បញ្ចូលពាក្យគន្លឹះ​​​​របស់អ្នកនៅទីនេះ

អធិការកិច្ចថ្នាក់មន្ទីរអប់រំ

ដំណើរចុះអធិការកិច្ចរបស់មន្ទីអប់រំ យុវជន និងកីឡា រាជធានីភ្នំពេញ ឆ្នាំសិក្សា២០១៨-២០១៩

កាលពីថ្ងៃទី០៩ ខែមករា​ ឆ្នាំ២០១៩ កន្លងទៅនេះ គណៈប្រតិភូ​អធិការកិច្ច នៃ​មន្ទីរអប់រំ យុវជន និងកីឡា រាជធានី​ភ្នំពេញ ដឹកនាំ​ដោយ​លោកស្រី ប៊ី គឹមសែន ប្រធាន​ការិយាល័យអធិការកិច្ច បាន​ចុះអធិការ​កិច្ច នៅ​សាលារៀន អន្តរទ្វីប អាមេរិកាំង សាខាចាក់អង្រែ ដោយ​ផ្ដោត​សំខាន់​ទៅលើ​៣​ចំណុចរួមមាន៖ ការងារគ្រប់គ្រងរដ្ឋបាល បរិស្ថាន បច្ចេកទេសរៀន និងបង្រៀន បន្ទាប់​ពីគណៈប្រតិភូអធិការ​កិច្ច ចុះពិនិត្យ និង​តាមដានកិច្ចការ​មួយព្រឹក​ពេញនោះ លោកស្រី ប៊ី គឹមសែន ក៏បាន​កោត​សរសើរ​ពីការ​ខិត​ខំ​ប្រឹង​ប្រែង​របស់​គណៈ​គ្រប់​គ្រង និងលោកគ្រូ អ្នកគ្រូ ​នៃ​​សាលារៀន អន្តរទ្វីប អាមេរិកាំង ដែលបានអភិវឌ្ឍ និងរីកចម្រើនជាលំដាប់​។ លោកស្រី​បន្ថែម​ថា ឆ្នាំ​សិក្សា​២០១៨​-​២០១៩ នេះ កិច្ចការ​គ្រប់គ្រង​រដ្ឋបាល ការងារ​បរិស្ថាន និង​បច្ចេកទេស​រៀន និ​ងបង្រៀន គឺ​សម​ស្រប​ទៅ​នឹង​តម្រូវ​ការ​របស់​ក្រសួង​អប់រំ ក៏​ដូច​មន្ទីរ​អប់រំ យុវជន និងកីឡា រាជធានី​ភ្នំពេញ។​ ប្រធានការិយាល័យអធិការកិច្ច បាន​លើកទឹក​ចិត្តដល់ សាលារៀន អន្តរទ្វីប អាមេរិកាំង ​បន្ដជំរុញការលើកកម្ពស់សុវត្ថិភាព […]

ដំណើរចុះអធិការកិច្ចរបស់មន្ទីអប់រំ យុវជន និងកីឡា រាជធានីភ្នំពេញ ឆ្នាំសិក្សា២០១៨-២០១៩

កាលពីថ្ងៃទី២៧ ខែធ្នូ​ ឆ្នាំ២០១៨ កន្លងទៅនេះ គណៈប្រតិភូ​អធិការកិច្ច នៃ​មន្ទីរអប់រំ យុវជន និងកីឡា រាជធានី​ភ្នំពេញ ដឹកនាំ​ដោយ​លោក ហ៊ាង ឡាឌី ប្រធាន​ការិយាល័យ​មធ្យម​សិក្សា បាន​ចុះអធិការ​កិច្ច នៅ​សាលារៀន អន្តរទ្វីប អាមេរិកាំង សាខាម៉ៅ​សេទុង ដោយ​ផ្ដោត​សំខាន់​ទៅលើ​៣​ចំណុច។ បន្ទាប់​ពីគណៈប្រតិភូអធិការ​កិច្ច ចុះពិនិត្យ និង​តាមដានកិច្ចការ​មួយព្រឹក​ពេញនោះ លោក ហ៊ាង ឡាឌី ក៏បាន​កោត​សរសើរ​ពីការ​ខិត​ខំ​ប្រឹង​ប្រែង​របស់​គណៈ​គ្រប់​គ្រង និងលោកគ្រូ អ្នកគ្រូ ​នៃ​​សាលារៀន អន្តរទ្វីប អាមេរិកាំង ដែលបានអភិវឌ្ឍន៍ និងរីកចម្រើនបាន​លឿន​។ លោក​បន្ថែម​ថា ឆ្នាំ​សិក្សា​២០១៨​-​២០១៩ នេះ កិច្ចការ​គ្រប់គ្រង​រដ្ឋបាល ការងារ​បរិស្ថាន និង​បច្ចេកទេស​រៀន និ​ងបង្រៀន គឺ​សម​ស្រប​ទៅ​នឹង​តម្រូវ​ការ​របស់​ក្រសួង​អប់រំ ក៏​ដូច​មន្ទីរ​អប់រំ យុវជន និងកីឡា រាជធានី​ភ្នំពេញ។​ ប្រធាន​ការិយាល័យ​មធ្យម​សិក្សា បាន​លើកទឹក​ចិត្ត និង​ជំរុញ​​ដល់ សាលារៀន អន្តរទ្វីប អាមេរិកាំង ​នូវ​កម្មវិធី​សិក្សា​មួយ​ចំនួន​ទៀត​បន្ថែម​។ ក្នុងនោះ​មាន​​ មុខវិជ្ជា ស្ដីពី​អំពើពុករលួយ […]

ដំណើរចុះអធិការកិច្ចរបស់មន្ទីអប់រំ យុវជន និងកីឡា រាជធានីភ្នំពេញ

កាលពីថ្ងៃទី១៨ ខែធ្នូ ឆ្នាំ២០១៨ កន្លងទៅនេះ គណៈប្រតិភូអធិការកិច្ច នៃមន្ទីរអប់រំ  យុវជន និងកីឡា រាជធានីភ្នំពេញដែលដឹកនាំដោយលោក សាំង សុផល អនុប្រធានការិយាល័យមធ្យមសិក្សាធ្វើការវាយតម្លៃ សាលារៀន អន្តរទ្វីប អាមេរិកំាង សាខាទួលគោក។ ជាលទ្ធផលគណៈប្រតិភូអធិការកិច្ចបានកោតសរសើរលើចំណុចបីគឺការគ្រប់គ្រងរដ្ឋបាលអប់រំ គឺគណប្រតិភូ​នៃអធិការកិច្ច បាន​ពិនិត្យ​យ៉ាង​ល្អិតល្អន់​ឃើញថា ការងារ​រដ្ឋ​បាល គឺ​សម​ស្រប​ទៅ​នឹង​តម្រូវ​ការ​របស់​ក្រសួង​អប់រំ ក៏ដូច​មន្ទីរ​អប់រំ យុវជន និងកីឡា រាជធានី​ភ្នំពេញ។ បន្ទាប់មកការគ្រប់គ្រងការងារបរិស្ថាន ត្រូវបានមន្ទីរអប់រំ​កោតសរសើរ និង​វាយតម្លៃ​ជា​សាលារៀន ដែលមាន​បរិស្ថាន​ល្អទាំង​បរិវេណ​ខាង​ក្នុង និង​បរិវេណ​ខាង​ក្រៅ ពីព្រោះ ​មាន​ចំណត​យានយន្ត​ត្រឹមត្រូវ អាហារដ្ឋាន​ប្រកប​ដោយ​អនាម័យល្អ ជាពិសេស ក្នុងប​រិវេណ​សាលារៀន​ គឺ​​លម្អទៅ​ដោយ​ដំណាំ ដើម​ឈើ និង​បន្លែ​ជាដើម។ ។ជាចុងក្រោយបច្ចេកទេសរៀន និងបង្រៀនសាលារៀន​ទទួល​បាន​ចំណុច​ល្អៗច្រើន​​ ពោល​ទាំង​គុណ​ភាពគ្រូ គុណភាព​បង្រៀន បច្ចេក​ទេស​បង្រៀន និង​គរុកោសល្យ​បង្រៀន។ សរុបជាលទ្ធផលសាលារៀន អន្តរទ្វីប អាមេរិកំាង សាខាទួលគោកធ្វើបានល្អស្ទើរ១០០ភាគរយ ប៉ុន្តែមានចំណុចចន្លោះប្រហោងតិចតូចបំផុតក្នុងការអភិវឌ្ឍន៍បន្ថែម។

ដំណើរចុះអធិការកិច្ចរបស់មន្ទីរអប់រំ យុវជន និងកីឡា រាជធានីភ្នំពេញ

កាលពីថ្ងៃទី២៦ ខែវិច្ឆិកា ឆ្នាំ២០១៨ កន្លទៅនេះ លោក ព្រាប កុម្ភៈ ប្រធានការិយាល័យបឋមសិក្សា និងជាគណៈកម្មការពិនិត្យតាមដាន និងវាយតម្លៃ​ ព្រម​ទាំង​ជា​ប្រធាន​គណៈ​ប្រតិភូ​អធិការ​កិច្ច នៃមន្ទីរអប់រំ យុវជន និងកីឡា រាជធានីភ្នំពេញ បានដឹកនាំក្រុម​ការងារ​ ចុះអធិការ​កិច្ចផ្នែក​បឋម​សិក្សា​ នៅ​សាលារៀន អន្តរទ្វីប អាមេរិកាំង សាខាម៉ៅសេទុង  ដើម្បី​ត្រួតពិនិត្យលើរចនាសម្ពន្ធសាលារៀន ការគ្រប់​គ្រង បរិស្ថាន រដ្ឋបាល​ និង​បច្ចេក​ទេស​បង្រៀន​សម្រាប់​ឆ្នាំ​សិក្សា២០១៨-២០១៩​ បាន​ប្រព្រឹត្តិ​យ៉ាង​រលូន​។ ក៏ព្រោះដោយមានការទទួលស្វាគមន៍ពីសំណាក់​​ប្រធាន​សាលា នាយកចាងហ្វាង ចាងហ្វាង​ លោកគ្រូ ​អ្នកគ្រូ និងបុគ្គលិក នៃសាលារៀន អន្តរទ្វីប អាមេរិកាំង ផងដែរ។ក្នុងដំណើរការបូកសរុប និងវាយតម្លៃការពិនិត្យអធិការកិច្ចនោះរួចមក លោក ព្រាប កុម្ភៈ បាន​កោត​សរសើរ ដល់សាលារៀន អន្តរទ្វីប​ អាមេរិកាំង ថា ​គ្រឹះ​ស្ថាន​អប់រំ​មួយនេះ មានការអភិវឌ្ឍ និងរីកចម្រើនជាងបណ្ដាឆ្នាំមុនៗហួល​ពីការ​រំពឹងទុក។ មិន​តែ​ប៉ុណ្ណោះ​ ប្រធាន​ការិយា​ល័យ​បឋម​សិក្សា និងជាគណៈកម្មការ​ពិនិត្យ​តាមដាន និងវាយតម្លៃ​ដដែល​រូបនោះ បាន​បន្តស្ងើច​សរសើរ​ចំពោះ​ស្នាដៃ​ និង​ការ​ប្ដេជ្ញា​ចិត្ត​ដ៏​ខ្ពង់ខ្ពស់​របស់​គណៈ​នាយក […]

ពិធីបដិសណ្ឋារកិច្ច គណៈប្រតិភូអធិការកិច្ច នៃមន្ទីអប់រំ យុវជន និងកីឡារាជធានីភ្នំពេញ មកកាន់សាលារៀន អន្តរទ្វីប អាមេរិកាំង សាខាទួលគោក

កាលពីព្រឹកថ្ងៃទី១៩ ខែមករា ឆ្នាំ២០១៨ កន្លងទៅនេះ គណៈប្រតិភូអធិការកិច្ច នៃមន្ទីរអប់រំ យុវជន និងកីឡា រាជធានីភ្នំពេញ ដឹកនាំដោយលោក ហ៊ាង ឡាឌី ប្រធានការិយាល័យមធ្យមសិក្សា និងជាគណៈកម្មការពិនិត្យតាមដាន និងវាយតម្លៃ​ ព្រម​ទាំង​ជា​ប្រធាន​គណៈ​ប្រតិភូ​អធិការ​កិច្ច នៃមន្ទីរអប់រំ យុវជន និងកីឡា រាជធានីភ្នំពេញ បានដឹកនាំក្រុម​ការងារ​ប្រមាណ​ជាង០៨នាក់ ចុះអធិការ​កិច្ចផ្នែក​មធ្យម​សិក្សា​ នៅ​សាលារៀន អន្តរទ្វីប អាមេរិកាំង សាខាទួលគោក ដើម្បី​ត្រួតពិនិត្យលើរចនាសម្ពន្ធសាលារៀន ការគ្រប់​គ្រង បរិស្ថាន រដ្ឋបាល​ និង​បច្ចេក​ទេស​បង្រៀន​ជាដើម។ ​អនុ​ប្រធាន​សាលា ប្រធានចាងហ្វាង ចាងហ្វាង​ លោកគ្រូ ​អ្នកគ្រូ និងបុគ្គលិក នៃសាលារៀន អន្តរទ្វីប អាមេរិកាំង មានការទទួលស្វាគមន៍គណៈប្រតិភូអធិការកិច្ច នៃមន្ទីអប់រំ យុវជន និងកីឡារាជធានីភ្នំពេញ។ គណៈប្រតិភូអធិការកិច្ច បាន​បន្តស្ងើច​សរសើរ​ចំពោះ​ស្នាដៃ​ និង​ការ​ប្ដេជ្ញា​ចិត្ត​ដ៏​ខ្ពង់ខ្ពស់​របស់​គណៈ​នាយក នាយក លោកគ្រូ អ្នកគ្រូ និង​បុគ្គលិក​គ្រប់ផ្នែក​ទាំងអស់ ដែលបាន​រួមចំណែក​អភិវឌ្ឍន៍​សាលារៀន​ និង​មាន​ភាព​ល្បីសុះ​សាយ​នៅ​ទូទាំង​ប្រទេស ។ ​គណៈប្រតិភូអធិការកិច្ច […]