បញ្ចូលពាក្យគន្លឹះ​​​​របស់អ្នកនៅទីនេះ

កម្មវិធីទស្សនកិច្ចសិក្សា

ដំណើរទស្សនកិច្ចសិក្សាលើកទី១២៧ ប្រចាំសាលារៀន អន្ដរទ្វីប អាមេរិកាំង

កាលពីថ្ងៃទី២២ ខែធ្នូ ឆ្នាំ២០១៨ កន្លងទៅគណៈគ្រប់គ្រង និងលោកគ្រូ អ្នកគ្រូ នៃសាលារៀន អន្ដរទ្វីប អាមេរិកាំង បានរៀបចំដំណើរទស្សនកិច្ចសិក្សាសម្រាប់សិស្សថ្នាក់ទី៧ ទាំងអស់ចុះធ្វើទស្សនកិច្ចសិក្សាទៅកាន់កសិដ្ឋាន កសិករគំរូ រស់ ម៉ៅ ស្ថិតនៅ​ក្នុងភូមិ​ចមពល ឃុំ​ពពេល ស្រុក​ត្រាំកក់ ខេត្ត​តាកែវ។ ដំណើរទស្សនកិច្ចសិក្សានេះ គឺជាឱកាសដ៏ល្អមួយសម្រាប់សិស្សានុសិស្សទទួលបាននូវចំណេះដឹង​ជា​ច្រើន​បន្ថែម​លើ​​​​មេរៀនក្នុងថ្នាក់ដូចជា៖ ១.    សិក្សាពីការដាំដំណាំកសិកម្មរបស់ប្រជាកសិករ ដែលជាដំណាំ​ធម្មជាតិ​នៅ​ក្នុង​ប្រទេស​កម្ពុជា។ ២.   យល់ដឹងបន្ថែមពីលក្ខណៈនៃការលូតលាស់របស់បន្លែបង្ការដូចជា សាឡាត់ តាំងឱ​ ស្ពៃជា​ច្រើន​ប្រ​ភេទ ​​ប៉េងប៉ោះ ម្ទេស ត្រប់ ម្រះព្រៅ ខ្ទឹម ជាដើម។​ ៣.   ស្វែងយល់ពីបច្ចេកទេសក្នុងការចិញ្ចឹមមាន់ ទា និងការដាំដុះប្រភេទបន្លែបង្ការខ្មែរ ​តាំង​ពី​ពេល​សាប​ព្រោះ រហូត​ដល់​ពេល​ប្រមូល​​ផល។ ៤.    គយគន់ទេសភាពភូមិឋាន និងយល់ដឹងពីការប្រកបមុខរបរប្រចាំថ្ងៃ កម្រិតជីវភាពរស់នៅ និងស្មារតី​ឧស្សាហ៍​ព្យាយាម​របស់​ប្រជាកសិក​រខ្មែរនៅក្នុងខេត្តតាកែវ។ ៥.    ទទួលបានចំណេះដឹងថ្មីៗជាច្រើនបន្ថែមស្ដីពីកសិកម្មដាំដុះពីប្រជាកសិករអាជីព។ ៦.    មានស្មារតីលើកស្ទួយ និងចូលរួមគាំទ្រវិស័យកសិកម្ម របស់​ប្រជាកសិករ​ខ្មែរ​យើង។ ៧.    រឹតចំណងមិត្ដភាព សាមគ្គីភាព បង្កើនភាពក្លាហាន […]

ដំណើរទស្សនកិច្ចសិក្សាទៅកាន់ ផ្សារទំនើប AEON II និងផ្សារទំនើបឡាក់គី ក្នុងផ្សារទំនើបស៊ីធីម៉ល

កាលពីថ្ងៃទី២០ ខែធ្នូ ឆ្នាំ២០១៨ កន្លងទៅនេះ សាលារៀន អន្តរទ្វីប អាមេរិកាំង បាននាំសិស្សថ្នាក់ មត្តេយ្យសិក្សាទៅទស្សនកិច្ចសិក្សានៅក្នុងផ្សារទំនើបឡាក់គីក្នុងផ្សារទំនើបស៊ីធីម៉ល និងផ្សារទំនើប AEON II ដែលដឹកនាំដោយចាងហ្វាង ព្រមទាំងលោកគ្រូអ្នកគ្រូ និងសហការីរួមការងារមួយចំនួនតាមសាខារៀងៗខ្លួនផងដែរ។ កុមារដែលបានចូលរួមធ្វើទស្សនកិច្ចសិក្សានោះ មើលទៅពួកគេម្នាក់ៗហាក់រីករាយជាមួយនឹងការដើរមើលក្នុងផ្សារនោះណាស់។  លោកគ្រូអ្នកគ្រូបានណែនាំពួកគេឱ្យស្គាល់ពី ប្រភេទបន្លែ ផ្លែឈើ ត្រី សាច់ និងមុខទំនិញផ្សេងៗជាច្រើនទៀតនៅក្នុងផ្សារទំនើបនោះ។ ការបង្រៀនកុមារឱ្យស្គាល់ពីទិដ្ឋភាពសង្គមជាក់ស្តែង ជាវិធីសាស្រ្តដ៏ល្អប្រសើរមួយជួយឱ្យខួរក្បាលក្មេងឆាប់ទទួល និងចងចាំបានល្អនូវអ្វីដែលពួកគេបានជួបប្រទះដោយផ្ទាល់។  កុមារក្រៅតែពីការសិក្សាក្នុងថ្នាក់រៀន គេក៏ត្រូវការឈ្វេងយល់ពីអ្វីដែលនៅជុំវិញខ្លួនគេដែរ។ ផ្ទុយមកវិញ បើកុមារគ្មានឱកាសឈ្វេងយល់ពីសង្គមខាងក្រៅនោះទេ ពួកគេក៏មិនអាចរីកចម្រើនល្អបានដែរ ហើយពេលដែលគេជួបបញ្ហាតូចតាចធ្វើឱ្យគេឆាប់ភ័យខ្លាច រួញរា និងឆាប់បាក់ស្មារតីក៏មាន។

ដំណើរទស្សនកិច្ចសិក្សាលើកទី១២៥ ទៅកាន់រមណីយដ្ឋាន ភ្នំឈើកាច់

កាលពីថ្ងៃទី១៥ ខែធ្នូ ឆ្នាំ២០១៨ កន្លងទៅនេះគណៈគ្រប់គ្រងសាលារៀន អន្ដរទ្វីប អាមេរិកាំង គ្រប់សាខា បានសិស្សថ្នាក់ទី១០ ទាំងអស់ចុះទស្សនកិច្ចសិក្សាទៅកាន់រមណីដ្ឋាន ភ្នំឈើកាច់ និងវត្តវិហារធំ ស្ថិតនៅ​ក្នុង​ឃុំឈើកាច់ ស្រុកបាភ្នំ ខេត្តព្រៃវែង។ កម្មវិធីនេះ គឺជាឱកាសដ៏ល្អមួយសម្រាប់សិស្សានុសិស្សទទួលបាននូវចំណេះដឹង​ជា​ច្រើន​បន្ថែម​លើ​​​​មេរៀនក្នុងថ្នាក់ដូចជា ស្វែងយល់ពីទីតាំងប្រវត្តិសាស្រ្តសម័យនគរភ្នំ នាសតវត្សរ៍ទី១ ដែលទាក់ទងនឹងដើមកំណើត អាណាចក្រខ្មែរ ផ្សារភ្ជាប់កម្មវិធីសិក្សាប្រវត្តិសាស្រ្ត យល់ដឹងពីទីតាំងប្រវត្តិសាស្រ្ត ដែលទាក់ទងនឹងភ្នំឈើកាច់ ដែល​មាន​ប្រវត្តិ​ល្បី​ល្បាញ​តាំង​ពី​បុរាណ​កាល​មក ស្វែងយល់ពីទីវត្តអារាម​​ ដែល​មាន​ជាប់​ទាក់​ទង​ទៅ​នឹង​ប្រវត្តិ​នៃ​ទី​កន្លែង​របស់​​តួ​អង្គ​ទុំ ​ក្នុង​រឿងទុំទាវ ផ្សារភ្ជាប់នឹងកម្មវិធីសិក្សាអប់រំអក្សរសិល្ប៍ យល់ដឹងពីការប្រកបមុខរបរប្រចាំថ្ងៃ កម្រិតជីវភាពរស់នៅ និងស្មារតីឧស្សាហ៍ព្យាយាមរបស់​ប្រជា កសិករ​នៅតាមទីជនបទ រួមទាំងបានគយគន់ទេសភាពភូមិឋាន ស្រែចម្ការច្បារដំណាំនៅអមសងខាង ដងវិថីក្នុងខេត្ដកណ្ដាល និងនៅ​ជុំវិញ​កំពូលភ្នំឈើកាច់ ដែលលាតសន្ធឹងនៅលើផ្ទៃដីកសិកម្មដ៏ធំ ល្វឹងល្វើយក្នុងខេត្ដព្រៃវែង យល់ដឹងបន្ថែមអំពីរឿងរ៉ាវ និងព្រឹត្ដិការណ៍​ប្រវត្តិសាស្រ្ត ដោយផ្សារភ្ជាប់​ទៅ​នឹង​ទិដ្ឋភាព​ជាក់​ស្ដែង​​នៃតំបន់​​ប្រវត្តិសាស្រ្ត ធនធានធម្មជាតិ ធនធានវប្បធម៌ និងទេស​​ចរណ៍ ទទួលបានចំណេះដឹងថ្មីៗជាច្រើនបន្ថែម និងមានស្មារតីចូលរួមលើកស្ទួយវិស័យវប្បធម៌ សាសនា ទេសចរណ៍ និងប្រវត្តិសាស្រ្ត  រឹតចំណងមិត្ដភាព សាមគ្គីភាព បង្កើនភាពក្លាហាន និងបទពិសោធន៍ក្នុងការបកស្រាយ ការសហការ ការដឹកនាំ […]

ដំណើរទស្សនកិច្ចសិក្សារបស់លោកគ្រូ អ្នកគ្រូក្រោមមត្តេយ្យ មត្តេយ្យ និងបឋមសិក្សា

កាលពីថ្ងៃទី១២ ខែកញ្ញា ឆ្នាំ២០១៨ កន្លងទៅនេះ គណៈកម្មការ នៃសាលារៀន អន្តរទ្វីប អាមេរិកាំង បានរៀបចំដំណើរទស្សនកិច្ចសិក្សារបស់លោកគ្រូ អ្នកគ្រូក្រោមមត្តេយ្យ មត្តេយ្យ និងបឋមសិក្សាទៅកាន់សហគមន៍តម្បាញកោះឧកញ្ញាតី។ ក្នុងដំណើរទស្សនកិច្ចនេះ ពង្រីកចំណេះដឹងបន្ថែមទៀតទៅលើអំពីសិប្បកម្មត្បាញរវៃរបស់ខែ្មរដើម្បីឱ្យលោកគ្រូ​ អ្នកគ្រូយកចំណេះដឹងទាំងនេះទៅបង្ហាត់បង្រៀនសិស្សានុសិស្សឱ្យកាន់តែយល់ច្បាស់អំពីដំណើរការផលិតសូត្រកាន់តែប្រសើរជាងមុន។

សិស្សថ្នាក់ទី៦ ធ្វើទស្សនកិច្ចសិក្សាលើកទី១២៣

កាលពីថ្ងៃទី១៤​ ខែកក្កដា ឆ្នាំ២០១៨ កន្លងទៅនេះ គណៈគ្រប់គ្រងសាលារៀន អន្ដរទ្វីប អាមេរិកាំង បានដឹកនាំសិស្សថ្នាក់ទី៦ទាំងអស់ចុះធ្វើទស្សនកិច្ចសិក្សារមណីយដ្ឋានទន្លេបាទី  ស្ថិតនៅ​ក្នុង​ភូមិថ្នល់ទក្សិណ ឃុំក្រាំងធ្នង់ ស្រុកបាទី ខេត្តតាកែវ និងបន្តទៅទស្សនកិច្ចសិក្សានៅឧទ្យានសួនសត្វភ្នំតាម៉ៅ ស្ថិតនៅក្នុងឃុំត្រពាំងសាប ស្រុកបាទី ខេត្តតាកែវ​។ការធ្វើទស្សនកិច្ចសិក្សានេះសម្រាប់សិស្សានុសិស្សទទួលបាននូវចំណេះដឹង​ជា​ច្រើន​បន្ថែម​លើ​​​​មេរៀនក្នុងថ្នាក់ដូចជា​ យល់ដឹងពីការប្រកបមុខរបរប្រចាំថ្ងៃ កម្រិតជីវភាពរស់នៅ និងស្មារតីឧស្សាហ៍ព្យាយាមរបស់​ប្រជាកសិករ​ខ្មែរនៅតាមទីជនបទ​ សិក្សាស្វែងយល់ពីប្រាសាទបុរាណ ចម្លាក់ សិលាចារឹកដែលមាននៅលើប្រាង្គប្រាសាទ ព្រមទាំងស្វែង យល់ពីទីកន្លែងគោរពសក្ការៈដ៏ពិសិដ្ឋតាមបែបព្រះពុទ្ធសាសនា និងព្រហ្មញ្ញសាសនា ស្គាល់ឈ្មោះបា្រង្គប្រាសាទ ព្រៃភ្នំ ធម្មជាតិ និងយល់ដឹងបន្ថែមពីឧទ្យានសួនសត្វភ្នំតាម៉ៅ និង មជ្ឈមណ្ឌលសង្គ្រោះសត្វព្រៃ សួនសត្វភ្នំតាម៉ៅ ដែលមានសត្វជាង១០០ប្រភេទ រួមទាំងបាន​គយគន់​ស្ថានភាព​ភូមិសាស្ដ្រ ទេសភាព​ភូមិឋាន ព្រៃភ្នំនៅអមសងខាងផ្លូវឡើងទៅឧទ្យានសួនសត្វ ភ្នំតាម៉ៅ និងនៅ​ជុំវិញ​តំបន់​ទស្សនកិច្ច​សិក្សាក្នុងខេត្តតាកែវ​​ ទទួលបានចំណេះដឹងថ្មីៗជាច្រើនបន្ថែម និងមានស្មារតីចូលរួមលើកស្ទួយវិស័យវប្បធម៌ សាសនា ចម្លាក់ ទេសចរណ៍ ប្រវត្តិសាស្រ្ត និងអភិរក្សសត្វព្រៃ។ ជាពិសេសឱ្យសិស្សានុសិស្សបង្កើនរឹតចំណងមិត្ដភាព សាមគ្គីភាព បង្កើនភាពក្លាហាន និងបទពិសោធន៍ក្នុងការបកស្រាយ ការសហការ ការដឹកនាំ ឯករាជ្យភាព ភាពម្ចាស់ការ ទំនាក់ទំនងក្នុងក្រុម និងទំនាក់ទំនងជាមួយមហាជន​បានកាន់តែ​ប្រសើរ។ […]