កាលពីថ្ងៃទី១៨ ខែមីនា ឆ្នាំ២០២៤ កន្លងទៅថ្មីៗនេះ សាលារៀន អន្តរទ្វីប អាមេរិកាំង សាខាតាកែវ បានរៀបចំកម្មវិធីបំណិនជីវិតស្ដីអំពី “បង្អែមចាហួយដូង” សម្រាប់សិស្សានុសិស្សថ្នាក់ទី១ ថ្នាក់ទី២ និងថ្នាក់ទី៣ ដែលបង្រៀនដោយអ្នកគ្រូ អ៊ែល សុលីតា។ ការបង្កើតកម្មវិធីនេះឡើង ដើម្បីឱ្យប្អូនចេះធ្វើបង្អែម មានគំនិតច្នៃប្រឌិត  ការអភិវឌ្ឍន៍ផ្នែកស្មារតី អារម្មណ៍ និងបង្កើនការចង់ញ៉ាំអាហារជាងមុន។ មួយវិញទៀត កម្មវិធីនេះចង់ឱ្យប្អូនៗចេះរៀបចំ ត្រៀមសម្ភារៈ បំរុងប្រយ័ត្ននៅពេលធ្វើបង្អែម និងការធ្វើអាហារបែបងាយៗ រួមទាំងបង្រៀនឱ្យពួកគាត់មានភាពម្ចាស់ការដោយខ្លួនឯងផងដែរ។

សិស្សានុសិស្សបានប្រឹងប្រែងយកចិត្តទុកដាក់មើលពីរបៀបនៃគ្រូបង្រៀន ដោយអារម្មណ៍សប្បាយរីករាយជាពិសេសគឺ ជាពេលវេលាបង្កើតនូវអនុស្សាវរីយ៍ជាមួយមិត្តរួមថ្នាក់ក៏ដូចជាលោកគ្រូ អ្នកគ្រូផងដែរ ។