ទំព័រដើម / បង្កើតបទពិសោធល្អៗសម្រាប់កុមារទាំងក្នុង និងក្រៅថ្នាក់
សាលារៀនយើងធ្វើយ៉ាងណាខិតខំដើម្បីធានាថាសិស្សានុសិស្សទាំងអស់ចូលចិត្តការសិក្សារបស់ពួកគាត់។ ហើយយើងធ្វើការអប់រំពួកគាត់ដើម្បីឱ្យក្លាយទៅជាសមាជិកដែលមានឆន្ទៈ គុណតម្លៃ និងភាពច្នៃប្រឌិតនៅក្នុងសហគមន៍សាលារៀននៅតាមតំបន់នីមួយៗរបស់ពួកគាត់។ ជាមួយគ្នានេះដែរ យើងក៏ធ្វើការលើកទឹកចិត្តដល់ពួកគាត់ដើម្បីឱ្យក្លាយជាសមាជិករួមដ៏សំខាន់នៃសហគមន៍សាលារៀនរបស់យើងនៅក្នុងរាជធានី ឬប្រទេសទាំងមូល។
នៅពេលលោកអ្នក និងកូនៗរបស់លោកអ្នកចូលរួមក្នុងសហគមន៍អប់រំនៃ អន្តរទ្វីប អាមេរិកាំង របស់យើង លោកអ្នក និងកូនៗនឹងត្រូវបានស្វាគមន៍ក្នុងសហគមន៍យ៉ាងកក់ក្តៅ។ លោកគ្រូ អ្នកគ្រូ បុគ្គលិកគ្រប់ជាន់ថ្នាក់ ត្រៀមខ្លួនជានិច្ចក្នុងការជួយលោកអ្នក និងពួកគាត់ក្នុងទិដ្ឋភាពនៃជីវិតអប់រំនៅសាលារៀន អន្តរទ្វីបយើង។ សាលារៀន យើង គឺជាមជ្ឈមណ្ឌលអប់រំសម្រាប់សហគមន៍របស់ពួកគាត់ ហើយមានព្រឹត្តិការណ៍ និងសកម្មភាពដ៏មានតម្លៃជាច្រើនសម្រាប់ពួកគាត់ដូចជាកម្មវិធីអប់រំពិសេស កម្មវិធីប្រកួតប្រជែងផ្សេងៗ កម្មវិធីជំនាញថ្ងៃសៅរ៍ កម្មវិធីទស្សនកិច្ច កម្មវិធីវប្បធម៌ និងកម្មវិធីសង្គមជាដើម។
បច្ចុប្បន្នសាលារៀន អន្តរទ្វីប អាមេរិកាំង មានប្រាំបីសាខា ដូចជា ការិយាល័យកណ្តាល សាខាទួលគោក សាខាចាក់អង្រែ សាខាចោមចៅ សាខាផ្សារថ្មី សាខាជ្រោយចង្វារ សាខាសៀមរាប និងសាខាតាកែវ មានសិស្សសរុបប្រមាណជិត ១០០០០នាក់ជារៀងរាល់ឆ្នាំ ដែលជាគ្រួសារសិក្សាមួយដ៍ធំ និងស្អិតរមួតរបស់កូនៗនៅក្នុងប្រទេស។ ជាមួយគ្នានេះដែរ តាមរយៈវេទិកាកម្មវីធីរួមប្រចាំឆ្នាំនៃគ្រួសាររបស់យើង សិស្សានុសិស្សដែលមកពីទីតាំងខុសៗគ្នានៅរាជធានី និងខេត្តនៃប្រទេសបានជួបគ្នានៅក្នុងបរិកាសមួយប្រកបដោយភាពរំភើបរីករាយ និងខុសអំពីលក្ខណៈសិក្សាធម្មតាដោយបង្កើតនូវការបង្រៀន ការចែករំលែក និងផ្លាស់ប្តូរទស្សនវិស័យដ៏ទូលំទូលាយដែលជាសកម្មភាពសំខាន់មួយផ្តល់នូវការរៀន និងការយល់ដឹងពីរបៀបដើម្បីធ្វើឱ្យមានការផ្លាស់ប្តូរជាវិជ្ជមាន នៅតាមសហគមន៍សិក្សារបស់ពួកគាត់នីមួយៗ។
ឌឹអុីរ៉ាវាឌី ដូលហ្វីន
ខ្មែរ
អង់គ្លេស