បញ្ចូលពាក្យគន្លឹះ​​​​របស់អ្នកនៅទីនេះ

កម្មវិធីទស្សនកិច្ចសិក្សា

ដំណើរទស្សនកិច្ចសិក្សារបស់លោកគ្រូ អ្នកគ្រូក្រោមមត្តេយ្យ មត្តេយ្យ និងបឋមសិក្សា

កាលពីថ្ងៃទី១២ ខែកញ្ញា ឆ្នាំ២០១៨ កន្លងទៅនេះ គណៈកម្មការ នៃសាលារៀន អន្តរទ្វីប អាមេរិកាំង បានរៀបចំដំណើរទស្សនកិច្ចសិក្សារបស់លោកគ្រូ អ្នកគ្រូក្រោមមត្តេយ្យ មត្តេយ្យ និងបឋមសិក្សាទៅកាន់សហគមន៍តម្បាញកោះឧកញ្ញាតី។ ក្នុងដំណើរទស្សនកិច្ចនេះ ពង្រីកចំណេះដឹងបន្ថែមទៀតទៅលើអំពីសិប្បកម្មត្បាញរវៃរបស់ខែ្មរដើម្បីឱ្យលោកគ្រូ​ អ្នកគ្រូយកចំណេះដឹងទាំងនេះទៅបង្ហាត់បង្រៀនសិស្សានុសិស្សឱ្យកាន់តែយល់ច្បាស់អំពីដំណើរការផលិតសូត្រកាន់តែប្រសើរជាងមុន។

សិស្សថ្នាក់ទី៦ ធ្វើទស្សនកិច្ចសិក្សាលើកទី១២៣

កាលពីថ្ងៃទី១៤​ ខែកក្កដា ឆ្នាំ២០១៨ កន្លងទៅនេះ គណៈគ្រប់គ្រងសាលារៀន អន្ដរទ្វីប អាមេរិកាំង បានដឹកនាំសិស្សថ្នាក់ទី៦ទាំងអស់ចុះធ្វើទស្សនកិច្ចសិក្សារមណីយដ្ឋានទន្លេបាទី  ស្ថិតនៅ​ក្នុង​ភូមិថ្នល់ទក្សិណ ឃុំក្រាំងធ្នង់ ស្រុកបាទី ខេត្តតាកែវ និងបន្តទៅទស្សនកិច្ចសិក្សានៅឧទ្យានសួនសត្វភ្នំតាម៉ៅ ស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ​។ការធ្វើទស្សនកិច្ចសិក្សានេះសម្រាប់សិស្សានុសិស្សទទួលបាននូវចំណេះដឹង​ជា​ច្រើន​បន្ថែម​លើ​​​​មេរៀនក្នុងថ្នាក់ដូចជា​ យល់ដឹងពីការប្រកបមុខរបរប្រចាំថ្ងៃ កម្រិតជីវភាពរស់នៅ និងស្មារតីឧស្សាហ៍ព្យាយាមរបស់​ប្រជាកសិករ​ខ្មែរនៅតាមទីជនបទ​ សិក្សាស្វែងយល់ពីប្រាសាទបុរាណ ចម្លាក់ សិលាចារឹកដែលមាននៅលើប្រាង្គប្រាសាទ ព្រមទាំងស្វែង យល់ពីទីកន្លែងគោរពសក្ការៈដ៏ពិសិដ្ឋតាមបែបព្រះពុទ្ធសាសនា និងព្រហ្មញ្ញសាសនា ស្គាល់ឈ្មោះបា្រង្គប្រាសាទ ព្រៃភ្នំ ធម្មជាតិ និងយល់ដឹងបន្ថែមពីឧទ្យានសួនសត្វភ្នំតាម៉ៅ និង មជ្ឈមណ្ឌលសង្គ្រោះសត្វព្រៃ សួនសត្វភ្នំតាម៉ៅ ដែលមានសត្វជាង១០០ប្រភេទ រួមទាំងបាន​គយគន់​ស្ថានភាព​ភូមិសាស្ដ្រ ទេសភាព​ភូមិឋាន ព្រៃភ្នំនៅអមសងខាងផ្លូវឡើងទៅឧទ្យានសួនសត្វ ភ្នំតាម៉ៅ និងនៅ​ជុំវិញ​តំបន់​ទស្សនកិច្ច​សិក្សាក្នុងខេត្តតាកែវ​​ ទទួលបានចំណេះដឹងថ្មីៗជាច្រើនបន្ថែម និងមានស្មារតីចូលរួមលើកស្ទួយវិស័យវប្បធម៌ សាសនា ចម្លាក់ ទេសចរណ៍ ប្រវត្តិសាស្រ្ត និងអភិរក្សសត្វព្រៃ។ ជាពិសេសឱ្យសិស្សានុសិស្សបង្កើនរឹតចំណងមិត្ដភាព សាមគ្គីភាព បង្កើនភាពក្លាហាន និងបទពិសោធន៍ក្នុងការបកស្រាយ ការសហការ ការដឹកនាំ ឯករាជ្យភាព ភាពម្ចាស់ការ ទំនាក់ទំនងក្នុងក្រុម និងទំនាក់ទំនងជាមួយមហាជន​បានកាន់តែ​ប្រសើរ។ […]

ដំណើរទស្សនកិច្ចសិក្សាលើកទី១២២ ប្រចាំសាលារៀន អន្តរទ្វីប អាមេរិកាំង

សាលារៀន អន្តរទ្វីប អាមេរិកាំង កាល​ពី​ថ្ងៃ​ទី​០៧ ខែ​កក្កដា ឆ្នាំ​២០១៨ បានរៀបចំដំណើរទស្សនកិច្ចសិក្សា​របស់​សិស្សានុសិស្សថ្នាក់ទី១២ ទាំងបីសាខា ទៅកាន់វត្តហរិរក្សរាជិនី ហៅវត្តវាំងចាស់ ស្ថិតក្នុងភូមិវាំងក្នុង ឃុំវាំងចាស់ ស្រុកឧដុង្គ ខេត្តកំពង់ស្ពឺ និងរមណីយដ្ឋានទេសចរណ៍ភ្នំព្រះរាជទ្រព្យ ស្ថិតក្នុងភូមិភ្នំ ឃុំផ្សារដែក ស្រុកពញាឮ ខេត្តកណ្ណាល។ដើម្បីស្វែងយល់ផ្សារភ្ជាប់មេរៀនសិក្សាដោយផ្ទាល់ទៅនឹងភ្នំព្រះរាជ​ទ្រព្យ ដែល​ជាតំបន់​ប្រវត្តិ​សាស្រ្ត ជាអតីត​រាជ​ធានីខ្មែរនាសម័យឧដុង្គ ហើយបច្ចុប្បន្នជាទីតម្កល់នូវ​ចេតិយ​អតីតព្រះមហា​​ក្សត្រខ្មែរ និង ព្រះបរម​សារីរិក​ធាតុ​ព្រះ​សម្មាសម្ពុទ្ធ ដែល​ប្រជា​ជន​កម្ពុជា​ប្រហែលជា​​៩០​ភាគ​រយបានកំពុង​គោរព​ប្រណិប័តន៍។ បន្ថែមពីនេះទៀតសិស្សានុសិស្សស្វែងយល់ដឹងអំពីរឿងរ៉ាវ និងព្រឹត្តិការណ៍ប្រវត្តិសាស្ត្រ និងពង្សាវតារប្រទេសកម្ពុជា ផ្សារភ្ជាប់ទៅនឹង ទិដ្ឋភាពជាក់ស្តែង​នៃអតីតរាជធានីខ្មែរសម័យឧដុង្គ។​ សិស្សានុសិស្សអាចកាត់បន្ថយភាពតានតាន់តាមរយៈគយគន់ទេសភាពភូមិឋាន ស្រែចម្ការច្បារដំណាំនៅអមសងខាងផ្លូវ និងជុំវិញបរិវេណទីតាំងទស្សនកិច្ច សិក្សា ដែលស្ថិតនៅតាមបណ្តោយដងទន្លេសាប និងលាតសន្ធឹងល្វឹងល្វើយលើផ្ទៃដីកសិកម្មក្នុងខេត្ត កណ្តាល និងកំពង់ស្ពឺ។ ជាពិសេសសិស្សានុសិស្សអារឹតចំណងមិត្តភាព សាមគ្គីភាព បង្កើនភាពក្លាហាន និងទទួលបានបទពិសោធន៍ក្នុងការបកស្រាយការ ធ្វើបទ​បង្ហាញ ការសហការ ការដឹកនាំ ទំនាក់​ទំនងក្នុងក្រុម ភាពម្ចាស់ការ និងទំនាក់ទំនងជាមួយ មហាជន​ឱ្យបាន​កាន់​តែប្រសើរ។

ដំណើរទស្សនកិច្ចសិក្សាលើកទី១២១ ប្រចាំសាលារៀន អន្តរទ្វីប អាមេរិកាំង សម្រាប់សិស្សថ្នាក់ទី៩ ទៅកាន់រមណីយដ្ឋានភ្នំរាប និងភ្នំប្រសិទ្ធិ

កាលពីថ្ងៃទី១៦ ខែមិថុនា ឆ្នាំ២០១៨ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូនៃសាលារៀន អន្តរទ្វីប អាមេរិកាំង បានដឹកនាំសិស្សថ្នាក់ទី៩ នៃសាលារៀន អន្តរទ្វីប       អាមេរិកាំង ទាំងបីសាខា ដែលមានសាខាម៉ៅសេទុង (ការិយាល័យកណ្តាល) សាខាទួលគោក និងសាខាចាក់អង្រែ វេនព្រឹក និងរសៀល ប្រមាណជា៣៨៧នាក់ចុះទស្សនកិច្ចសិក្សានៅរមណីយដ្ឋានភ្នំប្រសិទ្ធិ៍ និងភ្នំរាប ព្រមជាមួយនឹងការចុះចែកសម្ភារសិក្សាជូនដល់សិស្សានុសិស្សសាលាបឋមសិក្សា តាប្រាប។ ចាងហ្វាង លោកគ្រូ អ្នកគ្រូ និងសិស្សានុសិស្ស នៃសាលារៀន អន្តរទ្វីប អាមេរិកាំង បានចូលតាមបន្ទប់រៀន និងបានចែកអំណោយដល់សិស្សានុសិស្សដែលអំណោយទាំងនោះរួមមាន សៀវភៅ ប៊ិក ខ្មៅដៃ ជ័រលុប បន្ទាត់ រួមទាំងសម្ភារសិក្សាយ៉ាងច្រើនផ្សេងទៀតយកទៅចែកជូនដល់ប្អូនៗសិស្សានុសិស្ស នៃសាលាបឋមសិក្សា តាប្រាប ដើម្បីជាការចូលរួមចំណែកចែករំលែកនូវការលំបាកផ្សេងៗ និងលើកទឹកចិត្តដល់ប្អូនៗសិស្សានុសិស្សនៅទីជនបទឱ្យបន្តយកចិត្តទុកដាក់រៀនសូត្រ។        ក្រោយពីការចែកអំណោយរួចរាល់ ចាងហ្វាង លោកគ្រូ អ្នកគ្រូ និងសិស្សានុសិស្ស នៃសាលារៀន អន្តរទ្វីប អាមេរិកាំង ក៏បន្តដំណើរទៅរមណីយដ្ឋានប្រវត្តិសាស្រ្តភ្នំប្រសិទ្ធិ៍ ហើយពេលទៅដល់ទីនោះសិស្សានុសិស្សបានទស្សនាប្រាសាទមួយ ដែលមានឈ្មោះថាប្រាសាទស្រីគ្រប់លក្ខណ៍ ដែលប្រាសាទនោះត្រូវបានកសាងឡើងនៅសតវត្សទី៧ […]

សិស្សថ្នាក់ទី៥ ទៅធ្វើទស្សនកិច្ចសិក្សានៅព្រះបរមរាជវាំងចតុមុខមង្គល

កាលពីថ្ងៃទី១៥ ខែមិថុនា ឆ្នាំ២០១៨ កន្លងទៅនេះ គណៈគ្រប់គ្រងសាលា និងលោកគ្រូ អ្នកគ្រូ​នៃ​សាលារៀន អន្តរទ្វីប អាមេរិកាំង បានដឹកនាំសិស្សានុសិស្សថ្នាក់ទី៥ ទាំង៣សាខា​រួមមាន សាខា​ម៉ៅសេទុង (ការិយា​ល័យ​​​​​​​កណ្តាល) សាខាទួលគោក និងសាខាចាក់អង្រែ បានទៅកាន់ព្រះបរមរាជវាំង ចតុ​មុខ​មង្គល។ពេលទៅដល់ទីនោះ សិស្សានុសិស្សបានស្វែង​​យល់​ពីព្រះ​បរម​រាជ​វាំង​ចតុមុខមង្គល ដែល​ជាទី​តាំង​រាជធានីខ្មែរបច្ចុប្បន្ន និងជាទីតំណាង​ជាតិទាំង​មូល ជាពិសេស​គឺ​ស្វែង​យល់​ជាក់​​ស្តែងពី សម្បត្ដិបេតិកភណ្ឌ​ជាតិដ៏មានតម្លៃ​ ប្រពៃ​ណី​​ទំនៀម​ទម្លាប់ខ្មែរ ព្រឹត្តិការ​ណ៍ប្រវត្តិ​សា​ស្រ្ត​ និង      ពង្សា​វតារ​ក្នុងមណ្ឌល​វប្បធម៌ជាតិ ផ្សារភ្ជាប់​ទៅនឹង​សៀវភៅ​មេរៀនសិក្សារបស់សិស្សា​នុ​សិស្ស​ផ្ទាល់    តែ​ម្តង។ សិស្សានុសិស្សបាន​សិក្សាជាក់​ស្តែង​ពី​ទិដ្ឋភាព​ទូទៅក្នុង​ព្រះបរម​រាជវាំង ដោយមានការ ពន្យល់បង្ហាញពីមគ្គុទេ្ទសក៍អំពីវិសាលភាពនៃសម្បត្តិវប្ប​ធម៌​ជាតិ និង​រាជ​ធានី​​​​​ខ្មែរដែលបានផ្លាស់​ប្តូរ​ទីតាំងជាបន្តបន្ទាប់​​រហូតមកដល់បច្ចុប្បន្ន និងបានស្គាល់​នូវ​ព្រះរាជ​ដំណាក់​​ព្រះ​មហា​ក្សត្រ និង ព្រះញាតិវង្ស​គង់ប្រថាប់ រួមទាំងឈ្មោះ និងតួនាទីនៃប្រាសាទនីមួយៗ​ក្នុងព្រះបរម​រាជ​វាំង ហើយ សិស្សានុសិស្ស​មានការកោត​សរសើរស្ញប់ស្ញែង​មិនដាច់ពីមាត់​ចំពោះសម្បត្ដិ​បេតិកភណ្ឌ​ជាតិ​ដ៏​មាន តម្លៃ និងស្នាដៃសំណង់​ស្ថាបត្យ​កម្ម​បែប​ប្រពៃណីជាតិ​​ដ៏ល្អវិចិត្រ​របស់ស្ថាបត្យ​ករ​ខ្មែរដ៏ឆ្នើម។ បន្ទាប់ពីទស្សនកិច្ចសិក្សាបានបញ្ចប់ សិស្សានុសិស្ស លោកគ្រូ អ្នកគ្រូ និងចាងហ្វាងបាន    ថ​ត​រូប​អនុស្សាវរីយ៍​នៅមុខព្រះ​បរម​រាជ​វាំង​ចតុមុខមង្គល មុន​ពេល​ធ្វើដំណើរត្រលប់មកសាលារៀន វិញ និងបានមក​កាន់​ត្រឡប់មកសាលារៀនតាមសាខានីមួយៗប្រកប​ដោយ​សុវត្ថិភាព និងភាព រីករាយ។ សិស្សានុសិស្សបានស្គាល់ និងបានយល់ដឹងកាន់ស៊ីជម្រៅអំពីសម្បត្ដិបេតិកភណ្ឌ​ជាតិដ៏មានតម្លៃ​ ប្រពៃ​ណី​​ទំនៀម​ទម្លាប់ខ្មែរ […]