សាលារៀន​ អន្តរទ្វីប​ អាមេរិកាំង​ បាន​ចុះ​កិច្ច​ MOU​ ជាមួយ​…

កាលពីថ្ងៃទី០៦ ខែមិថុនា ឆ្នាំ២០១៩ កន្លងទៅនេះ សាលារៀន​ អន្តរទ្វីប​ អាមេរិកាំង បានចុះអនុស្សរណៈ (MOU) ជាមួយនឹង International Abacus Mental Arithmetic (I.A.M.A) ។ កម្មវិធីសិក្សាគណនាលេខរហ័ស (I.A.M.A) នេះជាមុខវិជ្ជាជំនាញមួយសម្រាប់ថ្នាក់បឋមសិក្សាពីព្រោះវាជួយអភិវឌ្ឍគណិតវិទ្យាទៅលើកុមារឱ្យមានការគិត និងការគណនាលេខបានលឿនដោយប្រើប្រាស់គ្រាប់ Bead នៅលើឧបករណ៍អាបេគើស។ ម៉្យាងទៀតកម្មវិធីនេះ​មានកម្ម​វិធី​ប្រកួតប្រជែង​ផ្នែក​គណិតវិទ្យា​ទាំង​ថ្នាក់​ជាតិ​ និង​អន្តរជាតិ​ផង​ដែរ​។ កម្មវិធី​គិតលេខ​បាន​រហ័ស​នេះ​ ជាមុ​ខវិជ្ជា​ជម្រើស​មួយ​បញ្ចូល​សម្រាប់​សិស្ស​សិក្សា​នៅ​ថ្ងៃសៅរ៍​ ដើម្បី​អភិវឌ្ឍ​សមត្ថភាព​ និង​ខួរក្បាល​កុមារ​ឱ្យ​កាន់តែ​ប្រសើរ​ រហ័សរហួន​ ឈ្លាសវៃ​ក្នុង​គិត​ ឆាប់​ចេះ​ និង​ឆាប់​ចងចាំ​បាន​យ៉ាង​ប្រសើរ​ នៅឆ្នាំសិក្សាថ្មីនេះហើយ។