Khmer
អគារ ងិន ហួយ សាលារៀន អន្តរទ្វីប អាមេរិកាំង សាខាម៉ៅសេទុង កាលពីថ្ងៃទី១៧ ខែកក្កដា ឆ្នាំ២០១៧ កន្លងទៅនេះ លោកគ្រូ ស៊ុម រដ្ឋា ដែលជាគ្រូបន្ទុកថ្នាក់ទី៣ ក បានដឹកនាំសិស្សានុសិស្ស វេនព្រឹក និងរសៀល រៀនធ្វើមីឆាសាច់គោ និងពងទាចៀន។លោកគ្រូបានបង្ហាញពីរបៀបធ្វើឆាសាច់គោ និងពងទាចៀន ហើយបានឱ្យសិស្សស្វែងយល់ពី សម្ភារចម្អិន គ្រឿងផ្សំ គ្រឿងទេស របៀបចម្អិន ព្រមទាំងសហការជាក្រុម និងការអនុវត្តជាក់ស្តែង។ បន្ទាប់មកទៀត សិស្សានុសិស្សបានចូលរួមភ្លក្សរសជាតិអាហារដ៏ឆ្ងុយឆ្ងាញ់ និងប្រកបដោយភាពសប្បាយរីករាយ។ លោកគ្រូបានចែករំលែកនូវរូបមន្តដើម្បីធ្វើឱ្យមីឆាមានរសជាតិឆ្ងាញ់ពិសា។
