ទំព័រដើម / ផ្នែកសវនកម្មផ្ទៃក្នុង
នាយកដ្ឋានសវនកម្មផ្ទៃក្នុង គឺជាផ្នែកមួយដែលមានមុខងារគ្រប់គ្រងឯករាជ្យ និងមានតួនាទីក្នុងការវាយតម្លៃជាប្រចាំ ទៅលើផ្នែកដែលមានមុខងារសំខាន់ៗនៅក្នុងក្រុមហ៊ុន ម៉េងលី ជេ. គួច អេឌ្យូខេសិន ក្នុងគោលបំណងផ្តល់អនុសាសន៍ឱ្យមានការកែលម្អបន្ថែម និងបន្ថែមគុណតម្លៃ ដើម្បីពង្រឹងលើដំណើរការគ្រប់គ្រងអភិបាលកិច្ចទូទៅ ការគ្រប់គ្រងហានិភ័យ និងប្រព័ន្ធត្រួតពិនិត្យផ្ទៃក្នុង។
ចង់ក្លាយជាអ្នកផ្តល់សេវាកម្មសវនកម្មផ្ទៃក្នុងដែលគួរឱ្យទុកចិត្ត និងប្រកបដោយភាពច្នៃប្រតិដ្ឋ។
បេសកកម្មរបស់ផ្នែកនាយកដ្ឋានសវនកម្មផ្ទៃក្នុង គឺផ្តល់ជូនក្រុមប្រឹក្សាភិបាល និងគណៈគ្រប់គ្រងក្រុមហ៊ុន ម៉េងលី ជេ. គួច អេឌ្យូ ខេសិន ជាមួយនឹងការធានាថា ការអនុវត្តការងាររបស់ក្រុមហ៊ុន ត្រូវបានរក្សានៅក្នុងកម្រិតគួរឱ្យពេញចិត្ត ដែលរួមមានប្រព័ន្ធត្រួតពិនិត្យផ្ទៃក្នុងមានលក្ខណៈរឹងមាំ មានប្រសិទ្ធភាព មានប្រសិទ្ធផល ការគ្រប់គ្រងហានិភ័យសំខាន់ៗត្រូវបានកំណត់សម្គាល់ និងចាត់វិធានការ ព្រមទាំងច្បាប់របស់រាជរដ្ឋាភិបាល គោលនយោបាយ និងនីតិវិធីរបស់ក្រុមហ៊ុនកំពុងត្រូវបានអនុវត្តតាម។
ទី១ ទំនាស់ផលប្រយោជន៍៖ នាយកដ្ឋានសវនកម្មផ្ទៃក្នុង គួរចៀសវាងទំនាស់ផលប្រយោជន៍គ្រប់ពេល។ គាត់គួរតែរក្សាអាកប្បកិរិយាមិនលម្អៀង អព្យាក្រឹត សុចរិតភាព និងមានវិធីសាស្រ្តច្បាស់លាស់ ដើម្បីធ្វើការ និងប្រុងប្រយ័ត្នជានិច្ចចំពោះកត្តាដែលអាចបង្កឱ្យមានទំនាស់ផលប្រយោជន៍។
ទី២ សិទ្ធិ៖ ផ្អែកលើគោលបំណងសវនកម្ម និងអនុលោមតាមស្តង់ដាសវនកម្មផ្ទៃក្នុង ក្រុមហ៊ុនត្រូវតែអនុញ្ញាតឱ្យសវនករផ្ទៃក្នុងមានសិទ្ធិពេញលេញ គ្រប់គ្រាន់ និងមិនកំណត់ ទៅលើមុខងារទាំងអស់របស់ក្រុមហ៊ុន ក្នុងការត្រួតពិនិត្យលើទីកន្លែងការងារ ទ្រព្យសម្បត្តិ បុគ្គលិក កំណត់ត្រា ឯកសារ និងព័ត៌មានផ្សេងៗទៀតដែល នាយកសវនកម្មផ្ទៃក្នុង គិតថាចាំបាច់ក្នុងការអនុវត្តសកម្មភាពសវនកម្មផ្ទៃក្នុង។
ទី៣ ការរក្សាការសម្ងាត់៖ នាយកដ្ឋានសវនកម្មផ្ទៃក្នុង នឹងធានាការសម្ងាត់ពេញលេញនៃព័ត៌មានទាំងអស់ដែលទាក់ទងនឹងការងាររបស់ខ្លួន។ ព័ត៌មានសម្ងាត់អាចត្រូវបានចែករំលែកនៅខាងក្នុង និងខាងក្រៅបាន ដោយមានការអនុញ្ញាតផ្ទាល់ពី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ ឬប្រសិនបើមានតម្រូវការស្របច្បាប់សម្រាប់ក្រុមហ៊ុន។ ក្នុងករណីណាមួយមានការរំលោភលើគោលការណ៍នេះ អាចនឹងមានវិធានការវិន័យរហូតដល់មានការបណ្តេញចេញចំពោះបុគ្គលិកដែលពាក់ព័ន្ធនោះ។
ទី៤ វត្ថុបំណង និងមិនលម្អៀង៖ វត្ថុបំណង និងមិនលម្អៀងមានសារៈសំខាន់ចំពោះប្រសិទ្ធភាពនៃមុខងារសវនកម្មផ្ទៃក្នុង។ វត្ថុបំណងមានន័យថា អាកប្បកិរិយាផ្លូវចិត្ត និងវិជ្ជាជីវៈមិនលម្អៀង ដែលអនុញ្ញាតឱ្យសវនករផ្ទៃក្នុងធ្វើសវនកម្មដោយគ្មានការសម្របសម្រួលលើគុណភាពសវនកម្ម។ គោលការណ៍នៃវត្ថុបំណងនេះ បានកំណត់ទៅលើកាតព្វកិច្ចរបស់សវនករផ្ទៃក្នុងទាំងអស់ ដើម្បីឱ្យមានតម្លាភាព និងមានភាពស្មោះត្រង់។ វត្ថុបំណងតម្រូវឱ្យសវនករទាំងអស់ ធ្វើសេចក្តីវិនិច្ឆ័យលើបញ្ហាសវនកម្ម ដោយមិនស្ថិតនៅក្រោមបង្គាប់របស់ផ្នែកផ្សេងទ្បើយ។
ទី៥ សមត្ថភាពវិជ្ជាជីវៈ៖ ត្រូវរក្សាបាននូវស្តង់ដាខ្ពស់ នៃសមត្ថភាព វិជ្ជាជីវៈ និងភាពស្មោះត្រង់ ឱ្យបានសមស្របតាមទំនួលខុសត្រូវ និងមុខងាររបស់គាត់។ គាត់ត្រូវតែប្តេជ្ញាចិត្តទទួលយកឱ្យបាននូវកម្រិតខ្ពស់បំផុតនៃជំនាញវិជ្ជាជីវៈ ដែលរួមមានទាំងផ្នែកបច្ចេកទេស និងផ្នែកក្រមសីលធម៌ តាមរយៈការផ្តល់សិទ្ធិបន្តក្នុងការអភិវឌ្ឍខ្លួនឯង។ គាត់ត្រូវតែបន្តការអភិវឌ្ឍចំណេះដឹង ជំនាញ និងសមត្ថភាពផ្សេងៗ ដែលត្រូវការប្រើសម្រាប់អនុវត្តទំនួលខុសត្រូវរបស់ខ្លួន ដើម្បីធ្វើឱ្យប្រសើរទ្បើងនូវគុណភាពសវនកម្ម។
នាយកដ្ឋានសវនកម្មផ្ទៃក្នុង មានទំនួលខុសត្រូវចំពោះក្រុមហ៊ុនម៉េងលី ជេ. គួច អេឌ្យូខេសិន ដើម្បី៖
ទី១៖ ផ្តល់ការវាយតម្លៃលើភាពគ្រប់គ្រាន់ និងប្រសិទ្ធភាពនៃដំណើរការក្រុមហ៊ុនម៉េងលី ជេ. គួច អេឌ្យូខេសិន ក្នុងការគ្រប់គ្រងសកម្មភាព និងហានិភ័យ ដែលស្ថិតនៅក្នុងបេសកម្ម និងវិសាលភាពការងាររបស់សវនកម្មដែលបានកំណត់។
>ទី២៖រាយការណ៍ពីបញ្ហាសំខាន់ៗទាក់ទងនឹងដំណើរការសម្រាប់ការគ្រប់គ្រងសកម្មភាពរបស់ ក្រុមហ៊ុនម៉េងលី ជេ. គួច អេឌ្យូខេសិន រួមមានទាំងការកែលម្អសំខាន់ៗ នៃដំណើរការទាំងនោះ។
ទី៣៖ ធានានូវប្រសិទ្ធភាព និងប្រសិទ្ធផលនៃការអនុវត្តផ្នែកហិរញ្ញវត្ថុ និងផ្នែកប្រតិបត្តិការ។
ទី៤៖ ធានាឱ្យមានការអនុលោមតាមគោលនយោបាយ នីតិវិធី ច្បាប់ និងបទបញ្ញត្តិនានា។
ទី៥៖ ការពារទ្រព្យសម្បត្តិក្រុមហ៊ុន។
ដំណើរការសវនកម្មត្រូវបានបែងចែកជា ៤ ដំណាក់កាល គឺការធ្វើផែនការសវនកម្ម ការប្រតិបត្តិការសវនកម្ម របាយការណ៍សវនកម្ម និងការតាមដានសវនកម្ម។ សម្រាប់ដំណាក់កាលនីមួយៗមានលក្ខណៈវិនិច្ឆ័យជាក់លាក់ ដើម្បីធានាឱ្យបាននូវការធ្វើសវនកម្ម ប្រកបដោយជោគជ័យ។
សវនកម្មតម្រូវឱ្យមានផែនការល្អ។ ការធ្វើផែនការតម្រូវឱ្យមានការស្វែងយល់អំពី គោលបំណងដំណើរការការងារ ហានិភ័យ នីតិវិធីគ្រប់គ្រងរបស់សវនដ្ឋាន សកម្មភាពដែលត្រូវធ្វើសវនកម្ម ការបង្កើតយុទ្ធសាស្ត្រ និងវិធីសាស្រ្តក្នុងការធ្វើសវនកម្ម។ ទាំងនេះ គឺជាផ្នែកសំខាន់បំផុតនៃការធ្វើសវនកម្មឱ្យបានជោគជ័យ។ ការធ្វើសវនកម្មប្រកបដោយភាពជោគជ័យនេះ អាចសម្រេចបានដោយអាស្រ័យលើកម្រិតនៃការរៀបចំផែនការសវនកម្មបានល្អកម្រិតណា?
ការធ្វើផែនការសវនកម្ម គឺជាដំណាក់កាលទី៣ នៃការធ្វើផែនការ បន្ទាប់ពីការរៀបចំផែនការយុទ្ធសាស្ត្រ និងផែនការការងារប្រចាំឆ្នាំ។ ការធ្វើផែនការសវនកម្មនេះ វាពាក់ព័ន្ធទៅនឹងការចុះបញ្ជីសកម្មភាពសវនកម្ម នៅក្នុងផែនការសវនកម្មនីមួយៗ ដោយផ្អែកលើផែនការសវនកម្មប្រចាំឆ្នាំ។ លទ្ធផលនៃការធ្វើផែនការយុទ្ធសាស្ត្រ ដែលមានប្រសិទ្ធភាពបាន លុះត្រាតែមានការកំណត់អំពី ការប្រែប្រួលនៃធាតុដំណើរការ នីតិវិធីគ្រប់គ្រង ប្រព័ន្ធ និងដំណើរការការងារ។
ការប្រតិបត្តិការសវនកម្ម គឺត្រូវបានចាប់ផ្តើមឡើង ជាមួយនឹងការបើកការប្រជុំនៅថ្ងៃដំបូងនៃថ្ងៃចុះធ្វើប្រតិបត្តិការសវនកម្មរវាងសវនករផ្ទៃក្នុង និងសវនដ្ឋាន ដើម្បីពិភាក្សាផ្តោតលើតម្រូវការ និងពេលវេលានៃការធ្វើសវនកម្ម។ វាពាក់ព័ន្ធនឹងការអនុវត្តបច្ចេកទេស និងនីតិវិធីសវនកម្ម ដែលបានរាប់បញ្ចូលក្នុងកម្មវិធីការងារសវនកម្ម ដើម្បីប្រមូលទិន្នន័យ និងប្រភេទនៃភ័ស្ដុតាង ដើម្បីសម្រេចគោលបំណងសវនកម្មដែលបានកំណត់។ ក្នុងអំឡុងពេលប្រតិបត្តិសវនកម្ម ប្រសិនបើសវនកររកឃើញថាមានតម្រូវការកែប្រែកម្មវិធីការងារសវនកម្ម នោះរាល់ការផ្លាស់ប្តូរត្រូវតែដាក់ជូននាយកសវនកម្មផ្ទៃក្នុង ដើម្បីសុំការយល់ព្រម និងអនុម័ត។ នាយកសវនកម្មផ្ទៃក្នុង ប្រើប្រាស់កម្មវិធីការងារសវនកម្ម ដើម្បីត្រួតពិនិត្យ និងតាមដានវឌ្ឍនភាពនៃការធ្វើសវនកម្ម និងពិនិត្យមើលថាតើ បុគ្គលិកសវនកម្មកំពុងបានបង្កើតភ័ស្តុតាងគ្រប់គ្រាន់ និងសមស្របទេ។ សេចក្តីសង្ខេបនៃជំហានពាក់ព័ន្ធនឹងការប្រតិបត្តិការសវនកម្មមានដូចខាងក្រោម៖
របាយការណ៍សវនកម្ម ជាលទ្ធផលនៃការប្រតិបត្តិសវនកម្ម ការវិភាគ និងការពិចារណាដែលធ្វើទ្បើងនៅក្នុងពេលធ្វើសវនកម្ម។ របាយការណ៍សវនកម្ម បានកំណត់ទ្បើងដោយការចងក្រងនូវចំណុចខ្វះខាតជាច្រើនដែលបានរកឃើញ និងបានកត់ត្រាដោយមានទម្រង់របាយការណ៍ច្បាស់លាស់ ដោយរួមមានទាំងភស្តុតាង និងអនុសាសន៍ផងដែរ។ សេចក្តីសង្ខេបនៃជំហានពាក់ព័ន្ធនឹងការប្រតិបត្តិការសវនកម្មមានដូចខាងក្រោម៖
ការតាមដាន គឺជាសកម្មភាពត្រួតពិនិត្យ និងផ្តល់យោបល់ ដែលត្រូវបានអនុវត្ត ដើម្បីធានាបាននូវវិសាលភាព និងភាពគ្រប់គ្រាន់នៃសកម្មភាពបង្ការ ឬកែតម្រូវ ដែលបានធ្វើឡើងដោយគណៈគ្រប់គ្រង ដើម្បីដោះស្រាយនូវភាពខ្វះខាតមួយចំនួន ដែលបានរកឃើញនៅក្នុងពេលធ្វើសវនកម្ម។ វាមានគោលបំណងក្នុងការតាមដានលើការអនុវត្ត នៃអនុសាសន៍របស់សវនករដែលបានផ្តល់ជូន និងបានព្រមព្រៀងគ្នា ដើម្បីប្រាកដថាបានកែតម្រូវត្រឹមត្រូវ។ សេចក្តីសង្ខេបនៃជំហានពាក់ព័ន្ធនឹងការតាមសវនកម្មមានដូចខាងក្រោម៖
សេវាកម្មទាំងនេះអាចត្រូវបានអនុវត្តរួមគ្នាជាមួយនឹងប្រភេទសវនកម្មណាមួយដែលបានពិពណ៌នាដូចខាងក្រោម៖
ការធ្វើសវនកម្ម ឬការពិនិត្យឡើងវិញ ធ្វើឡើងជារៀងរាល់ឆ្នាំដោយអនុលោមតាមតម្រូវការបទបញ្ញត្តិ ឬអាណត្តិរបស់ក្រុមប្រឹក្សាភិបាល។ ក្នុងករណីជាក់លាក់ ដើម្បីសម្រេចបាននូវប្រសិទ្ធភាព សវនកម្មទាំងនេះអាចត្រូវបានអនុវត្តទ្វេដង។ ការធ្វើសវនកម្មទាំងនេះ ត្រូវបានអនុវត្តជាទូទៅនៅចន្លោះពេលដែលមានការសំណូមពរពីថ្នាក់គ្រប់គ្រង ដើម្បីស្នើសុំធ្វើសវនកម្មជាក់លាក់ណាមួយ ឬនៅពេលដែលមានការបារម្ភលើហានិភ័យមានកម្រិតខ្ពស់ នៅក្នុងសកម្មភាពការងារណាមួយ។
ការធ្វើផែនការសវនកម្ម គឺជាការតំណាងការអនុវត្តការងារសវនកម្មមួយដែលមាននៅក្នុងផែនការប្រតិបត្តិការសវនកម្ម នៅក្នុងឆ្នាំបច្ចុប្បន្ន។ ជាទូទៅផែនការធ្វើសវនកម្ម ត្រូវបានចាត់ថ្នាក់ជាប្រភេទសវនកម្មមួយ ឬច្រើន ដែលមានចែងដូចខាងក្រោម៖
សម្រាប់ប្រភេទនៃសវនកម្មនីមួយៗ គឺបានញែកគោលដៅ និងគោលបំណងដាច់ពីគ្នា។ ការធ្វើសវនកម្មទាំងនេះ អាចរួមមានប្រភេទនៃសវនកម្មនីមួយៗ ដោយផ្អែកតាមវិសាលភាពនៃការងារសវនកម្មដែលបានកំណត់សម្រាប់ធ្វើសវនកម្ម។
សេវាកម្មប្រឹក្សា គឺទាក់ទងជាមួយនឹងការ ផ្តល់យោបល់កែលម្អលើដំណើរការការងារ នៃប្រតិបត្តិការថ្មីរបស់ក្រុមហ៊ុន។ សវនករផ្ទៃក្នុង ចូលរួមក្នុងសកម្មភាពប្រតិបត្តិការថ្មីទាំងនេះ ក្នុងតួនាទីពិគ្រោះយោបល់ផ្សេងៗដែលពាក់ព័ន្ធនឹងការពិនិត្យឡើងវិញ អំពីប្រសិទ្ធភាព និងប្រសិទ្ធផល នៃនីតិវិធីត្រួតពិនិត្យផ្ទៃក្នុង និងប្រតិបត្តិការរបស់សកម្មភាពប្រតិបត្តិការថ្មីដែលកំពុងបង្កើតទ្បើង។ សវនករផ្ទៃក្នុង តែងតែផ្តល់គំនិតយោបល់ដល់ផ្នែកដែលកំពុងបង្កើតដំណើរការការងារថ្មីនោះ តាមរយៈការផ្តល់ជាយោបល់ឱ្យបង្កើតនីតិវិធីដែលមានលក្ខណៈ ការពារទុកជាមុន នៅក្នុងដំណាក់កាលកំពុងបង្កើតថ្មី ដើម្បីគ្រប់គ្រងគុណភាពការងារ។ ការអនុវត្តបែបនេះ វាធ្វើឱ្យមានលក្ខណៈល្អប្រសើរជាងការដែលបានដាក់ឱ្យនីតិវិធីទាំងនោះបានដំណើរការហើយ ទើបតែមានការផ្តល់ជាយោបល់ឱ្យមានការផ្លាស់ប្តូរវិញ។
វិសាលភាពគម្រោងទាំងនេះ នឹងមានការប្រែប្រួលទៅតាមគំនិតផ្តួចផ្តើមនៃការផ្តល់យោបល់។ ការចូលរួមក្នុងការផ្តល់យោបល់លើដំណើរការថ្មីទាំងនេះ ជួយឱ្យសវនកម្មផ្ទៃក្នុង សម្រេចដោយផ្ទាល់នូវបេសកកម្មរបស់ខ្លួន ក្នុងការផ្តល់នូវសកម្មភាពពិគ្រោះយោបល់ដែលមានគោលបំណងច្បាស់លាស់ ដើម្បីបន្ថែមតម្លៃ និងកែលម្អប្រតិបត្តិការរបស់ក្រុមហ៊ុន។
ខ្មែរ
អង់គ្លេស