សិស្ស​ហ្វឹកហាត់​ជំនាញ​ល្បុក្កតោ​

សាលារៀន​ អន្តរទ្វីប​ អាមេរិកាំង​ មានកម្ម​វិធី​សិក្សា​ជំនាញ​ថ្ងៃសៅរ៍​យ៉ាង​សប្បូ​របែ​បមា​នដូច​ជា​ ​អប់រំកាយ​ បាល់បោះ​ បាល់ទាត់​ បាល់ទះ​ ការ៉ាតេ​-ដូ​ ហែលទឹក​ វាយ​កូន​បាល់​ វាយ​កូនឃ្លី​លើ​តុ​ ​ តន្ត្រី​ គេហកិច្ច​ របាំ​ កុំព្យូទ័រ​ និង​ល្បុក្កតោ​ ជំ​នាញ​ទំាង​អស់នេះ​ជា​ជម្រើស​របស់​សិស្ស​ដែល​ចង់​រៀន​។ ថ្ងៃទី៣០​ ខែវិច្ឆិកា​ ឆ្នាំ២០១៩​ កន្លងទៅ​ សាលារៀន​ អន្តរទ្វីប​ អាមេរិកាំង​ បង្ហាញ​សកម្មភាព​ហ្វឹកហាត់​ជំនាញ​ល្បុក្កតោ​ សម្រាប់​ សិស្សានុសិស្ស​មធ្យមសិក្សា​ បឋមភូមិ​ និង​មធ្យមសិក្សា​ ទុតិយភូមិ​។ ការហាត់​ក្បាច់ល្បុក្កតោ​មាន​អត្ថ​ប្រយោជន៍​ជាច្រើន​សម្រាប់​រាងកាយ​ និង​ស្មារតី​ ហើយក៏​ជា​សិល្បៈ​តស៊ូ​មួយ​ដែល​អាចយ​កម​កប្រើប្រាស់​ការពារ​ខ្លួន​ផង​ដែរ​។ ម្យ៉ាងទៀត​អ្នក​ហាត់​ក្បាច់ល្បុក្កតោ​នឹង​ទទួល​បាន​ភាព​រហ័សរហួន​គ្រប់​សារពាង្គកាយ​ មិនថា​ដៃ​ ជើង​ ភ្នែក​ និង​ចិត្ដ​គំនិត​នោះ​ទេ​ព្រោះថា​គ្រប់​ចលនា​នៃ​ក្បាច់​នេះ​សុទ្ធសឹង​បង្ហាញ​នៃ​ភាព​រឹងប៉ឹង​ និង​ទន់ភ្លន់​ដែល​តម្រូវ​ឱ្យ​រាងកាយ​ធ្វើ​ចលនា​ព្រមគ្នា​តែម្តង​។