សិស្ស​ថ្នាក់​ទី១២​ ធ្វើ​ពិសោធ​ញែក​ម៉ាក្រូ​ម៉ូលេគុល​ ADN​

កាលពីថ្ងៃទី០៤ ខែមេសា ឆ្នាំ២០១៩ កន្លងទៅនេះ អ្នកគ្រូ​បង្រៀនមុខវិជ្ជា ជីវវិទ្យា នៃសាលារៀន អន្តរទ្វីប អាមេរិកំាង បាននំសិស្សានុសិស្សថ្នាក់ទី១២ ធ្វើពិសោធស្តីពី ការញែកម៉ាក្រូលេគុល AND ហើយម៉ូលេគុល ADN ដែលអ្នក​គ្រូ​លើក​យក​មក​បង្ហាញ​​សិស្សានុសិស្ស​ មាននៅ​ក្នុង​ផ្លែចេក ផ្លែស្តរប៊ឺរី និង​ផ្លែ​ប៉េង​ប៉ោះ សម្រាប់​យក​មក​ធ្វើ​ពិសោធ។ អ្នកគ្រូបានច្បិចយកពីចំណុចសំខាន់ៗនៃខ្លឹមសារ​មេរៀន​មក​​បង្ហាញ​ជូនសិស្សានុសិស្សឱ្យបានដឹងការញែកម៉ាក្រូលេគុល AND តាម​រយៈ​ការ​ពិសោធ សិស្ស​អាច​នឹង​ទទួល​បាន​នូវ​ចំណេះ​ដឹង​បន្ថែម បន្ទាប់​ពី​ឆ្លង​កាត់​ធ្វើ​ពិសោធ​ដោយ​ផ្ទាល់។ ជាពិសេស​ ដើម្បី​ជំរុញ​ឱ្យ​ការ​សិក្សា​របស់​សិស្ស​ទទួល​បាន​នូវ​ផ្លែផ្កា និង​ប្រសិទ្ធភាព​ខ្ពស់ តាម​រយៈ​ការ​សិក្សា​ផ្សារភ្ជាប់​និង​ការ​អនុវត្ត​ជាក់​ស្តែង។ ទន្ទឹមនឹងនេះ អ្នកគ្រូក៏បានបែងចែកសិស្សានុសិស្សជាក្រុមដែលមានសមាជិកពី០៤ ទៅ​០៥នាក់ ដើម្បីធ្វើការពិសោធដោយផ្ទាល់ ហើយការ​ពិសោធបានចេញជាលទ្ធផលដូចទៅនឹងទ្រឹស្តីមេរៀន ដែលធ្វើឱ្យសិស្សានុសិស្សមានភាពរីករាយ​ដែលបានសិក្សាពិសោធន៍ដោយផ្ទាល់ជាមួយអ្នកគ្រូ និងមិត្តភក្តិរួមថ្នាក់របស់គាត់ លើមេរៀន​មួយ​នេះ។ ការពិសោធបានប្រព្រឹត្តទៅតាមការរំពឹងទុក និងអ្នកគ្រូបានសម្រេចនូវវត្ថុបំណង​មេរៀន ដោយសិស្សានុសិស្សទទួលបាននូវ​ចំណឹង ចំណេះធ្វើ និងបានជ្រួតជ្រាបកាន់តែច្បាស់ថែម​ទៀត​​​លើ​ការ​បង្រៀនក្នុងថា្នក់។

រូបភាពសិស្សធ្វើពិសោធមានច្រើនទៀត!