សិស្ស​ថ្នាក់​ទី៩ធ្វើ​ពិសោធ​ស្តីអំពី​ការសង្កេត​មើល​ខួរក្បាល​ជ្រូក​

កាលពី​ថ្ងៃទី១​១ ខែម​ករា​ ឆ្នាំ២០​២០​ កន្លងទៅ​នេះ​ អ្នកគ្រូ​អ៊ុយ​ បញ្ញា​និមល​ បាន​ដឹកនាំ​សិស្ស​ថ្នាក់​ទី៩​ នៃ​សាលារៀន​ អន្តរទ្វីប​ អាមេរិកាំង​ អាមេរិកាំង​ សាខា​ម៉ៅសេទុង​ (ការិយាល័យ​កណ្តាល​) ធ្វើ​ពិសោធ​ស្តីអំពី​ការសង្កេត​មើល​ខួរក្បាល​ជ្រូក​ លើ​មុខវិជ្ជា​ជីវវិទ្យា​។ នៅក្នុង​សកម្មភាព​បង្រៀន​នោះ​ អ្នកគ្រូ​ បាន​លើកយក​ចំណុច​សំ​ខាន់​ៗនៃ​ខ្លឹមសារ​មេរៀន​មក​បង្ហាញ​ជូន​ដល់​សិស្សានុសិស្ស​ឱ្យ​បាន​យល់ដឹង​ពី​គោលបំណង​នៃ​មេរៀន​ ដំណើរការ​នានា​នៃ​ការ​ពិសោធ​ ការប្រើ​ប្រាស់​ឧបករណ៍​ និង​សម្ភារ​ពិសោធ​សម្រាប់​ពិសោធ​ទៅលើ​ការវះកាត់​មើល​ខួរក្បាល​ជ្រូក​។ លើស​ពីនេះ​ អ្នកគ្រូ​ បាន​បង្ហាញ​ពី​សម្ភារ​ពិសោធ​នានា​ដូចជា​ ខួរ​ជ្រូក​ កាំបិត​ ជ្រុញ​ ថាស​ ដង្កៀប​។ ​ការ​លើក​បង្ហាញ​បែបនេះ​ គឺ​អ្នកគ្រូ​ចង់​បង្ហាញ​ពី​របៀប​ពិសោធ​ ដំណើរការ​នៃ​ការ​ពិសោធ​ និង​បាន​បង្ហាញ​ឱ្យ​សិស្ស​ស្គាល់​ពី​សម្ភារ​នានា​សម្រាប់​យក​ទៅ​ពិសោធ​បាន​កាន់តែ​ច្បាស់​ ហើយក៏​ដើម្បី​ឱ្យ​សិស្ស​បាន​សិក្សា​ស្វែងយល់​អំពី​របៀប​ពិសោធ​ទៅលើ​ការវះកាត់​ខួរក្បាល​ជ្រូក​។ បន្ទាប់មក​អ្នកគ្រូ​ក៏បាន​បែងចែក​សិស្សានុសិស្ស​ជា​ក្រុម​ ដែល​នៅ​តាម​ក្រុម​ពិសោធ​នី​មួយ​ៗមាន​សមាជិក​ចំនួន០៤ទៅ០៥នាក់​ ដើម្បី​ពិសោធ​ដោយ​ផ្ទាល់​ទៅលើ​ការ​សង្កេត​ខួរក្បាល​ជ្រូក​។ ការ​ពិសោធ​នា​ពេលនេះ​សំដៅ​ដល់​ការស្វែងរក​ឱ្យ​ឃើញ​ការពិត​តាម​ទ្រឹស្ដី​មេរៀន​ ហើយ​ការ​ពិសោធ​សម្រាប់​ថ្នាក់​ចំណេះ​ទូទៅ​ពុំមែន​ ធ្វើ​ស៊ីជម្រៅ​ខ្លាំង​ដូច​អ្នកជំនាញ​នោះ​ទេ​ តែ​អាច​ចាត់ទុកថា​ ពិសោធ​រក​អ្វី​ដែល​មាននៅ​ក្នុង​ទ្រឹស្ដី​មេរៀន​។ អ្នកគ្រូ​បាន​បន្ត​ថា​ មុខវិជ្ជា​វិទ្យាសាស្រ្ត​មិន​ត្រឹមតែ​មានខ្លឹមសារ​ផ្សា​ភ្ជាប់នឹង​ការអនុវត្ត​ទៅតាម​ទ្រឹស្ដី​មេរៀន​ប៉ុណ្ណោះទេ​ តែ​ក៏​ជា​តម្រូវការ​នៃ​ចំណេះដឹង​ ដែល​សិស្សានុសិស្ស​កំពុង​ទាមទារ​ក្នុង​ការរៀនសូត្រ​ផង​ដែរ​ ហើយ​អ្វី​រឹតតែ​ពិសេស​ជាង​នេះ​ទៅទៀត​នោះ​ ពិសោធន៍​អាច​ជាផ្នែក​ដ៏​សំខាន់​មួយ​ទាក់ទាញ​ចំណាប់​អារម្មណ៍​សិស្សានុសិស្ស​ឱ្យ​ចូលចិត្ត​រៀនសូត្រ​។