សិស្សថ្នាក់ទី១២ពិសោធការវះកាត់គ្រាប់ភ្នែកគោ

កាលពីថ្ងៃទី២០ ខែកុម្ភៈ ឆ្នាំ២០១៨ កន្លងទៅនេះ អ្នកគ្រូ ម៉ែន ភក្តី បានដឹកនាំសិស្សថ្នាក់ទី១២ នៃសាលារៀន អន្តរទ្វីប អាមេរិកាំង ទៅធ្វើពិសោធនអំពី ការវះកាត់គ្រាប់ភ្នែកគោ នៅក្នុងបន្ទប់ពីសោធ។ អ្នកគ្រូបានបង្ហាញការវះកាត់គ្រាប់ភ្នែកគោជាក់ស្តែងដើម្បីឱ្យសិស្សានុសិស្សកាន់​តែ​ងាយយល់ដោយផ្អែកទៅលើផ្នែកទ្រឹស្តី និងការអនុវត្តជាក់ស្តែងជាកក្តតាជួយជំរុញឱ្យសិស្សចង់រៀន និងចងចំាមេរៀន។ ជាក់ស្តែងមុខវិជ្ជាជីវវិទ្យាជាផ្នែកវិទ្យាសាស្រ្តដែលទាមទាឱ្យសិស្សមានការពិសោធន៍ដើម្បីស្វែងយល់ទៅតាមដំណាក់កាលមេរៀនក្នុងការស្រាវជ្រាវក្នុងពេលធ្វើការ​វះកាត់​គ្រាប់ភ្នែកគោ​ជាក់ស្តែង ដើម្បី​សិក្សា​ឱ្យដឹង​ច្បាស់ពី​ទម្រង់​គ្រាប់ភ្នែក​ ភ្នាស​គ្រាប់​ភ្នែក ក្លេរ៉ូទិច ក្លូរ៉ូអ៊ីត អង្គស៊ីលីយែ ប្រស្រីភ្នែក រេទីន កែវភ្នែក សិរីរាង្គការពារ សិរីរាង្គចលករ និង​តួនាទី​របស់​ភ្នែក​ជាដើម។