ទំព័រដើម / ផ្នែកសុវត្ថិភាពសាលា និងសាធារណៈ
ផ្នែកសុវត្ថិភាពសាលា និងសាធារណៈ ដើរតួយ៉ាងសំខាន់ក្នុងផ្តល់សេវាកម្មសុវត្ថិភាព និងសម្អាតសម្រាប់ប្រតិបត្តិការរបស់ក្រុមហ៊ុន ម៉េងលី ជេ. គួច អេឌ្យូខេសិន។ ការបង្កើតឱ្យមានទីកន្លែងដែលមានសុវត្ថិភាព សោភណ្ឌភាព និងអនាម័យល្អសម្រាប់សិស្សានុសិស្ស គឺជាកាតព្វកិច្ចរបស់បុគ្គលិកផ្នែកសុវត្ថិភាពសាលា និងសាធារណៈ។ ដូច្នេះហើយសន្តិសុខនៅតាមអគារនីមួយៗ មានសារៈសំខាន់ណាស់ក្នុងការរក្សាសុវត្ថិភាពជូនសិស្សានុសិស្ស បុគ្គលិក និងទ្រព្យសម្បត្តិរបស់ក្រុមហ៊ុន។ អ្នកសម្អាតរបស់យើងបំពេញការងារយ៉ាងប្រុងប្រយ័ត្ន និងយកចិត្តទុកដាក់ខ្ពស់ដើម្បីធ្វើឱ្យគ្រប់ទីតាំងនៃអគារស្អាត និងគ្មានស្នាមប្រលាក់។ យើងជឿជាក់ថា សាលារៀនដែលមានបរិស្ថាន និងអនាម័យល្អ នាំឱ្យសិស្សានុសិស្សមានសុខភាព។ ផ្នែកសុវត្ថិភាពសាលា និងសាធារណៈ បែងចែកជាបីផ្នែកតូចៗដូចខាងក្រោម៖
ដើម្បីរក្សាសុវត្ថិភាពជូនសិស្សានុសិស្ស យើងបានកំណត់៤ទីតាំងសម្រាប់សន្តិសុខឈរជើង ដែលមានដូចជា ច្រកចូលអគារ នៅតាមជាន់ ចម្លងផ្លូវ និងចំណត។ ពួកគេទាំងអស់គ្នាមានជំនាញច្បាស់លាស់ និងទទួលបានការបណ្តុះបណ្តាលជាប្រចាំ។ លើសពីការងារសុវត្ថិភាព សន្តិសុខក៏មានតួនាទីដ៏សំខាន់ក្នុងការផ្តល់សេវាកម្មអថិតិជន នៅខាងមុខ និងច្រកចូលអគារផងដែរ។
ឆ្លើយតបទៅនឹងតម្រូវការអនាម័យស្អាតក្នុងសម័យទំនើប យើងប្តេជ្ញាចិត្តយ៉ាងមុតមាំធ្វើឱ្យបរិស្ថានសាលាស្អាត និងមានពណ៌បៃតង ដែលធ្វើឡើងដោយអ្នកសម្អាតដែលមានជំនាញច្បាស់លាស់ និងមានតួនាទីសម្អាតគ្រប់ទីតាំងនៃអគារសិក្សា ក្នុងនោះ ទីតាំងដែលយើងផ្តោតខ្លាំងបំផុតគឺ បន្ទប់ទឹក។ យើងប្រកាន់ភ្ជាប់នូវចក្ខុវិស័យដែលថា “បន្ទប់ទឹកត្រូវតែស្អាត ស្ងួត និងមានក្លិនក្រអូប"។
ដើម្បីធានាថា អគារសិក្សា និងទ្រព្យសម្បត្តិរបស់ក្រុមហ៊ុន មានសុវត្ថិភាព២៤ម៉ោង និង៧ថ្ងៃក្នុងមួយសប្តាហ៍ យើងមានបុគ្គលិកស្នាក់នៅសាលាប្រចាំការនៅគ្រប់អគារ។ បុគ្គលិកស្នាក់នៅសាលាមានតួនាទី និងទំនួលខុសត្រូវដូចសន្តិសុខ ដែលពួកគេត្រូវធ្វើការពេលយប់ ថ្ងៃអាទិត្យ និងថ្ងៃឈប់សម្រាក។ ពួកគេទទួលខុសត្រូវលើ៖
ខ្មែរ
អង់គ្លេស