សិស្សធ្វើពិសោធន៍លើប្រធានបទស្តីពី អូស្មួស

កាលពីថ្ងៃទី0៦ ខែកុម្ភៈ ឆ្នាំ២០២៣ កន្លងទៅនេះ អ្នកគ្រូ វ៉ែន សិទ្ធិដា បានបង្រៀនលើ​មុខវិជ្ជាជីវវិទ្យាលើប្រធានបទស្តីពី “អូស្មូស” ជូនដល់សិស្សានុសិស្សថ្នាក់ទី៨ នៃអគារ​សាលារៀន អន្តរទ្វីប អាមេរិកាំង ការិយាល័យកណ្តាល។

នៅក្នុងការបង្រៀននោះ អ្នកគ្រូ  បានច្បិចយកពីចំណុចសំខាន់ៗនៃខ្លឹមសារ​មេរៀន​មក​​បង្ហាញ​ជូនសិស្សានុសិស្សឱ្យបានដឹងពីអូស្មូស ដើម្បីបានជាវត្ថុបំណង​នៃ​មេរៀន។ ទន្ទឹមនឹងនេះ អ្នកគ្រូក៏បានបែងចែកសិស្សានុសិស្សជាក្រុមដែលមានសមាជិកពី០៤ ទៅ​០៥នាក់ ដើម្បីធ្វើការពិសោធដោយផ្ទាល់ទៅលើទឹកធម្មតា ទឹកអំបិល និងទឹកល័ក្ខ ដើម្បីផ្សារភ្ជាប់​នឹង​ទ្រឹស្ដីមេរៀន ដែលប្អូនៗសិស្សានុសិស្សកំពុងសិក្សា ដើម្បីឱ្យគាត់ងាយចាប់បាននៃខ្លឹមសារ​មេរៀន​​ផ្សារភ្ជាប់នឹងការអនុវត្តក្នុងបន្ទប់ពិសោធផងដែរ។សិស្សានុសិស្សបានយល់ច្បាស់ពីការពិសោធមេរៀនអូស្មូស ហើយការ​ពិសោធបានចេញជាលទ្ធផលដូចទៅនឹងទ្រឹស្តីមេរៀន ដែលធ្វើឱ្យសិស្សានុសិស្សមានភាពរីករាយ​ដែលបានសិក្សាពិសោធន៍ដោយផ្ទាល់ជាមួយអ្នកគ្រូ និងមិត្តភក្តិរួមថ្នាក់របស់គាត់ លើមេរៀន​មួយ​នេះ។