ ខែធ្នូ​ ឆ្នាំ២០១៩​ កន្លងទៅ​នេះ​ សាលារៀន​ អន្តរទ្វីប​ អាមេរិកាំង​ សាខា​ជ្រោយ​ចង្វា​រ ត្រូវ​បាន​មន្ទី​អប់រំ​ យុវជន​ និងកីឡា​ ចុះ​ធិការ​កិច្ច​។ គណៈប្រតិភូ​អធិការកិច្ច​ នៃ​មន្ទីរអប់រំ​ យុវជន​ និងកីឡា​ រាជធានី​ភ្នំពេញ​ ដឹកនាំ​ដោយ​លោក​ ព្រាប​ កុម្ភៈ​ ប្រធាន​ការិយាល័យ​បឋមសិក្សា​ ព្រមទាំង​ក្រុមការងារ​អធិការកិច្ច​ ចុះ​ពិនិត្យ​ វាយតម្លៃ​ និង​ប្រជុំ​បូកសរុប​លទ្ធផល​នោះ​ សាលារៀន​ អន្តរទ្វីប​ អាមេរិកាំង​ សាខា​ជ្រោយចង្វារ​ ត្រូវ​បាន​ប្រតិភូ​អធិការកិច្ច​កោតសរសើរ​ទៅលើ​ការគ្រប់គ្រង​ ហេដ្ឋារចនាសម្ពន្ធ​ រដ្ឋបាល​ បរិស្ថាន​ បណ្ណាល័យ​ បច្ចេកទេស​រៀន​ និង​បង្រៀន​ គឺ​មាន​ភាពល្អ​ប្រសើរ​ច្រើន​ ព្រោះ​ត្រូវ​នឹង​អ្វី​ដែល​ក្រសួង​អប់រំ​ យុវជន​ និងកីឡា​ បាន​ណែនាំ​ និង​ចង់បាន​កន្លងមក​។ ទោះ​យ៉ាងណា​ សាលារៀន​ អន្តរទ្វីប​ អាមេរិកាំង​ សាខា​ជ្រោយ​ចង្វា​រ នៅ​មាន​ចំណុច​អវិជ្ជមាន​មួយចំនួន​ផង​ដែរ​ ដែល​គណៈ​គ្រប់គ្រង​សាលា​ត្រូវ​កែ​លម្អ​បន្ថែម​ ដើម្បី​ឱ្យ​គ្រឹះស្ថាន​អប់រំ​នេះ​ កាន់តែ​ប្រសើរ​ និង​សមស្រប​ទៅ​នឹង​ស្ដ​ង់​ដារ​ជាតិ​ និង​អន្តរជាតិ​។

សកម្មភាពចុះអធិការកិច្ច