បញ្ចូលពាក្យគន្លឹះ​​​​របស់អ្នកនៅទីនេះ

កម្មវិធីទស្សនកិច្ចសិក្សា

ដំណើរទស្សនកិច្ចសិក្សារបស់សិស្សានុសិស្សថ្នាក់ទី៤ នៅសារមន្ទីរជាតិ

កាលពីថ្ងៃទី៣០ ខែមីនា ឆ្នាំ២០១៨ កន្លងទៅនេះ គណៈគ្រប់គ្រងសាលារៀន អន្តរទ្វីប        អាមេរិកាំង បានដឹកនាំសិស្សានុសិស្សថ្នាក់ទី៤ ធ្វើដំណើរចុះទស្សនកិច្ចនៅសារមន្ទីរជាតិ ដែលស្ថិតនៅរាជធានីភ្នំពេញ។នៅពេលធ្វើដំណើរទៅដល់សារមន្ទីរជាតិ គណៈគ្រប់គ្រងបានដឹកនាំសិស្សានុសិស្សចូលទៅក្នុងបរិវេណសារមន្ទីរជាតិ ហើយមគ្គទេសក៍ប្រចាំការនៅទីនោះក៏បានបង្ហាញពីប្រភេទចម្លាក់ ក្បូរក្បាច់រចនា អាយុកាល ប្រវត្តិសាស្ត្រ និងឈ្មោះផ្សេងៗរបស់ចម្លាក់នីមួយៗ ជាពិសេសបានធ្វើការបង្ហាញប្រាប់អំពីមរតកស្នាដៃ ដែលដូនតាខ្មែរបានបន្សល់ទុកមករហូតមកដល់បច្ចុប្បន្ន។ បន្ថែមលើនេះទៅទៀត មគ្គទេសក៍បានរៀបរាប់ និងបង្ហាញពីសម័យកាលនីមួយៗនៃការកសាងប្រាសាទ ក៏ដូចជាចម្លាក់ជូនដល់សិស្សានុសិស្សបានយ៉ាងក្បោះក្បាយ និងស៊ីជម្រៅផងដែរ។សិស្សានុសិស្សបានស្គាល់ បានយល់ដឹងកាន់ស៊ីជម្រៅអំពីចម្លាក់សាសនា ចម្លាក់ក្បូរក្បាច់ រចនាបថផ្សេងៗក្នុងការកសាងចម្លាក់ប្រាសាទជាដើម ហើយសិស្សានុសិស្សបានស្រូបយកនូវខ្យល់អាកាសបរិសុទ្ធធ្វើឱ្យអារម្មណ៍ស្រស់ថ្លា និងបានមើលឃើញទិដ្ឋភាពដ៏ស្រស់ស្អាត   ផ្សេងៗនៅទីនោះ ដែលបរិយាកាសទាំងអស់នេះធ្វើឱ្យសិស្សានុសិស្សអាចបំបាត់អស់ភាពនឿយហត់ និងបង្កជាភាពសប្បាយរីករាយ។

ដំណើរទស្សនកិច្ចសិក្សារបស់សិស្សានុសិស្ស នៃសាលារៀន អន្តរទ្វីប អាមេរិកាំង

កាលពីថ្ងៃទី២៧ និងទី២៨ សាលារៀន អន្តរទ្វីប អាមេរិកាំង ទាំងបីសាខា បានដឹកនាំសិស្សតាមសាខារាងៗខ្លួន ទៅទស្សនកិច្ចសិក្សានៅ​មជ្ឈមណ្ឌល​អប់រំនិង​កម្សាន្ត ឃីដ ស៊ីធី។ ដើម្បីបង្កើនឱ្យសិស្សមានភាពក្លាហាន និងបង្កើតទំនាក់ទំនងជាមួយមិត្តភក្កកាន់ល្អប្រសើរ បន្ថែមលើសពីនេះទៀតបញ្ជ្រាបចំណេះដឹងសង្គម​វប្បធម៌​ខាង​ក្រៅ​ឱ្យ​កុមារ​បាន​យល់ដឹង​កាន់តែ​ច្បាស់ដែលបានផ្សារភ្ជាប់ទៅលើទ្រឹស្តីមេរៀន និងការអនុវត្តក្នុងថ្នាក់។ តាម​រយៈ​កម្ម​​សិក្សា​​នេះ​​ដែរ​ សិស្ស​​ក៏​អាច​ឈ្វេង​យល់​ពី​ឧបករណ៍​សិក្សា ទំនើបៗ​តាម​បែប​វិទ្យាសាស្រ្ត រួម​ទាំង​រៀន​ពី​របៀប​លេង​ឧបករណ៍​ផ្សេងៗប្រកប​ដោយ​ប្រសិទ្ធភាព។

ដំណើរទស្សនកិច្ចសិក្សាលើកទី១១៦ ប្រចាំសាលារៀន អន្តរទ្វីប អាមេរិកាំង

កាលពីថ្ងៃទី២៤ ខែកុម្ភៈ កន្លងទៅថ្មីៗនេះ គណៈគ្រប់គ្រងសាលារៀន អន្តរទ្វីប អាមេរិកាំង​ ទាំងបីសាខាដរួមគ្នា បានរៀបចំដំណើរទស្សនកិច្ចសិក្សាលើកទី១១៦ សម្រាប់សិស្សានុសិស្សថ្នាក់ទី១១ ទៅកាន់រមណីដ្ឋានភ្នំដា ស្ថិតនៅក្នុងភូមិព្រែកតាផ ឃុំគោកធ្លក ស្រុកអង្គរបុរី ខេត្តតាកែវ។ គោលបំណងនៃដំណើរទស្សនៈកិច្ចសិក្សា គឺដើម្បីឱ្យប្អូនៗស្វែងយល់ពីទីតាំងប្រវត្តសាស្ត្រប្រាសាទភ្នំដាសម័យកាលហ្វូណន់ នាសតវត្សរ៍ទី៤-៦​ ដែលទាក់ទងនឺងទីកន្លែងចាប់ផ្តើមកំណើតដំបូងបំផុតនៃសង្គមជាតិកម្ពុជា​ និងប្រាសាទបុរាណ។ ក្រៅពីប្អូនៗអាចឆ្លុះបញ្ចាំងខ្លឹមសារមេរៀន និងទទួលបាននូវចំណេះដឹងថ្មីៗ។ គួរបញ្ជាក់ថា ក្នុងដំណើរទស្សនៈកិច្ចសិក្សានេះផងដែរ ប្អូនៗបានធ្វើដំណើរទៅកាន់សាលាបឋមសិក្សា សុខអាន ទួលសំបូរ ដើម្បីចែកអំណោយជាសម្ភារសិក្សាដល់សិស្សានុសិស្សដែលសិក្សានៅទីនោះ៕

ដំណើរទស្សនកិច្ចសិក្សាលើកទី១១៥ ប្រចាំសាលារៀន អន្តរទ្វីប អាមេរិកាំង

កាលពីថ្ងៃទី២៦ ខែមករា ឆ្នាំ២០១៨ កន្លងទៅនេះ សាលារៀន អន្តរទ្វីប អាមេរិកាំង នៅម៉ៅសេទុង បាននាំសិស្សានុសិស្សថ្នាក់ទី២ ទាំងពីរវេនទៅ ទស្សនកិច្ចសិក្សានៅក្នុងបរិវេណផ្សារបន្លែសុវណ្ណាដែលដឹកនាំដោយចាងហ្វាង ព្រមទាំងលោកគ្រូអ្នកគ្រូ និងសហការីរួមការងារមួយចំនួនផងដែរ។ សិស្សានុសិស្សដែលបានចូលរួមធ្វើទស្សនកិច្ចសិក្សានោះ មើលទៅពួកគេម្នាក់ៗហាក់រីករាយជាមួយនឹងការដើរមើលក្នុងផ្សារបន្លែ ដនោះណាស់។  លោកគ្រូអ្នកគ្រូបានណែនាំពួកគេឱ្យស្គាល់ពី ប្រភេទបន្លែ ផ្លែឈើ ត្រី សាច់ និងមុខទំនិញផ្សេងៗជាច្រើនទៀតនៅក្នុងផ្សារបន្លែសុវណ្ណា។ ការបង្រៀនសិស្សឱ្យស្គាល់ពីទិដ្ឋភាពសង្គមជាក់ស្តែង ជាវិធីសាស្រ្តដ៏ល្អប្រសើរមួយជួយឱ្យខួរក្បាលក្មេងឆាប់ទទួលនិងចងចាំបានល្អនូវអ្វីដែលពួកគេបានជួបប្រទះដោយផ្ទាល់។  សិស្សានុសិស្សក្រៅតែពីការសិក្សាក្នុងថ្នាក់រៀន គេក៏ត្រូវការឈ្វេងយល់ពីអ្វីដែលនៅជុំវិញខ្លួនគេដែរ។ ផ្ទុយមកវិញ បើសិស្សានុសិស្សគ្មានឱកាសឈ្វេងយល់ពីសង្គមខាងក្រៅនោះទេ ពួកគេក៏មិនអាចរីកចម្រើនល្អបានដែរ ហើយពេលដែលគេជួបបញ្ហាតូចតាចធ្វើឱ្យគេឆាប់ភ័យខ្លាច រួញរា និងឆាប់បាក់ស្មារតីក៏មាន។

ដំណើរទស្សនកិច្ចសិក្សាលើកទី១១២ ប្រចាំសាលារៀន អន្តរទ្វីបអាមេរិកាំង ថ្នាក់ទី៧

សាលារៀន អន្តរទ្វីប អាមេរិកាំង កាល​ពី​ថ្ងៃ​ទី​៣០ ខែ​ធ្នូ ឆ្នាំ​២០១៧ បានរៀបចំដំណើរទស្សនកិច្ចសិក្សា​របស់​សិស្សានុសិស្សថ្នាក់ទី៧ ទាំងបីសាខា ទៅកាន់សួនកម្សាន្តធម្មជាតិ EM ស្ថិតនៅភូមិបឹងធំ១ សង្កាត់បឹងធំ ខណ្ឌពោសែនជ័យ រាជធានីភ្នំពេញ។ដើម្បីស្វែងយល់​កាត់​បន្ថយ និង​ទប់ស្កាត់​ការ​ទទួល​ទាន​បន្លែ​មាន​សារធាតុ​ពុល ឬ​គីមី​ដែល​នាំ​ឱ្យ​ប៉ះពាល់​ដល់​សុខភាព។ ​សិស្សានុសិស្ស​បាន​យល់​ដឹង​ច្បាស់​ពី​ប្រភេទ​បន្លែ​ធម្មជាតិ​ណាដែល​​មាន​គុណប្រយោជន៍​ដល់​សុខភាព​ដូចជា​បន្លែ​ជួយ​ព្យាបាល​ជំងឺ​ បន្លែ​បង្កើត​ឈាម​ បន្លែ​ការពារ​សុខភាព​ និង​បន្លែ​មាន​ផ្ទុក​សារធាតុ​ពុល ឬ​គីមីដែលបណ្ដា​ឱ្យ​​ប៉ះពាល់​សុខភាព​។