បណ្ណាល័យចល័ត និងមូលនិធីម៉េងលី ជេ. គួច

មូលនិធីម៉េងលី ជេ. គួច ដែល​មាន​លោក​ឧកញ៉ា វេជ្ជបណ្ឌិត គួច ម៉េងលី ជាប្រធាន កាល​ពី​ថ្ងៃ​ទី​២០ កុម្ភៈ ឆ្នាំ​២០១៨ បាន​នាំ​យក​សៀវភៅ និង​នំ​ចំណី​ចែក​ជូន​កុមារ​តូចៗ​នៅ​សហគមន៍​មួយ​នៅ​ជាយ​រាជ​ធានី​ភ្នំពេញ។ សហគមន៍​នេះ មាន​ឈ្មោះថា សហគមន៍​សាមគ្គី៤ សិ្ថត​នៅសង្កាត់​តាំង​ក្រសាំង ខណ្ឌ​ពោធិ៍​សែនជ័យ រាជ​ធានី​ភ្នំពេញ មាន​ប្រជា​ពលរដ្ឋ​រស់នៅ​ប្រមាណ​២០០​គ្រួសារ​ និង​មាន​កុមារ​ប្រមាណ​ជាង​១០០នាក់។ក្រឡេក​មើល​ទៅ​កុមារ​តូច​ជាង៣០​នាក់​ឯណេះ​វិញ កំពុង​អង្គុយ​លេង​ក្នុង​ទីស្នាក់​ការ​សហគមន៍​របស់អង្គការ​ទស្សនៈ​ពិភព​លោក ម្នាក់ៗ​ហាក់​សប្បាយ​ចិត្ត​ជា​ខ្លាំង នៅពេល​ដែល​ក្រុម​ការងារ​មូល​និធិ ម៉េងលី ជេ. គួច បាន​ជួប​ជាមួយ​ពួក​គេ។ ទន្ទឹម​នឹង​នេះ​ដែរ ពួកគេ​រីករាយ​ជាមួយ​សៀវភៅ​រឿងនិទាន​ដែល​ក្រុម​ការងារ​បាន​នាំ​យក​ទៅស​ម្រាប់​ឱ្យ​ពួកគេ​អាន។ បើ​ទោះ​បី​ជា​កុមារ​ភាគ​ច្រើន​មិន​អាច​អាន​បាន តែ​ពួកគេ​នៅ​តែ​រីករាយ ដោយ​អង្គុយ​មើល​រូប​ក្នុង​សៀវភៅ ទាំង​ទឹក​មុខ​ញញឹម។ ក្នុងទឹកមុខ​រំភើប​រីករាយ បន្ទាប់​ពី​ក្រុមការងារ​មូលនិធិ ម៉េងលី ជេ. គួច បាន​យក​សៀវភៅ និង នំ​ចំណី​ទៅចែក​ជូន​កុមារ​តូចៗ​ទាំងនោះ អ្នកស្រី​បាន​ថ្លែង​អំណរ​គុណយ៉ាងខ្លាំង ព្រោះ​ធ្វើ​សកម្ម​បែបនេះ ធ្វើ​ឱ្យ​កុមារ​រីករាយ ហើយ​ជាការរួម​ចំណែក​ឱ្យ​ពួកគេ​ស្រលាញ់​ការ​អាន​ផងដែរ។បណ្ណាល័យចល័ត​ម៉េងលី ជេ. គួច ដោយ​បាន​ធ្វើ​សកម្មភាព​ជាមួយ​កុមារ​នៅ​តំបន់​នានា​នៅ​ទូទាំង​ប្រទេស ដើម្បី​លើក​តម្កើង​អំណាន​សាធារណៈ​នៅតាមសហគមន៍ តាមរយៈ​រថយន្ត​បណ្ណាល័យ​ចល័ត​ដោយ​ដឹក​ជញ្ជូន​សៀវភៅ និងល្បែង​សិក្សា​ទៅកាន់​កុមារ​នៅតាម​តំបន់​ជនបទ ជាយក្រុង និង​តាម​មណ្ឌល​កុមារ​កំព្រា​នានា ដែល​ភាគ​ច្រើន​កម្មវិធី​បណ្ដុះ​ទម្លាប់​ការ​អាននេះ​ តែងតែ​ផ្សា​ភ្ជាប់​នឹង​អំណោយ​ជា​អាហារ ជា​សម្ភារៈ​សិក្សា​ពី​ធនាគារ​អាហារ​សប្បុរធម៌ ម៉េងលី ជេ. គួច ដល់​កុមារ​ជារង្វាន់​លើកទឹកចិត្ត​ផងដែរ។អត្ថបទ និងរូបភាពដកស្រង់ពីអ៊ីនធ័រខន រ៉ូស្ទ័រ