សិស្ស​ថ្នាក់​ទី៤​ ធើ្វ​ពិសោធ​ រូបធាតុ​នៃ​ទឹក​

កាលពីថ្ងៃទី៣០ ខែមេសា ឆ្នាំ២០១៩ កន្លងទៅនេះ គណៈគ្រប់គ្រងសាលារៀន អន្តរទ្វីប           អាមេរិកាំង បានរៀបចំការពិសោធមុខវិជ្ជាគីមីវិទ្យាក្រោមប្រធានបទ រូបធាតុនៃទឹកនិងវិធីច្រោះ ជូនដល់សិស្សានុសិស្សថ្នាក់៤ នៅបន្ទប់ពិសោធ ដែលដឹកនាំពិសោធដោយអ្នកគ្រូ​ ​វុន​​ ចន្ថាវី​។ នៅក្នុងសកម្មភាពបង្រៀននោះ អ្នកគ្រូបានលើកយកចំណុចសំខាន់ៗនៃខ្លឹមសារមេរៀនមកបង្ហាញជូនដល់សិស្សានុសិស្សឱ្យបានយល់ដឹងពីគោលបំណងនៃមេរៀន ដំណើរការនានានៃការពិសោធ និងសម្ភារពិសោធ។ លើសពីនេះអ្នកគ្រូបានបង្ហាញពីវិធីរូបធាតុនៃទឹក និងវិធីច្រោះដូចជា ភាពរូបរបស់ទឹក រឹង រាវ និងឧស័ន្ម ក្លាយជារំហួត កំណញើស។ បន្ទាប់មក អ្នកគ្រូក៏បានបែងចែកសិស្សានុសិស្សជាក្រុមដែលនៅតាមក្រុមពិសោធនីមួយៗមានសមាជិកដើម្បីពិសោធដោយផ្ទាល់ទៅលើរូបធាតុនៃទឹកនិងវិធីច្រោះ។ អ្នកគ្រូបានបន្ត​ថាមុខ​វិជ្ជា​វិទ្យាសាស្រ្ត​មិន​ត្រឹម​តែ​មាន​ខ្លឹម​សារ​ផ្សា​រភ្ជាប់​នឹង​ការ​អនុវត្ត​ទៅ​តាម​ទ្រឹស្ដី​មេរៀន​ប៉ុណ្ណោះ​ទេ​ តែ​ក៏​ជា​តម្រូវការ​នៃ​ចំណេះ​ដឹង​ ដែល​សិស្សានុសិស្ស​កំពុង​ទាមទារ​ក្នុង​ការ​រៀន​សូត្រ​​ផង​ដែរ ហើយ​អ្វី​រឹតតែ​ពិសេស​ជាង​នេះ​ទៅ​ទៀត​នោះ ​ពិសោធន៍​អាចជា​ផ្នែក​​ដ៏​សំខាន់​​មួយ​​ទាក់​ទាញ​ចំណាប់​អារម្មណ៍​សិស្សានុសិស្ស​​ឱ្យ​ចូល​ចិត្តរៀនសូត្រ។ ក្រោយពីបានពិសោធន៍រួចរាល់ សិស្សានុសិស្សបានលើកឡើងជាសំណួរសួរទៅកាន់អ្នកគ្រូ ហើយអ្នកគ្រូក៏បានពន្យល់បន្ថែមទៀតដល់សិស្សានុសិស្សអំពីទ្រឹស្តីល្អៗក្នុងរូបធាតុនៃទឹកនិងវិធីច្រោះ។ ជាមួយគ្នានេះក្រោយពេលពិសោធចប់សព្វគ្រប់ សិស្សានុសិស្សមានភាពសប្បាយរីករាយដោយបានស្វែងយល់ពីទ្រឹស្តីមេរៀន ព្រមទាំងអនុវត្តពិសោធបានយ៉ាងល្អហើយក៏បានថតរូបអនុស្សាវរីយ៍ជាមួយគ្នាក្នុងបរិយាកាសរីករាយ។សកម្មភាពពិសោធរបស់សិស្សថ្នាក់ទី៤