អត្ថប្រយោជន៍នៃដំណើរកម្សាន្តជាមួយក្រុមការងារ

អត្ថបទព័ត៌មានស្តីពីដំណើរកម្សាន្ត
ក្រោមប្រធានបទ៖ “អត្ថប្រយោជន៍នៃដំណើរកម្សាន្តជាមួយក្រុមការងារ”
អត្ថបទដកស្រង់ដោយ : ខាត់ សុធា
#MJQE #AmericanInterconSchool

ជារៀងរាល់ឆ្នាំសាលារៀន អន្តរទ្វីប អាមេរិកាំង តែងតែមានដំណើរកម្សាន្តប្រចាំឆ្នាំសម្រាប់បុគ្គលិក។ ឆ្នាំនេះក៍មិនខុសពីឆ្នាំមុនៗដែរ សាលារៀនបានរៀបចំផែនការ និងរៀបចំដំណើរកម្សាន្តមួយទៅកាន់ភ្នំ១៥០០ ស្ថិតនៅស្រុកវាលវែង ខេត្តពោធិ៍សាត់ នាពេលឆាប់ៗនេះ។ ការជ្រើសរើសទីតាំងដើម្បីដំណើរកម្សាន្តគឺបានធ្វើឡើងដោយការស្ទង់មតិរបស់បុគ្គលិក បន្ទាប់មកគណៈកម្មការនឹងសម្រេចតាមមតិភាគច្រើន។ ដំណើរកម្សាន្តមានរយៈពេល១យប់២ថ្ងៃ ហើយមានគណៈកម្មការទូទៅជាអ្នករៀបចំទាំង ស្រុង។ បុគ្គលិកដែលបានចុះឈ្មោះចូលរួមទាំងអស់មានអារម្មណ៍សប្បាយរីករាយ និងរំពឹងចាំថ្ងៃដំណើរកម្សាន្តមកដល់ ដោយសារភ្នំ១៥០០ ជាកន្លែងដែលគាត់ប្រាថ្នាចង់ទៅកម្សាន្ត។ ភ្នំ១៥០០ គឺបង្ហាញសម្រស់នៅលើផ្លូវជាតិលេខ៥៥ ក្នុងស្រុកវាលវែង ខេត្តពោធិ៍សាត់ ដែលមានសម្រស់ស្រស់ត្រកាល ត្រូវបានសម្ពោធដាក់ឱ្យប្រើប្រាស់កាលពីថ្ងៃទី០៩ ខែមីនា ឆ្នាំ២០២០ ដែលបង្កលក្ខណៈល្អប្រសើរក្នុងការផ្តិតយករូបភាពស្អាតៗដែលមិនអាចបំភ្លេចបាន។ មិនតែប៉ុណ្ណោះ នៅស្រុកវាលវែងក៏មានទឹកជ្រោះថ្មដាតូច ដែលមានទឹកជ្រោះដ៏ត្រជាក់ អមជាមួយធម្មជាតិខៀវខ្ចីនៅសងខាងទឹកជ្រោះផង ដែរ។ កន្លែងស្នាក់នៅស្ថិតនៅជំរាលភ្នំ និងជើងភ្នំដែលមានបរិយាកាសល្អដែលធ្វើឱ្យយើងបាត់អស់កង្វល់ទាំងឡាយ និងមានអារម្មណ៍ស្រស់ស្រាយជាមួយធម្មជាតិនៅជុំវិញខ្លួនយើង។ បន្ថែមពីនេះទៀតយើងគួរតែយល់ដឹងពីអត្ថប្រយោជន៍មួយចំនួននៃដំណើរកម្សាន្តជាមួយក្រុមការងារដូចខាងក្រោម៖

១. បង្កើនទំនាក់ទំនងកាន់តែរឹងមាំ :
ដំណើរកម្សាន្តជួយនាំក្រុមមកជួបជុំគ្នាក្នុងសង្គម និងផ្តល់ពេលវេលាដល់បុគ្គលម្នាក់ៗដើម្បីធ្វើឱ្យទំនាក់ទំនងជាមួយមិត្តរួមការងាររបស់ពួកគេឱ្យនៅឆ្ងាយពីការងារដែលរវល់។ ទំនាក់ទំនងកាន់តែរឹងមាំត្រូវបានផ្តល់ឱកាសឱ្យអភិវឌ្ឍតាមរបៀបធម្មជាតិ។

២. ការលើកទឹកចិត្តបុគ្គលិក :
ការលើកទឹកចិត្តបុគ្គលិកគឺជាគន្លឹះក្នុងការបន្តភាពជោគជ័យនៃកន្លែងការងារណាមួយ។ លើសពីនេះ ប្រសិនបើអ្នករៀបចំគម្រោងដំណើរកម្សាន្តបានល្អ វាអាចជាមធ្យោបាយដ៏មានប្រសិទ្ធភាពមួយក្នុងការលើកទឹកចិត្តបុគ្គលិក។

៣. ឱកាសមួយក្នុងការធ្វើឱ្យស្រស់ស្រាយ និងបញ្ចូលថាមពលឡើងវិញ :
បុគ្គលិកជាច្រើនរបស់អ្នកនឹងមានជីវិតគ្រួសារដ៏មមាញឹក ហើយសម្រាប់អ្នកខ្លះ ដំណើរកម្សាន្តជាការសម្រាកតែមួយគត់នៃឆ្នាំរបស់ពួកគេ ដែលអាចផ្តល់លទ្ធផលដ៏អស្ចារ្យនៅកន្លែងធ្វើការ។ ដំណើរកម្សាន្តតាមបែបនេះអាចជួយផ្តល់ថាមពលដល់កម្លាំងការងាររបស់អ្នក ជំរុញគំនិតថ្មី និងច្នៃប្រតិដ្ឋសម្រាប់អាជីវកម្មរបស់អ្នក និងបំផុសគំនិតនៃគោលបំណងថ្មី។

៤. លើកទឹកចិត្តដល់ការច្នៃប្រតិដ្ឋ និងផលិតភាព :
ដំណើរកម្សាន្តដែលផ្តោតលើសកម្មភាពអាចជំរុញភាពច្នៃប្រតិដ្ឋក្នុងចំណោមបុគ្គលិករបស់អ្នក ដែលអាចផ្តល់លទ្ធផលវិជ្ជមាននៅកន្លែងធ្វើការ។ ឱកាសដើម្បីដោះស្រាយបញ្ហា និងជម្នះបញ្ហាប្រឈមក្នុងស្ថានភាពដែលពោរពេញដោយភាពសប្បាយរីករាយអាចត្រូវបានផ្ទេរទៅក្នុងកន្លែងធ្វើការ និងជំរុញការច្នៃប្រតិដ្ឋរួម។

ការរៀបរាប់ពីអត្ថប្រយោជន៍ខាងលើនេះមិនទាន់អស់នៅឡើយទេ តែគ្រាន់តែជាការចែករំលែកនៅចំណុចមួយចំនួនតាមការស្រាវជ្រាវរបស់ខ្ញុំប៉ុណ្ណោះ។ សង្ឃឹមថាអ្នកនឹងរីករាយជាមួយដំណើរកម្សាន្តរបស់អ្នកជាមួយក្រុមការងារយ៉ាង ហោចណាស់ម្តងក្នុង១ឆ្នាំ៕

អត្ថបទដកស្រង់ និងកែសម្រួលចេញពីគេហទំព័រ៖
1. https://demo.cambodia.gov.kh/tourism/%E1%9E%97%E1%9F%92%E1%9E%93%E1%9F%86%E1%9F%A1%E1%9F%A5%E1%9F%A0%E1%9F%A0-4/#list-item-3

2. https://www.travelperk.com/2022/09/26/benefits-of-company-trips