កញ្ញាទ្រីសុខហៀង

កញ្ញាទ្រីសុខហៀង

អនុប្រធានគ្រូ នៃកម្មវិធីភាសាអង់គ្លេស សាខាម៉ៅសេទុង

កញ្ញាទ្រីសុខហៀង កើតនៅថ្ងៃទី០៦ ខែកញ្ញា ឆ្នាំ១៩៩៦ នៅរាជធានីភ្នំពេញ ប្រទេសកម្ពុជា។ កញ្ញាបានបញ្ចប់ការសិក្សានៅវិទ្យាល័យក្នុងឆ្នាំ ២០១៤។ កញ្ញាបានចូលរួមកម្មវិធីបណ្តុះបណ្តាលផ្នែកគរុកោសល្យ (TESOL) នៅក្នុងមជ្ឈមណ្ឌលឯកជនមួយ។ ក្នុងឆ្នាំ ២០១៥ កញ្ញាបានបញ្ចប់ការសិក្សាកម្មវិធី GESL ពីសាកលវិទ្យាល័យបញ្ញាសាស្រ្តដោយមានពិន្ទុខ្ពស់ មុនពេលកញ្ញាទទួលបានអាហារូបករណ៍សិក្សាពីសាកលវិទ្យាល័យកម្ពុជា។ កញ្ញាបានបញ្ចប់ការសិក្សាថ្នាក់បរិញ្ញាបត្រផ្នែកទំនាក់ទំនងអន្តរជាតិក្នុងឆ្នាំ ២០១៩ ។ បច្ចុប្បន្នកញ្ញាកំពុងបន្តការសិក្សា ថ្នាក់អនុបណ្ឌិតផ្នែកគរុកោសល្យ​ (TESOL) នៅវិទ្យាស្ថានភាសាបរទេស​(IFL) ។

 

នៅក្នុងឆ្នាំដដែល ដែលកញ្ញាបានសិក្សាកម្មវិធីបណ្តុះបណ្តាលផ្នែកគរុកោសល្យ នៅមជ្ឈមណ្ឌលបណ្តុះបណ្តាលឯកជន ដោយ​សារ​ការ​ខិត​ខំ​ប្រឹង​ប្រែង សកម្មក្នុងការសិក្សា និង​ទទួល​បានលទ្ធផលពិន្ទុ​ខ្ពស់​ក្នុង​ថ្នាក់ កញ្ញា​ត្រូវ​បាន​លោកនាយក​សាលា​ផ្តល់​ឱកាស​ឱ្យ​បង្រៀន​ជា​គ្រូ​ពេញ​ម៉ោងកម្រិត​ថ្នាក់​បឋម​សិក្សា​នៅ​សាលា​ឯកជន​មួយ។ ក្នុងអំឡុងពេលធ្វើការ កញ្ញាធ្លាប់ចូលរួមក្នុងសិក្ខាសាលាជាច្រើន ដើម្បីអភិវឌ្ឍជំនាញបង្រៀន។ មិនយូរប៉ុន្មាន កញ្ញាត្រូវបានអនុញ្ញាតអោយបង្រៀនថ្នាក់ភាសាអង់គ្លេសកម្រិតមធ្យមសិក្សា នឹងដឹកនាំសិស្សចូលរួមក្នុងការប្រកួតផ្សេងៗដោយទទួលបានលទ្ធផលគួរជាទីគាប់ចិត្ត។​

 

កញ្ញាបានចូលបម្រើការងារនៅសាលារៀនអន្តរទ្វីបអាមេរិកកាំង ជាគ្រូបង្រៀនពេញម៉ោងនៅសាខាម៉ៅសេទុង នៅថ្ងៃទី ១២ ខែតុលា ឆ្នាំ 2២០២០។ យោងទៅតាមការខិតខំប្រឹងប្រែង ភាពច្នៃប្រឌិត ទំនួលខុសត្រូវខ្ពស់ និងការប្ដេជ្ញាចិត្តរបស់កញ្ញា កញ្ញាត្រូវបានដំឡើងតួនាទីជាអនុប្រធានគ្រូ នៃកម្មវិធីភាសាអង់គ្លេសនៅថ្ងៃទី ០១ ខែកក្កដា ឆ្នាំ ២០២៣ ដើម្បីជួយសម្រួលដល់កម្មវិធីភាសាអង់គ្លេសសម្រាប់ថ្នាក់មត្តេយ្យ បឋមសិក្សា អនុវិទ្យាល័យ និងវិទ្យាល័យ ក្នុងកម្មវិធីចំណេះទូទៅខ្មែរនៅសាលាអន្តរទ្វីបអាមេរិកកាំង។

 

ក្នុងនាមយើងខ្ញុំជាគណៈកម្មាការនឹងតំណាងឱ្យបុគ្គលិកទាំងអស់សូមធ្វើការថ្លែងអំណរគុណយ៉ាងជ្រាលជ្រៅដល់មាតាបិតា អាណាព្យាបាល និងសិស្សានុសិស្សទាំងអស់នៅសាលារៀនអន្តរទ្វីបអាមេរិកាំង ដែលតែងតែមានទំនុកចិត្តលើសាលារបស់យើងខ្ញុំ នឹងជ្រើសរើសជាជម្រើសដ៏ល្អបំផុត ដើម្បី អភិវឌ្ឍចំណេះដឹងនិងអនាគតរបស់កូនៗលោកអ្នក។