សិស្សថ្នាក់ទី៥ ទៅទស្សនកិច្ចសិក្សាព្រះបរមរាជវាំង

កាលពីថ្ងៃទី២២ ខែមិថុនា ឆ្នាំ២០១៧ កន្លងទៅនេះ គណៈគ្រប់គ្រង និងអ្នកគ្រូ លោកគ្រូនៃសាលារៀន អន្តរទ្វីប អាមេរិកាំង បានដឹកនាំសិស្សថ្នាក់ទី៥ ទាំង៣សាខាទៅទស្សនកិច្ចសិក្សាព្រះបរមរាជវាំងចតុមុខមង្គល។ ទស្សនកិច្ចសិក្សាសម្រាប់ឱ្យសិស្សានុសិស្សសិក្សាស្វែងយល់អំពីទីតាំងរាជធានីខ្មែរ និងឈ្មោះរាជធានីខ្មែរ ដែលបានផ្លាស់ប្ដូរជាបន្តបន្ទាប់តាំងពីសម័យបុរាណរៀងមក និងស្គាល់ព្រះរាជដំណាក់ព្រះមហាក្សត្រខ្មែរ និងព្រះរាជញាតិវង្សគង់ប្រថាប់ឱ្យកាន់តែច្បាស់ ឈ្មោះប្រាសាទនានា ដែលមាននៅក្នុងព្រះបរមរាជវាំង និងស្គាល់ព្រះនាមព្រះមហាក្សត្រខ្មែរតាមសម័យកាលនីមួយៗ សិក្សាពីវត្ថុមានតម្លៃ និងសម្បត្តិបេតិកភណ្ឌរបស់ប្រទេសជាតិ ដែលមានអាយុកាលរាប់រយឆ្នាំមកហើយ ព្រមទាំងបានស្គាល់នូវមណ្ឌលវប្បធម៌ជាតិ ដែលជាតំណាងរបស់ជាតិទាំងមូល យល់ដឹងពីរឿងរ៉ាវ និងព្រឹត្តិការណ៍មួយចំនួនស្ដីពីប្រវត្តិសាស្រ្តប្រទេសកម្ពុជា និងពង្សសាវតារកម្ពុជាកាន់តែច្បាស់ ពីសិល្បៈ ប្រវត្តិសាស្រ្ត សាសនា និងវប្បធម៌ប្រពៃណីខ្មែរ ផ្សារភ្ជាប់ទៅនឹងស្ថាបត្យកម្មដ៏ល្អវិចិត្រនៃព្រះបរមរាជវាំង ហើយចុងក្រោយគឺដើម្បីរឹតចំណងមិត្តភាព សាមគ្គីភាព ក៏ដូចជាបង្កើនភាពក្លាហានដល់សិស្សានុសិស្ស ពិសេសនោះចង់ឱ្យសិស្សមានម្ចាស់ការ ឯករាជ្យភាព និងមានទំនាក់ទំនងល្អជាមួយមហាជនខាងក្រៅផងដែរ។