បំណិនជីវិត នំបុ័ងខគោ

កាលពីថ្ងៃទី០៧ ខែឧសភា ឆ្នាំ២០១៧ កន្លងទៅនេះ គណៈគ្រប់គ្រងសាលា អន្តរទ្វីប អាមេរិកាំង សាខាម៉ៅសេទុង  អគារ ងិន ហួយ បានរៀបចំកម្មវិធីបំណិនជីវិតនំបុ័ងខគោ  ជូន​ប្អូនៗ​សិស្សានុ​សិស្ស​ថ្នាក់ទី៤  វេនព្រឹក និងវេនរសៀល។ អ្នកគ្រូបង្រៀនថ្នាក់ទី៤  បានបង្ហាញ និងពន្យល់អំពីរបៀបធ្វើនំបុ័ងខគោដែលត្រូវធ្វើ រួមទាំងសម្ភារសម្រាប់ចម្អិន គ្រឿងផ្សំ និង​របៀប​ចម្អិនទៅតាមដំណាក់កាល។
​​បន្ទាប់មកទៀត សិស្សានុសិស្សបានចូលរួម​ចម្អិន​អាហារ និងភ្លក្សរសជាតិអាហារដ៏ឆ្ងុយឆ្ងាញ់ និងប្រកបដោយភាព​សប្បាយរីករាយ។ អ្នកគ្រូបាន​ចែក​រំលែក​នូវវិធីសាស្រ្ត ដើម្បីធ្វើឱ្យអាហារមានរសជាតិ​ឆ្ងាញ់​ពិសា​ទៅតាមចំណង់ចំណូលចិត្ត​របស់សិស្សានុសិស្ស និងគ្រួសារ។ បន្ទាប់ពីអាហារត្រូវបានចម្អិនរួចរាល់ហើយ អ្នកគ្រូបានបង្ហាញពីរបៀបដួសអាហារ​ដាក់​ចាន​​ឱ្យបាន​ត្រឹមត្រូវ និងញុំា​អាហារ​ដែល​បាន​ចម្អិន​ទាំង​អស់គ្នា ដោយ​ភាព​ស្និទ្ធ​ស្នាល​​ជា​ភាតរ​ភាពក្រៃលែង។ ក្រោយសម្លនខគោ ត្រូវបានចម្អិនឆ្អិនរួចរាល់ហើយ​ អ្នកគ្រូ និងប្អូនៗ​សិស្សានុសិស្ស​បាន​បរិភោគនូវអាហារ ដែលប្អូនៗសិស្សានុសិស្សបានធ្វើដោយ​ផ្ទាល់ជុំគ្នា​ដោយ​បរិយា​កាសរីករាយសប្បាយក្រៃលែង។