ទំព័រដើម / សាលារបស់យើងជាកន្លែងសក្តិសមបំផុតសម្រាប់កុមារ
សាលារៀន AIS របស់យើង ផ្តល់នូវប្រព័ន្ធវិធីសាស្រ្តមួយដែលមានគុណភាពខ្ពស់ដើម្បីជួយដល់ការរីកចម្រើនរបស់កូនលោកអ្នកដោយផ្អែកលើតម្រូវការផ្ទាល់ខ្លួនរបស់ពួកគាត់។ យើងជឿជាក់ថាកូនៗម្នាក់ៗ គឺមានសក្តានុពលគ្មានដែនកំណត់ ហើយមានសារៈសំខាន់ណាស់ក្នុងការរៀបចំពួកគាត់ឱ្យពូកែស្របពេលដែលពួកគាត់រក្សាភាពខ្លាំង និងចំណង់ចំណូលចិត្តផ្ទាល់ខ្លួនរបស់ពួកគាត់។ ចំពោះយើង ការធ្វើឱ្យកូនៗម្នាក់ៗមានភាពខ្លាំងមានន័យថាយើងទទួលបានលទ្ធផលកាន់តែខ្លាំង។ ក្រៅតែអំពីការសិក្សា សាខានៃសាលារៀនយើងនីមួយៗក៏ផ្តោតផងដែរចំពោះតម្លៃនៃវប្បធម៌ សុជីវធម៌ គុណធម៌ ទំនាក់ទំនងជាសកល និងការចូលរួមក្នុងសង្គមរបស់កូនៗដើម្បីឱ្យពួកគាត់ក្លាយបុគ្គលមួយដែលពោរពេញទៅដោយធនធាន និងភាពជោគជ័យនៅតាមសហគមន៍ និងតំបន់ដែលពួកគាត់រស់នៅទាំងក្នុង និងក្រៅប្រទេស។ ជាមួយនឹងកម្មវិធីសិក្សា ដែលមានការច្នៃប្រឌិតពិសេស សម្បូរបែប និងទំនើប ហើយដែលទទួលស្គាល់ និងការកោតសរសើរដោយ មន្ទីរ ក្រសួងអប់រំ ស្ថានទូត និងស្ថាប័នអន្តរជាតិល្បីៗទូទាំងពិភពលោក បានធ្វើឱ្យសាលារៀន អន្តរទ្វីប អាមេរិកាំង យើងក្លាយជាសាលាដែលផ្តល់ការអប់រំនាំមុខគេនៅក្នុងប្រទេសកម្ពុជា។
សាលារៀន អន្តរទ្វីប អាមេរិកាំង ផ្តល់នូវគោលការណ៍សម្រាប់ភាពជោគជ័យដល់កូនៗរបស់លោកអ្នក។ សិស្សានុសិស្សជាច្រើនរបស់យើងបានបន្តការសិក្សារបស់ពួកគេផ្នែកចំណេះដឹងទូទៅ និងថ្នាក់មហាវិទ្យាល័យនៅសាលាល្បីៗជាច្រើនទាំងក្នុងប្រទេស និងក្រៅប្រទេសមានដូចជាសហរដ្ឋអាមេរិក អូស្រ្តាលី អង់គ្លេស ជប៉ុន សឹង្ហបុរី ជាដើម។ យើងជួយកូនៗរបស់លោកអ្នកឱ្យយល់ពីទេពកោសល្យ និងពីចំណង់ចំណូលចិត្តពិតប្រាកដ និងបើកទ្វារដើម្បីភាពជោគជ័យដ៏ត្រចះត្រចង់សម្រាប់ពួកគាត់។
យើងអនុវត្តកម្មវិធីសិក្សាទំនើបពិសេសរបស់យើងដែលទទួលស្គាល់ កោតសរសើរ និងឱ្យតម្លៃដោយមន្ទីរ និងក្រសួងអប់រំនៃព្រះរាជាណាចក្រកម្ពុជា។ សិស្សានុសិស្សនៃសាលារៀន អន្តរទ្វីប អាមេរិកាំង របស់យើង ទទួលបានការជោគជ័យយ៉ាងត្រចះត្រចង់គ្រប់កម្រិត ក្នុងនោះសម្រាប់សិស្សថ្នាក់៩ ការប្រឡងឌីប្លូមរបស់សិស្សជាប់១០០% ស្ទើរតែជារៀងរាល់ឆ្នាំ។ ចំណែកសិស្សថ្នាក់ទី១២ ប្រឡងជាប់សញ្ញាបត្របាក់ឌុបទទួលបានភាគរយច្រើនជាងគេ (ជាង៩០%) បើប្រៀបធៀបជាមួយសាលាឯកជន និងសាលារដ្ឋនានានៅទូទាំងប្រទេស។ ហើយភាគរយនៃសិស្សជាប់និទ្ទេសA សម្រាប់លទ្ធផលការប្រឡងបាក់ឌុបប្រចាំឆ្នាំក៏ទទួលបានភាគរយច្រើនជាងគេដែរ។
ឌឹអុីរ៉ាវាឌី ដូលហ្វីន
ខ្មែរ
អង់គ្លេស